Fréttatíminn - 04.05.2012, Page 22

Krumma

Gylfaflöt 7,
112 Reykjavík
587-8700
www.krumma.is
Þroskandi og fallegar vörur
fyrir flotta krakka.
LikeAbike: 34.950
19.900
Standur: 19.950
17.900
18.900
52.290
139.800
KR
Spá Fréttatímans: 1. sæti
Þrátt fyrir að KR-ingar hafi misst leikmenn
á borð við Guðjón Baldvinsson og Skúla Jón
Friðgeirsson þá er liðið ógnarsterkt. Sigrar
í meistarakeppni KSÍ og Lengjubikarnum
nú í vor gefa til kynna að leikmenn liðsins
og þjálfarinn Rúnar Kristinsson séu hvergi
nærri saddir þrátt fyrir tvöfaldan sigur í
fyrra. Nýr Skoti er kominn í vörnina hjá KR
í stað Skúla Jóns og Kjartan Henry fær að
spila sína uppáhaldsstöðu í kjölfar þess að
Guðjón Baldvinsson fór til Svíþjóðar. Ungu
mennirnir Haukur Heiðar, Atli Sigurjóns
og Þorsteinn Már hafa komið sterkir inn.
Kjarninn úr meistaraliði síðasta árs er til
staðar og fátt því til fyrirstöðu að KR-ingar
verji titilinn í ár.
Fram
Spá Fréttatímans: 2. sæti
Framarar geta veitt sér þann lúxus að
byggja ofan á frábæran endi á síðasta
tímabili. Bretarnir þrír, Allan Loving,
Steven Lennon og Samuel Hewson, sem
voru frábærir á lokasprettinum í fyrra,
hafa allir verið hér í vetur og það hefur
skilað sér í einum titli og aðeins einu tapi
á undirbúningstímabilinu. Bretarnir þrír
gera aðra leikmenn í kringum sig betri.
Steve Lennon er að öðrum ólöstuðum besti
framherji deildarinnar og Fréttatíminn
telur að Framarar séu líklegastir til að
veita KR samkeppni um meistaratitilinn.
FH
Spá Fréttatímans: 3. sæti
FH-ingar sætta sig aldrei við neitt annað en
sigur. Í það minnsta ekki á meðan Heimir
Guðjónsson er þjálfari liðsins. Varnarlína
liðsins hefur tekið miklum breytingum ekki
síst vegna þess að Tommy Nielsen er hætt-
ur og með honum Guðmundur Sævarsson.
Nýir menn á borð við Guðmann Þórisson
og Guðjón Árna Antoníusson þurfa að taka
á sig mikla ábyrgð. Gamlir refir, Atlarnir
tveir og Ólafur Páll leiða framlínuna ásamt
Alberti Ingasyni og verður fróðlegt að sjá
hvort hungrið, sem ekki virtist hafa verið
til staðar í fyrra, sé komið á nýjan leik.
FH-ingar gætu gert atlögu að titlinum en til
þess þarf allt að ganga upp.
Stjarnan
Spá Fréttatímans: 4. sæti
Stjörnumenn voru með skemmtilegasta
lið deildarinnar í fyrra. Þeir náðu upp
meiri stöðugleika en árin á undan og það
skilaði sér í frábæru tímabili. Þeim tókst
að halda öllum sínum helstu lykilmönnum;
Halldóri Orra, Garðari og Laxdal-bræðr-
unum Daníel og Jóhanni og það er góður
grunnur til að byggja á. Miklu máli skiptir
að Danirnir tveir komi sterkir inn. Stjörnu-
menn þurfa meiri stöðugleika ef þeir ætla
sér að berjast um titilinn. Varnarleikurinn
þarf að vera agaðri en þó ekki á kostnað
sóknarleiksins sem er styrkur liðsins. Og
þeir þurfa annað fimmtán marka tímabil
frá Garðari Jó.
Breiðablik
Spá Fréttatímans: 5. sæti
Það er ekki auðvelt að missa alltaf lykil-
menn á hverju ári í atvinnumennsku. Í
vetur hurfu Kristinn Steindórsson og Guð-
mundur Kristjánsson á braut. Liðið er ungt
og reynslulítið. Tilkoma Hollendingsins
Rene Troost mun styrkja varnarlínu Blika
mikið en eins og menn muna var hún slök
síðasta sumar. Auðvitað er slæmt fyrir liðið
að missa sinn helsta markaskorara annað
árið í röð en það gefur öðrum leikmönnum
tækifæri til að stíga upp. Fréttatíminn spáir
því að Andri Rafn Yeoman eigi eftir að
spila vel í sumar í nýrri stöðu aftarlega á
miðjunni og reynast lykilmaður. Það verður
þó einhver bið á að Breiðablik berjist um
titilinn á nýjan leik að mati Fréttatímans.
ÍA
Spá Fréttatímans: 6. sæti
Skagamenn hafa styrkt sig mikið í vetur.
Reynsluboltarnir Reynir Leósson og Hjört-
ur Hjartarson, sem báðir áttu stóran þátt
í því að koma liðinu upp í efstu deild, urðu
eftir í 1. deildinni en í staðinn hafa komið
inn sterkir leikmenn. Mest munar um Jó-
hannes Karl Guðjónsson sem kemur heim
úr atvinnumennskunni á besta aldri. Með
hann og Mark Donninger á miðjunni eru
fá lið betur mönnuð á því svæði vallarins.
Frammi eiga síðan Gary Martin og Garðar
Gunnlaugsson að skora mörkin. Fréttatím-
inn setur spurningamerki við Kára Ársæls-
KR-ingar verja titilinn
Pepsideildin hefst nú um helgina. Mikil eftirvænting ríkir meðal knattspyrnuáhugamanna fyrir
sumrinu. Stærsta spurningin er hvort KR-ingum takist að verja titil sinn frá í fyrra. Spá Fréttatímans
er að sú verði raunin og að Selfoss og Fylkis bíði það leiða hlutskipti að falla í 1. deild í haust.
22 fótbolti Helgin 4.-6. maí 2012