Dagblaðið Vísir - DV - 06.03.2007, Page 4

Þriðjudagur 6. mars 20074 Fréttir DV
Eistlendingi var komið til bjargar við Esso á Ártúns-
höfða en hann hafði verið rændur og laminn. Hann
segir fimm menn hafa rænt sig sjötíu þúsund krón-
um og gengið í skrokk á sér. Stöðvarstjóri Esso segir
manninn hafa litið illa út en starfsmaður hafi ekki
hikað við að hlúa að honum og hringja á aðstoð.
„Við höfum orðið vör við ýmislegt og
erum öllu vön,“ segir Guðrún Gísla-
dóttir, stöðvarstjóri Esso á Ártúns-
höfða, en starfsmaður hennar kom
manni til bjargar eftir að fimm menn
höfðu ráðist á hann og rænt. Maður-
inn er eistneskur en samkvæmt lög-
reglunni varð hann fyrir árás rétt hjá
bensínstöðinni. Hann leitaði inn á
stöðina og rétti starfsstúlku símann
sinn. Hún hringdi á lögregluna og
hlúði síðan að manninum enda sá
talsvert á honum eftir árásina.
Það var um sjöleytið á sunnu-
dagskvöldið sem maður á fertugs-
aldri kom alblóðugur inn á Esso á Ár-
túnshöfða. Stöðvarstjórinn, Guðrún
Gísladóttir, segir að afar lítið hafi far-
ið fyrir manninum. Hann var alblóð-
ugur enda kom í ljós síðar að hann
var nefbrotinn auk þess sem hann
var með aðra áverka. Afgreiðslu-
stúlka sem stóð vaktina sá manninn
og bauð honum aðstoð. Hún hlúði
að honum og hringdi á lögregluna
sem kom á vettvang stuttu síðar.
Maðurinn segir fimm menn af pólsk-
um uppruna hafi ráðist á sig. Hann
fullyrðir einnig að þeir hafi rænt af
honum sjötíu þúsund krónum. Hann
hefur kært árásina.
Við hjálpum
„Við hjálpum því fólki sem þarf
á að halda,“ segir Guðrún Gísla-
dóttir stöðvarstjóri Esso á Ártúns-
höfða. Hún hefur unnið í tíu ár hjá
Esso og upplifað ýmislegt. Hún vill
ekki nefna dæmi en segir það eðli-
legt að fólk hjálpi náunganum. Það
er þó ekki sjálfgefið en í síðustu viku
sagði DV frá stórslösuðum manni.
Hann reyndi að stöðva bíla til þess
að komast upp á spítala. Það var
ekki fyrr en seint og síðar meir sem
leigubílstjóri stoppaði og ók mann-
inum á spítala til aðhlynningar.
Þegar þangað var komið var hann
kaldur og hrakinn auk þess að vera
margbrotinn í andliti.
Starfsfólk Esso sýndi þó meiri
styrk og segir Guðrún viðbrögð
starfsmanna hafa verið til fyrir-
myndar og gekk allt saman skjótt
fyrir sig.
Hógværð ofar öllu
„Við reynum bara að hjálpa,“ seg-
ir Guðrún hógvær um óvenjulega
aðstoð afgreiðslufólksins. Það er
ljóst að þess er ekki aðeins krafist að
afgreiðslufólk brosi og fylli á tóm-
an tankinn, það þarf að vera í stakk
búið til að takast á við hið óvenju-
lega. Aðspurð segir Guðrún að stúlk-
an sem hlúði að fórnarlambinu hafi
verið óvenjusnögg að ná sér á strik
eftir atburðinn. Sjálf segir Guðrún
að þau séu hætt að kippa sér upp
við hvað sem er. Stöðin er opin allan
sólarhringinn og þangað kemur hin
fjölbreyttasta flóra landsins. Á stöð-
inni starfa um fjörutíu manns og því
nóg um að vera.
Spennandi fjör
Hún lætur vel af starfinu. „Þetta
er bara spennandi og oftar en ekki
fjör,“ segir hún hlæjandi. Að hennar
sögn er góð stemning hjá starfsfólk-
inu í Ártúnshöfðanum. Vaktirnar eru
skemmtilegar þrátt fyrir að margt
komi upp. Fjöldi fólks leggur leið
sína til þeirra og ef þau eru ekki að
dæla bensíni eða afgreiða fólk þá eru
þau að bjarga fólki í neyð.
„Kannski erum við bjargvætt-
ir,“ segir Guðrún með semingi enda
hógværð ofar öllu í huga hennar.
Mál mannsins er í rannsókn hjá
ofbeldisbrotadeild lögreglu höfuð-
borgarsvæðisins en enginn hefur
verið handtekinn vegna þess.
„Við hjálpum því fólki
sem þarf á að halda.“
Bjargvættir
á Bensínstöð
eldur vegna fikts
Slökkvilið Hafnarfjarðar var
kallað að bátasmiðju við Hjalla-
hraun í Hafnarfirði um fimmleyt-
ið í gær. Eld hafði fest í trefja-
plastplötum fyrir utan húsnæðið
og úr varð allnokkur reykur.
Búið var að slökkva eldinn þeg-
ar slökkviliðið kom á vettvang
en samkvæmt varðstjóra hjá
lögreglu höfuðborgarsvæðisins
leikur grunur á að eldurinn hafi
kviknað út frá fikti barna.
InnlendarFréttIr
ritstjorn@dv.is
agabrot Flosa
bíður meðferðar
Mál Flosa Kristjánssonar, að-
stoðarskólastjóra í Hagaskóla,
hafði ekki borist menntasviði
Reykjavíkurborgar í gær. DV
sagði frá því í gær að Flosi hefði
mætt ölvaður á árshátíð nem-
enda Hagaskóla í liðinni viku.
Farið er með málið sem agabrot.
Ragnar Þorsteinsson, sviðs-
stjóri menntasviðs, segir það al-
gert grundvallaratriði að málefni
einstakra starfsmanna séu ekki
rædd á opinberum vettvangi.
„Þetta fer í ákveðið ferli hjá okk-
ur. Þetta er trúnaðarmál,” segir
Ragnar.
vilja bónusinn
í launataxtana
Félagar í Starfsgreinasam-
bandi Íslands vilja færa bónus
fiskvinnslufólks inn í launataxta.
Þetta var meðal þess sem kom
fram á ráðstefnu samtakanna um
helgina þar sem fjallað var um
kosti og galla kaupaukakerfis í
fiskvinnslu.
Samkvæmt upplýsingum á
vef Verkalýðsfélags Akraness er
meðaltalsbónus hjá fiskvinnslu-
fólki um 200 til 230 krónur á
tímann. Færist bónusinn inn í
launataxtann er því ljóst að tíma-
kaupið hækkar verulega.
Önnur krafa ráðstefnumanna
var að færa launataxta nær
markaðslaunum og verja þannig
markaðslaunakerfið sem hefur
verið byggt upp hér.
„Það er lítið skref að hækka há-
marksfjárhæð almennra lána úr 17
milljónum upp í 18 milljónir þegar
sú viðmiðun sem yfirleitt er rætt um
er hækkun upp í rúmlega 23 milljón-
ir. Ég er ekki að segja að það hefði átt
að stíga það skref allt í einu en óneit-
anlega hefði maður viljað sjá stærra
skref,“ segir Guðmundur Bjarnason
framkvæmdastjóri Íbúðalánasjóðs.
Félagsmálaráðuneytið gaf út
reglugerð um lækkun lánshlutfalls og
hækkun á hámarkslánsfjárhæð sem
tók gildi 1. mars þar sem lánshlutfall
almennra lána Íbúðalánasjóðs hækk-
ar úr 80% í 90% og hámarksfjárhæð
almennra lána hækkar úr 17 millj-
ónum króna í 18 milljónir en Guð-
mundur telur það ekki vera nægilega
hækkun. „Hlutverk Íbúðalánasjóðs
er lögum samkvæmt að stuðla að því
að fólk geti eignast eða
leigt húsnæði á við-
ráðanlegum kjörum.
Við reynum að gegna
því eftir bestu getu og
hækkun lánshlutfallsins
aftur upp í 90% er skref í
þá átt. Íbúðalánasjóður
má ekki lána meira en
18 milljónir og býr við
takmarkanir við bruna-
bótamat,“ segir Guð-
mundur Bjarnason.
„Ég tel að við hefð-
um þurft að hækka há-
marksfjárhæð almennra
lána meira til þess að við
náum því að lána 90% af
meðalverði íbúðar. Það við-
mið sem gjarnan er rætt er meðalverð
síðustu sex mánaða á 110-120 fer-
metra íbúð í fjölbýli á höf-
uðborgarsvæðinu. Þetta
verð er í dag samkvæmt
upplýsingum frá Fasteigna-
mati ríkisins um 26 milljón-
ir og 90% af meðalverðinu
er því ekki um 18 milljón-
ir heldur 23,4 milljónir
króna. Þetta er hins veg-
ar eitthvað sem félags-
málaráðuneytið ákveð-
ur og Íbúðalánasjóður
hefur ekkert um það að
segja. Ég er líka eindreg-
ið þeirrar skoðunar að
viðmiðun við brunabóta-
mat sé löngu úrelt og það
ætti að afnema hana hið
fyrsta,“ segir Guðmundur
Bjarnason framkvæmdastjóri Íbúða-
lánasjóðs. kristinhrefna@dv.is
Framkvæmdastjóri Íbúðalánasjóðs vill lána 90 prósent af meðalverði húsnæðis í dag:
Hæstu lán megi vera 23 milljónir
Guðmundur Bjarnason, fram-
kvæmdastjóri Íbúðalánasjóðs
guðmundur segir löngu tímabært að
hætta að reikna lánsfjárhæð út frá
brunabótamati.
Mat Moody‘s
einskis nýtt
Matsfyrirtækið Moody‘s fær
nú slæma útreið í fjármála-
heiminum, bæði frá Royal
Bank of Scotland og banda-
ríska fyrirtækinu CreditSights.
Moody‘s er sagt hafa tapað
áttum og matsgerðir þess vera
einskis nýtar.
Moody‘s hækkaði nýlega
lánshæfismat íslensku bank-
anna Glitnis, Kaupþings og
Landsbanka í hæsta flokk,
AAA. Moody‘s segir að matið
beri að skoða með hliðsjón
af fjárhagsstyrk bankanna,
en hann fær einkunnina C.
Bloomberg greinir frá.
Valur GrettiSSon
blaðamaður skrifar: valur@dv.is
Bjargvættir starfsfólk Esso kom manni
til bjargar eftir að hann hafði verið
laminn og rændur.