Læknablaðið - 15.03.1987, Síða 45
LÆKNABLAÐIÐ
101
fyrirsjáanlegur á þessu ári. Fyrstu sex mánuði
ársins vantar 15 milljónir króna. Svipað er að
segja um fjármagn til stofnkostnaðar.
Vegna þeirrar nauðsynjar að halda kostnaði sem
minnstum, hefur löngum verið venja á FSA að
byrja fremur smátt á nýrri útgerð. Þetta
einkenndi fyrstu skref svæfingadeildar,
gj örgæsludeildar, bæklunardeildar,
rannsóknastofu í meinafræði og annarra deilda.
Vandinn hefur ekki verið að ráða í heimiluð
stöðugildi, heldur hefur alltaf skort leyfi fyrir
nægilegum fjölda starfsmanna og á það við um
lækna sem aðra. Þannig hefur hver deildin og
hvert starfssviðið eftir annað þurft að byrja með
óþarflega fáa starfsmenn.
Ekki hefur ræst úr fjárhagsvandræðum ríkisins á
síðustu árum nema síður sé. Það hefur valdið því
að mjög erfitt hefur verið að fá vilyrði fyrir fleiri
stöðum, þannig að starfsfólk þurfi ekki að vinna
meira en það vill og getur með góðu móti.
Gauti gat þess að sjúkrahúsið hefur verið mjög
heppið með lækna og sérstaklega telja menn að
vel hafi tekist til við ráðningu hjúkrunarforstjóra
sem er nýtekinn til starfa.
Þótt sjúkrahúsið sé vel mannað og eins mannað og
nauðsynlegt er á hverjum tíma, þá liggja fyrir hjá
mörgum deildum beiðnir um fleiri stöður. Um er
að ræða bæði stöður lækna og annars starfsfólks.
Sjúkrahúsið er með leyfi fyrir 371 stöðugildi, en
óskað er eftir 55 til viðbótar.
Gauti sagði það hlutskipti flestra manna sem
vinna og hafa unnið á FSA að þurfa að leggja
fram miklu meira af tíma sínum en menn geta i
raun og veru til langframa.
Þetta er eitt af atriðunum sem veldur því að fjölga
þarf stöðugildum við FSA. Annað er það, að
sjúkrahús sem er að vaxa þarf auðvitað að bæta
við sig starfsfólki. Að auki vill oft gleymast að
aðbúnaður þjóðarinnar á vinnustað er að batna.
Það þýðir fleiri starfsmenn og styttri vinnutíma,
til dæmis hefði verið óhugsandi fyrir fáeinum
árum að halda svona fund á miðjum degi; að taka
hálfan vinnudag og sitja og rabba! Það var alltaf
gert á kvöldin.
Fjöldi íslenskra lækna starfar útum allan heim og
eitthvað af íslensku hjúkrunarfólki og öðrum
sérfræðingum. Margt af þessu fólki vildi gjarnan
koma til Akureyrar, væri einhverjar stöður að fá,
en þær fást ekki og það leiðir til þess að fólk á
ekki annarra kosta völ en setjast að í Reykjavík.
Þar virðist oftast unnt að koma fyrir sæti inni á
einhverri stofnun eða hefja eiginn rekstur.
Niðurstaðan verður einfaldlega að meira framboð
verður á lækningum í Reykjavík en telja má
brýna nauðsyn, miðað við það sem aðrir
landsmenn verða að láta sér lynda. Það er borgað
sameiginlega og leiðir meðal annars til þess að
dýrara verður að halda uppi þeirri þjónustu sem
veitt er á Akureyri vegna þess að fleiri viðvik þarf
að kaupa annars staðar frá.
ALDREI HEFUR ÞURFT AÐ LOKA
DEILDUM Á FSA VEGNA MANNFÆÐAR
Það er enginn varamannabekkur í landinu af
hæfum sérfræðingum sem bíða þess að grípa inn
í ef einhver forfallast, fótbrotnar eða fær
botnlangabólgu. Afleysingar í sumarfríum hafa
að verulegu leyti verið fjárhagsspurning. í
sparnaðarskyni hefur þeim að miklu leyti verið
sleppt og færri unnið á sjúkrahúsinu yfir
sumarið.
Það er fremur regla en hitt að læknar geti ekki
tekið sumarfrí í einu lagi. Sama gildir um
vetrarfrí. Þetta hefur meðal annars leitt til þess að
sumir læknar eru einu og jafnvel tveimur árum á
eftir með sín frí.
Hjúkrunarforstjóri, Ólína Torfadóttir, sagði að
til að leysa sumarfrí starfandi hjúkrunarfræðinga
við stofnunina væri reynt að fá
skólahjúkrunarfræðinga til starfa á sjúkrahúsinu
á sumrin. Einnig kæmu hjúkrunarfræðingar frá
Reykjavík til sumarafleysinga. Að síðustu er
setnum stöðugildum hjúkrunarfræðinga fækkað.
Aldrei hefur þurft að loka deildum á FSA yfir
sumarmánuðina vegna mannfæðar. Deildir hafa
Ólína Torfadóttir hjúkrunarforstjóri og Halldór
Baldursson yfirlœknir á bœklunardeild