Læknablaðið - 15.12.1987, Side 49

LÆKNABLAÐIÐ
457
Markmið 25
Sérstakar ráðstafanir verði gerðar vegna
geðlækninga og almenn geðlæknisþjónusta
aukin.
Sérstök áhersla verður lögð á að
geðlæknisþjónusta komi á heilsugæslustöðvum
og menntun heilsugæslulækna miðist við að þeir
geti sinnt geðsjúklingum að ákveðnu marki. Gera
verður ráð fyrir að geðspítalar í Reykjavík og á
Akureyri taki að sér þjónustuhlutverk fyrir
ákveðin heilsugæslusvæði. Barna- og
unglingageðdeild verði aðeins í Reykjavík.
Sjúkrarúmum fyrir geðsjúka verði ekki fjölgað en
vaxandi áhersla lögð á að sjúklingar með
langvarandi geðsjúkdóma fái rými á
langlegudeildum eða í sambýlum með öðrum
sjúklingum í þeim mæli sem unnt er. Aldraðir
geðsjúklingar verði vistaðir i þeim mæli sem unnt
er á almennum hjúkrunardeildum.
6.5. Öldrunarlækningar
Ljóst er að á næstu árum fjölgar öldruðum hér á
landi bæði hlutfallslega og tölulega.
Heilbrigðisþjónustan verður að vera við því búin
að mæta þjónustukröfum vegna þessa aldurshóps
þegar á þessum áratug og í vaxandi mæli eftir
það.
Markmið 26
Þeirri uppbyggingu öldrunarlækninga, sem hafin
er, verði haldið áfram. Öldrunarlækningadeildir í
Reykjavík og á Akureyri hafi lykilhlutverk i
sambandi við öldrunarmál, en stefnt verði að því
að vista aldraða sjúklinga á hjúkrunarheimilum
eða sjúkrahúsum í heimabyggð sinni.
Öldrunarþjónustan verði tengd
heilbrigðisþjónustunni á heilsugæslustöðvum og
félagslegri þjónustu félagsmálaráða svo sem lög
mæla fyrir.
Lögð verði áhersla á endurhæfingu aldraðra og
að þeir geti dvalist í heimahúsum með
heimilishjálp og heimahjúkrun sem skipulögð er
frá heilsugæslustöðvum, með starfsliði stöðvanna
eða sjálfstætt starfandi hjúkrunarfræðingum.
6.6. Sjúkratryggingar og örorkumat
Almenn sjúkratrygging hefur verið lögboðin
hérlendis í áratugi og nú eru allir sjúkratryggðir
hafi þeir lögheimili hér á landi.
Sjúkratryggingar greiða allan kostnað við
sjúkrahúsvist en takmarkanir eru á greiðslum
fyrir aðra þjónustu. Þannig greiðir fólk að hluta
fyrir lyf og læknishjálp bæði á
heilsugæslustöðvum og hjá sérfræðingum.
Sjúkratryggingar greiða ekki
heilsuverndarkostnað og aðeins hluta af kostnaði
vegna tannlækninga, endurhæfingar og ferðalaga
vegna sjúkdóma. Ýmis þessi atriði þurfa
endurskoðunar við, svo og fyrirkomulag
dagpeningagreiðslna.
Vaxandi gagnrýni er á fyrirkomulag örorkumats
almannatrygginga og er nauðsynlegt að taka það
til gagngerðrar endurskoðunar.
Markmið 27
Sjúkratryggingabálkur almannatryggingalaga og
ákvæði um örorkumat verði endurskoðuð
sérstaklega. Tekið verði til athugunar að færa
allan sjúkrakostnað frá sjúkratryggingum til
fastra fjárlaga.
Einnig verði tekið til endurskoðunar greiðsluform
sjúkratrygginga og greiðsluhlutur sjúklinga í
hinum ýmsu lækningum. Þá verði sérstaklega
gefinn gaumur að sjúkradagpeningagreiðslum og
launum í veikindum þannig að betra samræmi
verði á þeim ákvæðum en nú er milli ýmissa stétta
og starfshópa.
Við endurskoðun verði sérstaklega gætt að því að
fólki sé ekki mismunað með greiðslum eftir því
hvar það er búsett á landinu og þarf því bæði að
taka tillit til ferðakostnaðar og
uppihaldskostnaðar sjúklinga og aðstandenda sé
um að ræða sjúkdóma sem ekki er hægt að lækna
i heimabyggð.
Tryggja þarf réttlátt örorkumat með hliðsjón af
heilsufarslegum og félagslegum aðstæðum
tryggðra.
6.7. Lyfjamál
Fyrirkomulag Iyfsölumála er þannig hérlendis nú
að lyfjaheildsala er öllum frjáls sem hafa í
þjónustu sinni lyfjafræðinga. Smásalan er hins
vegar með þremur undantekningum bundin við
að lyfjafræðingur fái leyfi forseta íslands til
rekstrar lyfjabúðar í tilteknu umdæmi.
Ekkert mælir á móti breytingum til frjálsræðis og
hagræðingar í lyfjasmásölu og er hægt að gera
það án þess að slaka á kröfum um sérþekkingu.
Markmið 28
Öll málefni lyfjasölu og lyfjaneyslu verði tekin til
sérstakrar athugunar.
Sérstaklega verði litið á möguleika
heilsugæslustöðva til þess að annast lyfjasölu og