Dagblaðið Vísir - DV - 06.03.2007, Page 2

þriðjudagur 6. mars 20072 Fréttir DV
InnlendarFréttIr
ritstjorn@dv.is
Ekið var á átta ára dreng á Akranesi á miðvikudag. Ökumaðurinn stakk af án þess að
huga að barninu. Móðir drengsins varð vitni að atburðinum. Guðbjartur Hannesson,
skólastjóri Grundaskóla, segir þetta áfall enda skólinn leiðandi í umferðaröryggi barna.
Varðstjóri lögreglunnar segir drenginn skelkaðan en heilan á húfi.
Keyrði á barn
og flúði á brott
„Það er mikið áfall að menn skuli
gera svona lagað,“ segir Guðbjart-
ur Hannesson, skólastjóri Grunda-
skóla á Akranesi, en síðastliðinn
miðvikudag var ekið á átta ára dreng
þar sem hann gekk yfir gangbraut á
leið í skóla. Ökumaðurinn, sem ók
gegn rauðu ljósi þegar barnið gekk
yfir gangbrautina ásamt þremur öðr-
um börnum, ók utan í drenginn með
þeim afleiðingum að hann tognaði á
hné. Móðirin var nýbúin að kveðja
hann og varð vitni að ódæðinu.
Það var síðastliðinn miðvikudag
sem móðir kvaddi átta ára son sinn
við gangbrautina á Innnesvegi á
Akranesi. Hann fór eftir öllum um-
ferðarreglum, leit til beggja hliða og
beið eftir græna gangbrautakarlin-
um. Þegar hann kom gekk drengur-
inn út á gangbrautina ásamt þrem-
ur skólasystkinum í góðri trú um að
þau kæmust klakklaust yfir götuna.
Þá kom skyndilega hvítur fólksbíll
aðvífandi en umferðarljósin sýndu
augljóslega rauða stöðvunarskyldu.
Svo virðist sem ökumaðurinn hafi
ekki verið vel vakandi og ók ótrauð-
ur áfram. Hann keyrði á barnið með
þeim afleiðingum að það tognaði á
hné. Maðurinn stakk af frá vettvangi
og er ófundinn.
Móðir varð vitni
Móðir barnsins varð vitni að at-
burðinum en gat ekki gefið greina-
góða lýsingu á bifreiðinni. Enda brá
henni talsvert þegar ekið var á barn-
ið hennar. Hún fór upp á heilsugæslu
þar sem gert var að meiðslum sonar-
ins. Meiðslin voru minniháttar en
það er ekki hægt að þakka ökumann-
inum.
„Við erum alltaf að berjast fyrir því
að fólk hjálpi okkur að auka umferð-
aröryggi barnanna,“ segir Guðbjartur
Hannesson skólastjóri Grundaskóla.
Skólinn er leiðandi í umferðarfræðslu
og heldur reglulega námskeið fyr-
ir grunnskólabörn. Því er mikið lagt
upp úr umferðaröryggi enda nýbú-
ið að lækka hámarkshraða í grennd
við skólana niður í þrjátíu kílómetra
á klukkustund.
Sofandi ökumaður
„Það er hugsan-
legt að ökumaðurinn
hafi ekki tekið eftir
því sem hann gerði,“
segir Guðbjartur en
það hljómar nokkuð
harðsvírað að hann
hafi ekið á barnið og
stungið svo af frá vett-
vangi vitandi hvað hann
gerði. Að sögn Guðbjarts
sýna ökumenn yfirleitt
fyrirmyndarhegð-
un í grennd
við skól-
ann. Aft-
ur á móti
verða
slysin og
svo virð-
ist sem þessi ökumaður hafi verið
þreyttari en gengur og gerist.
Nokkuð öflugt eftirlit hefur verið
með gangbrautinni en unglingar úr
efsta árgangi skólans sáu um gang-
brautargæslu í svartasta skamm-
deginu. Þau aðstoðuðu yngstu börn-
in við að komast yfir klakklaust og
kenndu þeim umferðarreglurn-
ar. Að sögn Guðbjarts gekk
það framar vonum en það
eftirlit var ekki þegar ekið
var á barnið.
Skelkaður en heill á
húfi
„Drengurinn er heill á
húfi en nokkuð skelkað-
ur eftir atburðinn,“ segir Jó-
hanna Gestsdóttir varðstjóri
hjá lögreglunni á Akra-
nesi. Hún segir atvikið
vissulega óhugn-
anlegt þar sem
maðurinn
stoppaði
ekki einu
sinni eft-
ir að
hann
ók á barnið. Hún segir það hugs-
anlegt að hann hafi ekki áttað sig á
því að hann keyrði á barnið. Atvikið
átti sér stað snemma um morgun en
það réttlætir þó ekki gáleysi manns-
ins. Að sögn Jóhönnu kemur fyrir að
menn séu fullsofandi þegar þeir aka
framhjá skólanum. Þá eru umferðar-
ljósin einnig nokkuð nýtilkomin og
sumir hafa ekki vanist þeim til fulls.
Menn verða þó að hafa aðgát í um-
ferðinni, hvar sem þeir eru, að sögn
Jóhönnu.
Leita að vitnum
„Við höfum engar nýjar upplýs-
ingar og bendum vitnum á að hafa
samband við okkur,“ segir Jóhanna
en lýsingin á bílnum er afar tak-
mörkuð. Móður barnsins var að von-
um brugðið þegar hún varð vitni að
atvikinu. Hún náði hvorki númerinu
né tegund bílsins. Bíllinn er að öllum
líkindum hvítur fólksbíll en meiri
upplýsingar eru ekki fyrir hendi.
„Það líður örugglega smá tími þar
til pollinn treystir ljósunum á ný,“
segir Jóhanna en barninu var veru-
lega brugðið vegna árekstursins en
sem betur fer fór betur en á horfðist.
vaLur GrettiSSon
blaðamaður skrifar: valur@dv.is
„drengurinn er heill á
húfi en nokkuð skelk-
aður eftir atburðinn.“
„Reykjavíkurborg og SÁÁ hafa
rætt um búsetuúrræði fyrir fólk sem
er illa statt,“ segir Þórarinn Tyrfings-
son yfirlæknir á Vogi. Hann og vel-
ferðarsvið Reykajvíkurborgar hafa
rætt sín á milli um að koma á fót bú-
setuúrræði fyrir fók sem er illa fé-
lagslega statt vegna vímuefnaneyslu
eða af öðrum ástæðum.
Hugmyndin er sú sama og Byrgið
var en ef samkomulag næst þá mun
það heyra undir heilbrigðisstofnun.
Málefni Byrgisins voru á könnu fé-
lagsmálaráðuneytis áður en það var
lagt niður en mun með þessu heyra
undir heilbrigðisráðuneytið.
„Það hefur ekki verið rætt um að
fara á Efri-brú,“ segir Þórarinn að-
spurður hvort húsnæðið sem heyrði
undir Byrgið verði notað ef sam-
komulag næst. Hann segir málið
vera á algjöru byrjunarstigi og ekk-
ert hefur verið rætt um staðsetningu
eða fyrirkomulag. Þórarinn lítur á
úrræðið sem framtíðarmöguleika en
nokkur skortur hefur verið á búsetu-
úrræðum eftir að Byrgið var slegið af
eftir að meint kynferðisbrota og fjár-
málaóreiða komu upp.
„Þetta hefur ekki verið rætt innan
verlferðarnefndar en ég tel eðlilegt
að það verði gert ef einhversskonar
samningaviðræður eru hafnar,“ seg-
ir Björk Vilhelmsdóttir borgarfull-
trúi Samfylkingarinnar. Hún hafði
ekki heyrt neitt um málið og var ekki
kunnugt um drætti þess. valur@dv.is
Velferðarsvið Reykjavíkurborgar og SÁÁ í samningaviðræðum:
SÁÁ finni leið fyrir Byrgisfólk
Byrgið Hugsanlega gengur
Byrgið í endurnýjun lífdaga ef
sÁÁ nýtir húsnæðið undir
hugsanlegt búsetuúrræði fyrir
þá sem eiga félagslega erfitt.
Keyrði fram
af vegbrún
Nokkur umferðaróhöpp urðu
á Vestfjörðum í síðustu viku. Ti-
lkynnt var um umferðaróhapp á
Ennishálsi laust upp úr klukk-
an tvö á föstudaginn. Þar hafði
jeppabifreið farið fram af brattri
vegbrún. Fimm voru í bifreiðinni
en enginn slasaðist alvarlega.
Flytja þurfti bifreiðina á brott með
kranabíl. Þann sama dag og um
svipað leyti valt bifreið á Stein-
grímsfjarðarheiði í hálku og miklu
hvassviðri. Þrír voru í þeirri bif-
reið og fóru þeir allir til skoðunar
á heilsugæslustöðina á Hólmavík.
Bifreiðin var mikið skemmd og
flutt af vettvangi með vörubifreið.
rallíhraði á
Suðurnesjum
Ökumaður var stöðvaður á
175 kílómetra hraða á Suðurnesj-
um síðdegis í gær.
Lögreglan færði hann á lög-
reglustöðina þar sem hann var
sviptur ökuréttindum enda all-
nokkuð yfir leyfilegum hámarks-
hraða. Alls voru sex ökumenn
kærðir fyrir of hraðan akstur í
umdæmi lögreglunnar á Suð-
urnesjum. Þá voru þrjú ökutæki
boðuð til skoðunar vegna van-
rækslu á að færa bifreiðarnar til
endurskoðunar. Annars varð eitt
minniháttar óhapp í umdæm-
inu.
Mikið um
árekstra í
hálkunni
Mikið var um árekstra á
höfuðborgarsvæðinu í morg-
un þar sem ökumenn gættu
sín ekki nægilega á lúmskri
hálku. Eitthvað var um meiðsl
á fólki en þegar DV fór í prent-
un var ekki vitað til þess að
nokkur hefði slasast alvarlega.
Sex árekstrar höfðu ver-
ið tilkynntir til lögreglu um
klukkan átta og er það talsvert
meira en lögreglumenn eiga
að venjast. Meiðsl urðu á veg-
farendum í alla vega tveimur
tilfellum en óljóst var hversu
alvarleg þau væru.
Guðbjartur Hannesson
skólastjóri Grunda-
skóla segir það mikið
áfall að ekið var á barn við
skólann.
Gangbraut Barnið var á
leið yfir götu á gangbraut
þegar ekið var á það.
lífið er
dásamlegt
Málþing Handarinnar verður
haldið í neðri sal Áskirkju í kvöld
en það eru alhliða mannúðar- og
mannræktarsamtök sem leitast við
að vera vettvangur fólks til sjálfstyrk-
ingar og samhjálpar.
Forskrift málþingsins er Lífið er
dásamlegt, en margir þekktir verða
kallaðir til. Þar má nefna Margréti
Frímannsdóttur alþingiskonu Guð-
laug Þór Þórðarson alþingismann og
Siguð Þ. Ragnarsson veðurfræðing.
Þingið hefst klukkan hálf níu í kvöld.
Veisla í miðborginni
Veislukompaníið er alhliða veislu- og
fundaþjónusta, nýr og spennandi valkostur
í miðborginni. Þú gengur að fyrsta flokks
húsnæði með öllum tæknibúnaði, frábærum
veitingum og þjónustu á besta stað í bænum.
Lækjargötu 2a 101 Reykjavík s 517 5020 www.veislukompaniid.is