Læknablaðið - 15.05.1987, Blaðsíða 44

178
LÆKNABLAÐIÐ
Gefum Stefáni Þorleifssyni lokaorð þessa spjalls.
Stefán Þorleifsson: Mönnum sýnist sitt hvað um
staðsetningu sjúkrahússins hér í Neskaupstað,
eins og fram hefur komið. Ég hef oft rætt það og
ætla ekki að fara náið út í þau mál. Hér eru tvö
þúsund manns. Ekkert sjúkrahús var starfrækt á
Austurlandi þegar við reistum þetta sjúkrahús.
Ekki var hægt að gera minnstu skurðaðgerð á
allri strandlengjunni frá Vestmannaeyjum til
Akureyrar. Sjúkrahúsið á Seyðisfirði var þá hætt
slikri starfsemi. Og þess vegna var ráðist i þetta.
Spurningin stendur fyrst og fremst um bættar
samgöngur. Það er ekki erfiðara að halda opnum
Oddskarðsvegi en Fagradal, það veit ég.
í lokin vil ég aðeins lýsa ánægju minni yfir því að
þessi fundur skuli hafa verið haldinn hér. Ég held
að það hljóti að vera gagnlegt fyrir ykkur og
okkur öll að læknar á Austurlandi komi saman og
beri saman bækur sínar og ræði vandamálin.
Læknablaðið tekur undir þau orð og þakkar fyrir
móttökur.
Svipmyndir frá formannaráðstefnu 4. apríl 1987.