Læknablaðið - 01.12.1961, Qupperneq 86

194
LÆKNABLAÐIÐ
2) Lyfjameðferð, sem beinist
gegn helztu einkennum.
3) Segavarnir.
Verður hér á eftir stuttlega
talið hið helzta, sem vitað er
um þessi atriði, eins og sakir
standa.
Lífshættir:
Líkamlega og andlega
áreynslu verður að sníða eftir
þoli sjúklinganna, og er bezti
mælikvarðinn á þetta hjarta-
kveisan (angina pectorisj.Menn
verða því eftir föngum að forð-
ast allt það, sem hjartakveisu
veldur, en láta jafnan undan
samstundis, ef verkir gera vart
við sig þrátt fyrir aðgátina.
Nauðsynlegt er þó að brýna
fyrir fólki að setjast ekki í
helgan stein, því að hæfileg
áreynsla er vafalaust til bóta.
Vægur súrefnisskortur er hinn
áhrifamesti hvati til myndunar
hliðarblóðrásar, sem er leið
náttúrunnar til lækningar sjúk-
dómsins, en kyrrsetur eru skað-
legar.
Til bóta er hæfileg hvíld dag-
lega, einkum eftir máltíðir.
Létt fitulítið fæði og litlar mál-
tíðir er ráðlegt. Umfram allt
ber að forðast offitu, en megra
þá sjúklinga, sem þess þurfa.
Gott væri, ef sjúklingar með
kransæðasjúkdóma gætu tamið
sér heimspekilegt lífsviðhorf
og með því gert útlægan allan
asa og óþarfa æsingu og áhyggj-
ur af smámunum.
Tóbaksnautn er vafalítið
skaðleg, einkum þykir þetta
sannað um óhóflegar vindlinga-
reykingar. Áfengisnautn í hófi
er af flestum talin heldur til
bóta vegna víkkandi áhrifa
vínanda á kransæðar. Mikils-
vert er að halda meltingu í sem
beztu lagi.
LyfjameðferS:
Nitroglycerin er enn sem
fyrr áhrifamesta lyfið. Áhrif-
anna gætir mjög fljótt, innan
2—3 mínútna, en komi áhrif
á hjartakveisuna seinna í ljós,
er ekki unnt að þakka þau lyf ja-
gjöfinni. Sjúklingarnir verða
að bera lyfið með sér, hvert
sem þeir fara, og taka það
strax, er verkir gera vart við
sig eða ef verkirnir hverfa ekki
við 1—2 mínútna hvíld. Einnig
geta menn tekið lyfið fyrir-
fram til að hindra verki, ef
menn eiga fyrir höndum ein-
hverja þá áreynslu, sem þeir
hafa reynslu fyrir að veldur
þeim hjartakveisu, svo sem að
ganga ákveðna vegalengd.
Nitroglycerin þolir ekki
langa geymslu, og það er
áhrifalaust, nema það sé tekið
á réttan hátt (látið renna í
munni), en reynslan sýnir, að
þetta er ekki ávallt nægilega
brýnt fyrir sjúklingum. Auka-
verkanir lyfsins eru óverulegar:
hitakennd, æðasláttur og stund-
um einkenni um blóðþrýstings-
lækkun, er koma strax eftir inn-