Læknablaðið - 15.12.1987, Side 39

LÆKNABLAÐIÐ
447
og stöðu þeirra innan heilbrigðiskerfisins. Þar er
af mestri reynslu að taka í þessum efnum og því
hlyti slík kynning að verða bæði fróðleg og
gagnleg. Það væri óneitanlega skemmtilegt ef slík
ferð yrði farin fyrir 20 ára afmæli
Sjúkraliðafélagsins í nóvember á næsta ári.
Þó gaman væri að minnast á fleira frá þessum
fyrstu árum sjúkraliðakennslunnar og öðru i
sambandi við hana læt ég þetta nægja að sinni.
Að lokum óska ég sjúkraliðum, félagi þeirra og
stjórnendum alls hins besta. Vonandi verður
jafnan kappkostað að vanda til menntunar þeirra
og staða þeirra þannig tryggð, að störf þeirra
megi koma að sem bestum notum. Þá verður m.a.
stuðlað að því, að allir sjúklingar á hvers konar
sjúkrastofnunum og víðar fái notið aðhlynningar
þjálfaðs starfsfólks. En það var einmitt hugmynd
þeirra, sem að þessum málum unnu í upphafi.
Það var ósk þeirra og von að svo mætti verða.