Læknablaðið - 01.06.1972, Síða 73

LÆKNABLAÐIÐ
51
NÝ SAMTÖK UNGRA LÆKNA
Á sameiginlegum fundi stjórna Norrænu læknasamtakanna, sem
haldinn var í maí 1970, sagði Axel Aubert, þáverandi formaður norska
læknafélagsins, í ræðu, að á síðari árum hefðu mál þannig þróazt, að
læknasamtökin hefðu skipazt í þrjár sveitir. Hefðu sérfræðingar
myndað sérstakan hóp, læknar, er ynnu í almennum praksís myndað
annan hóp og yngri læknar myndað þriðja hópinn. Það er þó naumast
fyrr en á síðustu árum, sem þessi þriðji hópur hefur verið til. Félag
ungra lækna í Noregi var stofnað 1911, Félag ungra lækna í Dan-
mörku var stofnað 1919 og sambærileg félög í Svíþjóð og Finnlandi
voru stofnuð á þriðja og fjórða áratug þessarar aldar.
Forsaga þessa þriðja hóps á íslandi er lengri en menn almennt
halda. Fyrsta tilraun til stofnunar félags ungra lækna hér var gerð
árið 1959, og mun sú stofnun að líkindum hafa þróazt upp úr kjara-
baráttu kandídata, sem hófst að marki árið 1955 eða 1956. Á árunum
1961 og 1962 voru og gerðar tilraunir til að stofna og halda lífi í
slíku félagi, og minnist ég þess að hafa séð frá þeim tíma uppkast
að lögum fyrir slíkt félag, en ekki varð þá af formlegri stofnun eða
endurreisn félagsins. Árið 1965 myndaðist svo umræðuhópur ungra
lækna, sem var algjörlega óformbundinn hópur af ungum læknum,
áhugasömum um ýmis heilbrigðismál, og varð kveikjan að þeim hóp
e. t. v. fyrst og fremst sú, að allstór hópur ungra lækna vildi vekja
athygli á og láta rannsaka tilfelli frá einu sjúkrahúsanna hér í bæn-
um, þar sem e. t. v. var um að ræða misferli í starfi læknis. Störf
þessa hóps fóru aðallega fram á þann hátt, að menn hittust hálfs-
mánaðar- eða mánaðarlega, og tekin voru til athugunar sérstök mál,
bæði í sambandi við starfsaðstöðu á spítölum, í sambandi við samn-
ingu reglugerðar um veitingu lækna- og sérfræðileyfa og ýmislegt
fleira, sem efst var á baugi hverju sinni.
Árið 1969 mátti heita, að samræðuhópur þessi lognaðist út af,
og segir ekki af samtökum ungra lækna í tvö ár, þar til síðastliðið
haust, að boðað var til fundar á Borgarspítalanum í nóvembermánuði.
Kom þar fram mikill áhugi um, að stofna skyldi félag ungra lækna.
Var talið, að með umræðuhópi ungra lækna hefði horfið mjög gagn-
legur og frjór umræðuvettvangur, sem hefði látið ýmislegt gott af sér
leiða, en augsýnilegt væri, að hann hefði lognazt út af sökum skorts
á formlegri stjórn, þ. e. skorts á formlegum félagsskap. Var þrem
mönnum falið að gera drög að lögum fyrir Félag ungra lækna, og
eru þau lög, sem samþykkt voru á stofnfundi 2. desember sl., svo
til óbreytt frá lögum, sem samin voru, á meðan umræðuhópur ungra
lækna starfaði. Þessi drög komu fram á þeim tíma, vegna þess að þá
töldu ýmsir, að nauðsynlegt væri að stofna félag, en ekki varð úr því
í það skipti.
Stofnfundur Félags ungra lækna var síðan haldinn í Domus
Medica 2. desember sl. Voru þar samþykkt lög fyrir félagið og kosin