Læknablaðið - 01.11.1972, Síða 19

LÆKNABLAÐIÐ
1(51
af reyktu hrossakjöti í annarri búð á Oddeyri, og hefðu þau borðað
það öll. Afgangnum af því kjöti var hann búinn að henda. Sýni
frá báðum feðgunum voru neikvæð.
SMITUNARMÖGULEIKAR
Þrátt fyrir dreifingu STM tilfellanna, 3 sjúklingar, alls staðar
aðeins einn í heimili, án samgangs eða vitaðra tengsla sín á milli,
þóttu allar líkur á, í ekki stærri bæ en Akureyri, að uppspretta
smitunar með STM væri aðeins ein. Hér hafði ekki vitnazt um STM
í nærri ár, og að smitun færi samtímis að berast frá tveim eða
fleiri stöðum virtist ólíklegra en að einhver tengsl lægju þrátt fyrir
allt milli þessara þriggja smitana. Ef svara ætti spurningunni um,
hvaðan sjúklingar þessir hefðu smitazt, yrði að gera þá kröfu, að
eitt svar gæti átt við alla sjúklingana. Svarsins væri að leita í
einhverjum þáttum mataræðis þeirra, sem kæmu frá sama stað og
gætu borið með sér STM frá einum og sama smitbera.
STM berst nær eingöngu með matvælum. Erfitt var að gera
sér grein fyrir venjulegu mataræði og afbrig'ðum frá því á heimili
nr.l., en góða upplýsingar fengust frá nr. 3. og 4. Mataræði nr. 3.
var mjög sérkennilegt, en vitað var um afbrigði frá því á eðlileg-
um tíma miðað við veikindi hennar, niðurskorna hangikjötið frá
kjötvinnslu X. Kjöt verkað hjá X var aðeins selt hjá honum og í
einni búð í bænum, en í þeirri búð keypti sambýlismaður nr. 4.
reykta hrossakjötið fáum dögum, áður en hún veiktist. í þeirri
búð var eingöngu selt kjöt frá X. Að vísu var hrossakjötið soðið,
áður en þess var neytt, og hefðu að suðu lokinni ekki átt að hafa
að geyma STM, en þá er þess að gæta, að feðgarnir, sem borðuðu
það, veiktust ekki, heldur aðeins húsmóðirin, sem matbjó kjötið
og handlék það því ósoðið. Þar við bættist, að X sagðist kannast
vel við syni sambýliskonu nr. 1.; mundi, að' þeir hefðu nokkrum
sinnum keypt kjötvörur hjá honum, en hverjar og hvenær gat
hann ekki sagt um. Við athugun á líkum til smits var hangikjötið
hjá nr. 3. þyngst á metunum.
Grunurinn beindist nú að kjötvinnslu X. Voru fengin sýni
frá honum og allri fjölskyldu 'hans, svo og sýni af kjötvörum frá
honum. Öll þessi sýni voru neikvæð, Eini starfsmaður X var
systursonur hans, K.B.-son, f. 16/8 1951. Sýni frá honum, tekin
18/6, voru jákvæð (2 sýni), en svör um þau bárust ekki fyrri en
30/6. Hann er hér skráður sem: Sjúklingur nr. 6. (FSA lyfl.deild,
sjúkraskrá 403/1969.). Lá á FSA 1/7 — 12/7 1969. Öll sýni frá
honum á FSA voru neikvæð svo og öðru hvoru áfram, síðast 23/7,
24/7 og 25/7. Á FSA fékk hann chloramp’henicol, 500 mgr. 4 sinnum
á dag í 10 daga.
Nr. 6. haíði aldrei kennt sér meins frá metlingarvegum. Hann
hefur verið alinn upp jöfnum höndum í Landaríkjunum og' á íslandi.
Sumarið 1968 ferðast hann allmikið um Norðurlönd og Mið-
Evrópu, en byrjaði að vinna hjá X í nóvember 1968.