Læknablaðið - 01.10.1979, Síða 6

226
LÆKNABLAÐIÐ
Frá norrænum ritstjórnaríundi læknablaðanna
Síðast í ágústmánuði komu saman til árlegs
fundar fulltrúar læknablaðanna á Norðurlönd-
unum og var fundurinn haldinn í Bolkesjö í
Noregi. Var fundur þessi síðast haldinn á Ak-
ureyri, en á beim skiptast ritstjórnirnar á upp-
lýsingum og fréttum og fengnir eru fyrirlesar-
ar til að ræða um ákveðin efni.
Aðalfyrirlesari að þessu sinni var Stephen
Lock ritstjóri British Medical Journal. Ræddi
hann einkum meðhöndlun aðsendra greina áð-
ur en þær koma til birtingar í læknaritum og
fjallaði í því sambandi um lengd greina, hvort
og hver eigi að umskrifa þær ef nauðsyniegt er
talið, val efna o.fl. Nefndi hann m.a. eitt aðal-
vandamál BMJ sem er hversu gífurlega marg-
ar greinar blaðið fær sendar, eða allt að 5.500,
en verður að hafna kringum 80% þeirra vegna
plássleysis. Þá var í umræðuhópum fjallað nán-
ar um þetta efni, auk þess sem ræddir voru
möguleikar á auknu samstarfi landanna um
ýmis mál og ræddar voru hugmyndir um víð-
tækara efnisval læknablaða en fræðilegar
greinar svo sem viðtöi, skoðaskipti o.þ.h.
Myndirnar eru frá fundinum, sú minni af
Stephen Lock að flytja erindi og sú stærri
frá umræðuhópi. Næsti ritstjórnarfundur er
ráðgerður í Finnlandi síðsumars 1980.