Læknablaðið - 01.12.1978, Qupperneq 58

196
LÆKNABLAÐIÐ
FRÉTTIR FRÁ LÆKNAFÉLAGI VESTURLANDS
Stjórn félagsins árið 1976—1977 skipuðu
eftirtaldir læknar: Guðmundur Árnason, Akra-
nesi, formaður, Reynir Þorsteinsson, Akranesi,
ritari og Aðalsteinn Pétursson, Kleppjárns-
reykjum, gjaldkeri.
Fulltrúi á aðalfund Læknafélags Islands var
kjörinn Guðmundur Árnason, en Pálmi Fri-
mannsson, Stykkishólmi til vara.
Starfsemi félagsins hefur verið fremur litil
á undanförnum árum, aðeins einn fundur hald-
inn, þ.e. aðalfundur og hefur þá jafnframt ver-
ið haldinn fræðandi fyrirlestur um læknis-
fræðileg efni.
Á sl. starfsári voru hins vegar haldnir 4
fræðandi fyrirlestrar á vegum félagsins, allir
i Sjúkrahúsi Akraness.
Þann 12. nóvember 1977 flutti Hrafn V.
Friðriksson, yfirlæknir, forstöðumaður Heil-
brigðiseftirlits ríkisins, fyrirlestur um starfs-
svið heilbigðiseftirlitsins. Þann 10. desember
1977 flutti dr. Arnar Þorgeirsson, húðsjúk-
dómalæknir, fyrirlestur um allergiskt kontakt-
exem. Þann 18. febrúar 1978 flutti dr. med.
Þorvaldur Veigar Guðmundsson fyrirlestur um
efnaskipti fituefna og cholesterols og á aðal-
fundinum 6. mai 1978 flutti Björn Önundarson,
tryggingayfirlæknir, fyrirlestur um örorkumat.
Aðalfundur félagsins var haldinn í Sjúkra-
húsi Akraness þann 6. mai 1978 og var mjög
vel mætt á fundinn. Skýrði fyrrverandi for-
maður, Pálmi Frímannsson og formaður, Guð-
mundur Árnason, frá því helsta, sem rætt hafði
verið á aðalfundi Læknafélags Islands og for-
mannaráðstefnum.
Því næst fór fram stjórnarkjör. Fráfarandi
stjórn stakk upp á Jóni Jóhannessyni, lækni á
Akranesi, sem formanni, Guðbrandi Kjartans-
syni, Akranesi, ritara og Árna Ingólfssyni,
Akranesi, gjaldkera og voru þeir kosnir sam-
hljóða. Valgarð Björnsson, Borgarnesi, var
kjörinn endurskoðandi og Guðmundur Árnason
varafulltrúi á aðalfundi, einnig samhljóða.
Næst voru tekin fyrir önnur mál, og var
rætt um fræðslustarfsemi félagsins á næsta
starfsári. Ákveðið var að stefna að því að halda
fræðslufundi víðar en á Akranesi og hafa þá
fleiri en einn fyrirlesara á hverjum fundi, svo
menn legðu frekar á sig að mæta. Ákveðið var
að halda 4 fræðslufundi næsta vetur auk aðal-
fundar. Þann fyrsta í Stykkishólmi, annan
laugardag i október kl. 13.00. Þann næsta í
Borgamesi, annan laugardag í nóvember kl.
11.00. Þann þriðja í Borgarnesi, annan laugar-
dag í mars kl. 11.00 og þann fjórða á Akranesi,
annan laugardag í apríl kl. 13.00.
Ekki var talin þörf á að hafa sérstaka
fræðslunefnd, en læknar í Stykkishólmi ætla
að sjá um sinn fund, en stjórnin um hina þrjá,
auk aðalfundar.
Tillaga kom fram frá fráfarandi stjórn um
stofnun sögunefndar, til að kanna æviferil fé-
lagsins, sem mun stofnað í kringum 1955 og
hafa á reiðum höndum á 25 ára afmælinu a
næsta ári. í nefndina voru kosnir samhljóða
læknarnir Bragi Níelsson og Hallgrímur
Björnsson. 1 þessu sambandi var rætt nokkuð
um varðveislu skjala félagsins, en flest skjöl
félagsins munu týnd. Var talið koma til greina,
að forngripir yrðu geymdir í bókasafni Sjúkra-
húss Akraness, en ekki voru gerðar um það
neinar samþykktir.
Rædd var á fundinum tillaga til þingsálykt-
unar um skipulag sérfræðiþjónustu i heilsu-
gæslustöðvum, en Læknafélag Islands hafði
sent út fyrir nokkru dreifibréf og beðið um
álit og tillögu frá svæðafélögum. Fundarstjóri
bað menn á hverjum stað að segja frá núver-
andi ástandi i þeim efnum og hvernig þeir helst
vildu bæta sérfræðiþjónustuna. Skýrði síðan
einn læknir frá hverjum stað frá núverandi
fyrirkomulagi og ástandi og báru fram fram-
tíðaróskir i þessum efnum. Mun nákvæm út-
tekt á núverandi ástandi og óskum um sér-
fræðiþjónustu á heilsugæslustöðvum félagsins
verða gerð og niðurstöðum komið á framfæri
við Læknafélag íslands. Var nýkjörinni stjórn
falið það verkefni.
Eftir hádegisverð hélt Björn Önundarson,
tryggingayfirlæknir, fræðandi fyrirlestur um
örorkumat og urðu líflegar umræður um það
efni.
Um kvöldið hélt Sjúkrahús Akraness kvöld-
verðarboð fyrir lækna og eiginkonur þeirra.
Þar færði fráfarandi formaður, Guðmundur
Árnason, Hallgrími Björnssyni, lækni, Akra-
nesi, innrammað heiðursskjal, sem heiðursfé-
laga Læknafélags Vesturlands. Var það gert
fyrir margháttuð og farsæl störf hans fyrir
ibúa Akraness og nágrennis sl. 41 ár og fyrir
störf hans í Sjúkrahúsi Akraness og í Lækna-
félagi Vesturlands.
Hallgrímur hafði raunar verið kjörinn heið-
ursfélagi á aðalfundi vorið 1976 i Borgarnesi
og var heiðursskjalið nú staðfesting þess.
G.A.