Læknablaðið - 15.12.1987, Page 51

LÆKNABLAÐIÐ
459
gaumur að rannsóknum á sambandi lífsmáta
fólks og umhverfi á heilsufar þess, svo og
rannsóknum á heilsugæsluverkefnum í
heilbrigðiskerfinu sjálfu, hvernig það reynist,
hvernig það starfar og hver árangur þess er.
9. ALÞJÓÐASAMSTARF
Skipti á upplýsingum og reynslu um
heilbrigðismál, einkum við önnur Norðurlönd og
Alþjóðaheilbrigðismálastofnunina, eru
sérstaklega mikilvægar fyrir lítið land eins og
ísland. ísland hefur tekið virkan þátt í þessu
samstarfi og verið bæði þiggjandi og veitandi.
Nauðsynlegt er að viðhalda og efla þetta samstarf
einkum með hliðsjón af þeim möguleikum sem
ísland hefur að miðla af eigin reynslu og góðum
árangri í heilbrigðismálum.
Markmið 33
Áætlun verði gerð um í hve miklum mæli og
hvernig Island getur tekið þátt í alþjóðasamstarfi
um heilbrigðismál.
Fylgiskjal:
Verkefni sem þarf að framkvæma til þess að
markmiðin náist
Vegna M 1: Afla gagnagrunns um heilsufarslega,
faraldsfræðilega og lýðfræðilega stöðu landsbúa.
Vegna M 2: Lagabreytingar um
verkefnaskiptingu ríkis og sveitarfélaga í
heilbrigðismálum.
Vegna M 3: Tryggja að framkvæmd heilsugæslu
sé sambærileg um allt landið og að sköpuð séu
tengsl við aðra þætti starfs og við stofnanir í og
utan heilbrigðiskerfisins.
Vegna M 4: Setja reglugerð um starfsemi
sjúkrahúsa, flokkun þeirra, verksvið, starfssvæði
og mönnun.
Vegna M 5: Setja lög um heilbrigðisfræðslu og
forvarnir. Auka menntun heilbrigðisstétta hvað
varðar heilbrigðisfræðslu.
Vegna M 6: Kynna reglulega manneldismarkmið i
samræmi við bestu þekkingu. Setja reglur um
vörukynningu og vörumerkingar. Stefna að
reglum um verðstýringu í samræmi við
heilsuvernd.
Vegna M 7: Gera áætlun um útrýmingu tóbaks
fyrir aldamót. ítarlegri aðhaldsreglur um
reykingar í fjölmenni.
Vegna M 8: Gera markvissa áætlun um samdrátt
i notkun áfengis. Ríkið hætti að vera háð tekjum
af áfengissölu og meiri hagnaður af áfengissölu
renni til áfengisvarna.
Vegna M 9: Skapa skilyrði til þess að
heilsugæslan geti sinnt vandamálum geðsjúkra,
langvarandi veikra, fatlaðra og aldraðra í meira
mæli er nú er.
Vegna M 10: Skapa betri skilyrði til útivistar en
nú er í þéttbýli og gera átak í skipulagsmálum til
að koma upp sérstökum hlaupa-, göngu- og
hjólreiðabrautum. Almennum íþróttahúsum
fjölgi. Endurskoða skipulagsreglur um ferlimál
fatlaðra.
Vegna M 11: Tryggja þarf að gætt sé
heilbrigðissjónarmiða þegar fjallað er um
umhverfis- og náttúruverndarmál.
Vegna M 12: 1. Matvælaeftirlit verði
endurskipulagt bæði vegna innlendrar
framleiðslu og innflutnings. 2. Skipulag
ónæmisaðgerða tryggi að minnsta kosti 95%
aðild og stöðugt eftirlit. 3. í nýjum lögum um
sóttvarnir verði m.a. ákveðið um fyrirkomulag
alnæmismeðferðar og einangrunar smitbera.
Vegna M 13: 1. Strangar reglur verði settar um
hávaðamengun við vinnu, á skemmtistöðum og
utan dyra. 2. Reglur verði settar um notkun
röntgengreiningar og leitað leiða til minnkandi
geislunar við rannsóknir.
Vegna M 14: Ný löggjöf verði sett um eiturefni og
hættuleg efni og allt eftirlit með slíkum efnum
stóraukið.
Vegna M 15: 1. Settar verði reglur um blýmengun
frá bensíni. 2. Byggingarreglugerðum verði breytt
í samræmi við bestu þekkingu um efnisnotkun. 3.
Reglur er tryggja heilnæmt andrúmsloft á
vinnustöðum verði settar.
Vegna M 16: Vinnuverndarmál verði gerð að
heilbrigðismálum og þau tengd
heilsugæslustöðvum þar sem það á við.
Vegna M 17: Sett verði á fót sérstakt
slysavarnaráð eða stofnun sem annast samvinnu
allra aðila sem tengjast eða annast slysavarnir
hvers konar.
Vegna M 18: Lög um heilbrigðisþjónustu verði
endurskoðuð með tilliti til þarfa sérstakra hópa.
Verði ekki hægt að sjá fyrir þörfum þeirra innan
laga um heilbrigðisþjónustu verði sérlög
endurskoðuð og fleiri sett ef með þarf, sbr. lög
um málefni fatlaðra og lög um málefni aldraðra.
Vegna M 19: Valdir verði þeir sjúkdómar þar sem
talið er æskilegt og nauðsynlegt að gera