Læknablaðið - 15.05.1987, Qupperneq 48
180
LÆKNABLAÐIÐ
Læknar sjúkrahússins, frá vinstri: Eggert Brekkan, Kristin Guttormsson og Magnús Ásmundsson.
Á Fjórðungssjúkrahúsinu eru 60 stöðugildi. Þrir
læknar starfa við sjúkrahúsið, þau Eggert
Brekkan sérfræðingur í skurðlækningum, Kristín
Guttormsson starfandi svæfingalæknir og
Magnús Ásmundsson sérfræðingur í
lyflækningum.
Allvel hefur gengið af fá fólk til starfa við
sjúkrahúsið en samt vantar hæft hjúkrunarfólk til
að sinna sjúklingum áfram eftir aðgerðir og
tilfinnanlega vantar
heilsugæsluhjúkrunarfræðing.
Ekki hefur komið til þess að loka hafi þurft
deildum vegna mannfæðar.
SUNDLAUG ENDURHÆFINGARDEILDAR
ER STOLT SJÚKRAHÚSSINS
Snyrtimennska og nostursemi eru einkennandi
fyrir húsakynni Fjórðungssjúkrahússins í
Neskaupstað og tók Guðrún fram að það væri
ekki síst að þakka ræstingastjóra, enda væru
ræstingar eitthvert mikilvægasta starfið á
sjúkrahúsum þótt það vildi oft gleymast.
Guðrún taldi að vel hefði tekist til með nýju
bygginguna ekki síst fyrir þá sem vinna á
sjúkrahúsinu, fólki vinnst hér vel og starfsaðstaða
öll er með ágætum.
Á fyrstu hæð nýja hússins er búningsaðstaða
starfsfólks, þvottahús sjúkrahússins,
krufningsaðstaða og kapella. Nú er farið að
tíðkast að skíra nýbura á sjúkrahúsinu áður en
þeir fara heim og nýtist kapellan til þess.
Endurhæfingardeildin er einnig á fyrstu hæð, þar
starfa tveir sjúkraþjálfarar. Helsta stolt
endurhæfingardeildarinnar er sundlaugin góða.
Hún er mikið notuð og ekki einungis af
sjúklingum. Starfsfólk sjúkrahússins getur notað
hana fyrir klukkan 7.30 á morgnana.
Félagasamtök í bænum, svo sem Sjálfsbjörg og
samtök eldra fólks, leigja einnig afnot af
sundlauginni á ákveðnum tímum og kemur það
sér vel fyrir fjárhag endurhæfingardeildarinnar. í
Neskaupstað er einungis útisundlaug sem er lokað
1. nóvember, þannig að ásókn er meiri en ella í
sundlaug endurhæfingardeildarinnar.
AÐSTAÐAN Á SJÚKRAHÚSINU ER EKKI
FULLNÝTT
Á annarri hæð eru tvær skurðstofur, önnur
dauðhreinsuð en hin fyrir smáaðgerðir og annað
tilfallandi. Auðveldlega væri hægt að
framkvæma fleiri aðgerðir á skurðstofum en nú
er gert.
Ekki er mikið um að sérfræðingar komi annars
staðar frá utan árlegra ferða augnlækna og
sérfræðinga Heyrnar- og talmeinastöðvarinnar
sem koma annað hvert ár. Guðrún sagði ágætis
aðstöðu til að taka á móti læknum í ríkara mæli