Bændablaðið - 12.12.2013, Page 28

28 Bændablaðið | Fimmtudagur 12. desember 2013
Svínaræktarfélag Íslands
Framleiðnisjóður
landbúnaðarins
Félag
eggjaframleiðenda
Félag
kjúklingabænda
Landssamtök
sláturleyfishafa
Óskum landsmönnum öllum
gleðilegra jóla og farsældar á nýju ári
Valkyrja.
Jólagjöfin í ár
Bandaríska geimferðastofnunin
NASA (National Aeronautics
and Space Administration) hefur
kynnt ofurvélmenni í mannsmynd
sem hugsað er til geimferða. Hefur
vélmennið hlotið nafnið Valkyrja
og má ætla að hún afar henti vel til
að siða til karlpening á íslenskum
heimilum. Nú, eða bara sem
fjósakona í sveitinni. Spurningin
er þá bara hvort NASA hafi
undan að láta framleiða gripinn
ef íslensk „tæknidellufrík“ komast
á bragðið.
Valkyrja var hönnuð hjá Johnson
Space Center í samvinnu við Texas-
háskóla og Texas A&M háskólann.
Hún er 1,92 metrar á hæð og er
123,7 kg að þyngd. Er ætlunin að
mæta með vélmennið í DARPA
vélmennakeppnina (DARPA
Robotics Challenge).
Sagt er að Valkyrja eigi að stand-
ast Terminator-vélmenninu Atlas
fyllilega snúning. Þessi vélgyðja er
knúin rafhlöðu sem á að endast í eins
klukkutíma notkun. Þá er hún með
fjárlægðarskynjurum sem byggja á
hljóðbylgjum (sonar) og er hún með
myndavélarsjón m.a. á fótum til að
skynja umhverfi sitt.
Vísindamenn NASA telja að
Valkyrja geti komið að góðum
notum við geimrannsóknir og lík-
legast verði vélmenni sem þetta sent
sem undanfari lifandi geimfara til
Mars.
Þar sem hefð er fyrir því að
undirbúa bandariska geimfara á
Íslandi undir ferðir til tungslins væri
örugglega tilvalið að ráða Valkyrju
á íslenskt sveitaheimili til að reyna
hana við misjafnar aðstæður. Þar sem
Valkyrja er vélrænt ofurkvendi gæti
samt verið betra fyrir kvenmanns-
lausa einbúa í sveitum landsins að
athuga málið aðeins betur áður en
rokið er í símann til að ráða slíka
vinnukonu. Ekki er heldur alveg víst
að NASA sé búið að kenna henni að
gera greinarmun þjónustu við kýr
eða menn og hvenær nóg er að gert
við mjaltirnar eða smjörstrokkunina.
Frumvarp iðnaðarráðherra
um jöfnun á dreifingar kostnaði
raforku hefur verið samþykkt
í ríkisstjórn og af hálfu þing-
flokka ríkisstjórnarinnar.
Frumvarpið verður lagt fram
á næstu dögum. Samkvæmt
heimildum Bændablaðsins
gengur það út á jöfnun raforku-
verðs til almennra notenda í
dreifbýli til jafns við notendur
í þéttbýli að fullu í áföngum.
Í gildi eru lög um jöfnun
kostnaðar við dreifingu raforku
frá árinu 2004. Í þeim kemur
fram að markmið laganna sé
að stuðla að jöfnun dreifikostn-
aðar til almennra notenda. Um
240 milljónum króna er veitt til
málaflokksins í dag en sú upphæð
þyrfti að vera umtalsvert hærri til
að jafna muninn að fullu. /fr
Nýtt frumvarp:
Dreifingar kostnaður
raforku verði
jafnaður að fullu