Dagblaðið Vísir - DV - 08.06.2007, Side 2

föstudagur 8. júní 20072 Fréttir DV
InnlendarFréttIr
ritstjorn@dv.is
Sjöunda hvert
barn óvarið
Sjöunda hvert barn var ann-
að hvort laust í bíl eða aðeins í
bílbelti þegar for-
eldrar þess
keyrðu
það í
leikskóla.
Þetta er niðurstaðan úr könnun
Landsbjargar, Umferðarstofu og
Sjóvár forvarnarhúss á því hvern-
ig foreldrar huga að öryggi barna
sinna þegar þeir keyra þau í leik-
skólann.
Fylgst var með aðkomu fólks
við 58 leikskóla um allt land og
búnaði 1.944 barna. Alls reynd-
ust tæp fjórtán prósent eða sjö-
unda hvert barn, annað hvort
algjörlega óvarin eða aðeins í bíl-
beltum, sem er ekki nægjanlegur
öryggisbúnaður fyrir þau.
Endaði á spítala
Maður var fluttur með sjúkra-
flugi frá Egilsstöðum til Reykja-
víkur í fyrrinótt eftir að hafa gleypt
poka með fíkniefnum.
Lögreglan hafði afskipti af
nokkrum mönnum vegna há-
vaða og lét einn þeirra mjög
ófriðlega. Lögreglumaður slas-
aðist í átökum við manninn en
talið er að hann hafi fingurbrotn-
að. Þegar búið var að yfirbuga
manninn var farið með hann á
lögreglustöðina þar sem hann
byrjaði að kasta upp. Eftir nokkra
stund kom úr iðrum mannsins
poki með meintum fíkniefnum.
Í kjölfarið var kallað á lækni sem
taldi best að senda manninn til
Reykjavíkur til nánari skoðunar.
Kosið í síðustu
þingnefndirnar
Kosið var í þrjár síðustu þing-
nefndir Alþingis í gær, degi eftir
að lög um breytingar á nefndum
þingsins voru samþykkt.
Arnbjörg Sveinsdóttir, Sjálf-
stæðisflokki, var kosin formað-
ur sameinaðrar sjávarútvegs- og
landbúnaðarnefndar. Flokks-
bróðir hennar Pétur H. Blöndal
var kosinn formaður efnahags-
og skattanefndar og samfylk-
ingarmaðurinn Ágúst Ólafur
Ágústsson verður formaður við-
skiptanefndar, sem áður var ann-
ar hluti iðnaðar- og viðskipta-
nefndar.
Merkur forn-
leifafundur
„Þetta er merkilegur fund-
ur sem sýnir að það hefur
verið byggð á svæðinu að
minnsta kosti frá árinu 1158
og að öllum líkindum miklu
fyrr,“ segir Inga Sóley Kristjö-
nudóttir, minjavörður Austur-
lands. Nýverið fundust fornar
hleðslur á Vaði í Skriðdal, en
bærinn er á Fljótsdalshéraði.
„Það liggur öskulag frá
þessu ári ofan á rústunum
auk þess sem um tíu senti-
metrar eru á milli öskulags-
ins og hleðslunnar,“ segir Inga
Sóley. Minjarnar fundust
þegar verið var að ráðast í við-
byggingu á húsi. Inga segir að
í rústunum sé hugsanlega að
finna gólfflöt og eldstæði og
að leitað sé að fornleifafræð-
ingum til að ráðast í frekari
uppgröft á svæðinu.
Félagsmálaráðherra segir Íbúðalánasjóð ekki verða einkavæddan á sinni vakt:
Jóhanna ábyrgist Íbúðalánasjóð
„Þessi umræða staðfestir að Ingi-
björg hefur látið plata sig,“ sagði
Guðni Ágústsson, formaður Fram-
sóknarflokks. Hann beindi orðum
sínum til Jóhönnu Sigurðardóttur
félagsmálaráðherra í fyrirspurnar-
tíma á Alþingi í gær og krafðist svara
við því hvort Íbúðalánasjóður yrði
færður yfir til fjármálaráðuneytisins.
„Framtíð sjóðsins er í óvissu.“
„Engar ákvarðanir hafa ver-
ið teknar,“ sagði Jóhanna. Hún tel-
ur nauðsynlegt að standa vörð um
Íbúðalánasjóð. „Það er mikilvægt að
allir geti búið við jafnrétti í húsnæð-
ismálum, óháð efnahag og búsetu.
Bankarnir munu ekki leysa þær fé-
lagslegu skyldur.“
„Hér liggur fyrir að það verði átök,“
sagði Guðni. Hann segir ýmislegt
eiga eftir að koma í ljós þegar samn-
ingar Ingibjargar og Geirs verða op-
inberaðir. Guðni beindi orðum sín-
um til Samfylkingarinnar: „Sýnið að
þið séuð félagshyggjumenn! Þau 16
ár sem Sjálfstæðisflokkurinn hefur
farið með völdin í fjármálaráðuneyt-
inu hefur ekkert félagslegt þrifist þar.
Það er allt selt!“
Jóhanna gaf afstöðu sína skýrt í
ljós: „Íbúðalánasjóður verður ekki
einkavæddur á meðan ég stjórna fé-
lagsmálaráðuneytinu.“
Árni Matthiesen, fjármálaráð-
herra, furðaði sig á málflutningi
Guðna. „Það er einkennilegt hvað
heimurinn hefur breyst frá 12. maí.
Allt í einu er framtíð Íbúðalánasjóðs
í óvissu. Það er ekki aðalatriðið í
hvaða ráðuneyti stofnunin flokkast
heldur hvernig er að verki staðið.“
Ármann Kr. Ólafsson, þingmað-
ur Sjálfstæðisflokks, segist ekki sjá að
það skipti máli hvaða ráðuneyti sjái
um sjóðinn. „Ég hef engar áhyggjur
af því að pólitísk markmið nái ekki
fram að ganga þó að Íbúðalánasjóð-
ur verði staðsettur í fjármálaráðu-
neytinu. Sjóðurinn hefur stóru hlut-
verki að gegna en það hafa bankarnir
líka.“
Birkir J. Jónsson, þingmaður
Framsóknarflokks, segir ástæðu til
að hafa áhyggjur af öryggi sjóðsins
ef hann verður fluttur á milli ráðu-
neyta. „Það eru öfl innan Sjálfstæðis-
flokksins sem vilja einkavæða Íbúða-
lánasjóð.“ erla@dv.is
Jóhanna Sigurðardóttir „íbúðalána-
sjóður verður ekki einkavæddur á
meðan ég stjórna félagsmálaráðuneyt-
inu.“
TóK TEngdadóTTurina
fram yfir SKólaSTjóra
TrauSTi hafSTeinSSon
blaðamaður skrifar: trausti@dv.is
„Hún var bara ráðinn fyrir það að vera
réttu megin í pólitík og vera tengda-
dóttir forseta bæjarstjórnar. Ráðning
skólastjóra er mikið vandræðamál
fyrir bæjarstjórnina,“ segir Unnur G.
Kristjánsdóttir, grunnskólakennari
við Grunnskólann í Sandgerði.
Bæjarstjórn Sandgerðis ákvað
á miðvikudag að ráða Fanneyju D.
Halldórsdóttur í stöðu skólastjóra
Grunnskólans í Sandgerði. Valið stóð
á milli hennar og Péturs Brynjarsson-
ar, sitjandi skólastjóra, sem bæði hafa
álíka stjórnunarmenntun að baki
samkvæmt heimildum blaðsins. Pét-
ur hefur starfað sem kennari í skólan-
um síðstu 22 ár, þar af 11 ár sem að-
stoðarskólastjóri. Síðustu tvö ár hefur
hann starfað sem skólastjóri skólans
og Fanney sem aðstoðarskólastjóri.
Fanney er tengdadóttir Óskars
Gunnarssonar, forseta bæjarstjórnar.
Að mati bæjarstjórnar þóttu báð-
ir umsækjendurnir hæfir til starfans.
Meirihluti skólaráðs skilaði sameig-
inlegu áliti þar sem mælt var með
ráðningu Péturs og hið sama kom
fram í yfirlýsingu frá kennurum skól-
ans sem óskuðu eftir því að hann yrði
ráðinn. Formaður skólaráðs, Árný
Hafborg Hálfdánardóttir, samherji
Óskars, forseta bæjarstjórnar, í Lista
óháðra borgara, skilaði séráliti og
mælti með Fanneyju.
Gegn áliti fjögurra af fimm full-
trúa í skólaráði og kennaranna réð
bæjarstjórn Fanneyju í starf skóla-
stjóra. Nokkrir kennarar hafa sagt
upp starfi sínu í mótmælaskyni og
segja ráðninguna lykta af pólitík og
ættartengslum.
undarleg ákvörðun
Sigurður Valur Ásbjarnarson,
bæjarstjóri Sandgerðisbæjar, seg-
ir fagálit ráðgjafa á vegum bæjar-
stjórnar hafa skipt sköpum þegar
kom að því að velja á milli Fanneyjar
og Péturs. Hann telur ekkert óeðli-
legt hægt að setja út á ráðninguna og
segir óánægju starfsfólksins koma
sér á óvart. „Það er leitt að heyra af
þessari óánægju því ekki nokkurn
skapaðan hlut er hægt að setja út á
ráðninguna. Ákveðið var að auglýsa
stöðuna sérstaklega einmitt sökum
þess að í litlu bæjarfélagi er iðulega
að finna tengsl milli manna. Utan-
aðkomandi aðilar voru fengnir til að
meta umsækjendur og skýringin er
sú að annar aðilinn væri með meiri
menntun og meiri framtíðarsýn. Sá
aðili varð fyrir valinu,“ segir Sigurð-
ur Valur.
Pétur er mjög hissa á því að fram-
hjá sér var gengið og hafnar alfarið
því að Fanney hafi verið dæmd hæf-
ari. Hann hefur sagt upp starfi sínu.
„Þetta er stórskrítin og mjög undar-
leg ákvörðun. Ég er mjög leiður yfir
þessu enda tel ég mig hafa skilað
góðu starfi sem skólastjóri auk þess
að hafa áratuga reynslu af stjórnun-
arstörfum. Þar að auki var stjórn-
unarnámið ekki sett sem skilyrði í
umsókninni en þar tilgreind þekk-
ing og reynsla. Öll þessi reynsla fæst
ekki gefins og því lít ég mig upp-
fylla miklu framar skilyrði starfsins,“
segir Pétur. „Ég er hættur og geri ég
það ósáttur. Matsnefnd ráðgjafanna
hafði dæmt okkur bæði hæf, skóla-
ráð mælti með mér og kennararnir
líka. Í því ljósi er erfitt að skilja þetta.
Bæjaryfirvöld taka þarna pólitíska
ákvörðun og erfitt að horfa framhjá
tengslunum í málinu.“
Sér eftir góðu fólki
Unnur er einn þeirra kennara
sem sagt hafa upp starfi sínu vegna
ráðningarinnar. Hún segir flesta
kennarar mjög ósátta vegna máls-
ins. „Kennarar skólans eru ósáttir,
ég finn það greinilega. Ég held að
flestir kennarar skólans séu ósáttir
við að Pétur var ekki ráðinn áfram
sem skólastjóri. Auðvitað eiga hann
og nýráðinn skólastjóri vini í hópi
kennara sem standa með sínu fólki.
Ég finn að það eru miklu fleiri ósátt-
ir,“ segir Unnur. „Pétur hefur staðið
sig mjög vel sem skólastjóri og unn-
ið sig í áliti hjá mjög mörgum. Ég
er á móti endalausum pólitískum
ráðningum í þessum bæ og í þessu
tilviki er enn einu sinni um slíka
ráðningu að ræða.“
Aðspurður segist Sigurður Valur
ekki kannast við uppsagnir kenn-
ara við skólanna. Hann telur upp-
sögn Péturs skiljanlega. „Ég undrast
í sjálfu sér ekki uppsögn hans enda
mjög erfitt fyrir hvorn sem væri að
hljóta ekki starfið. Báðir einstakl-
ingarnir eru mjög hæfir. Ég hef ekki
heyrt af uppsögnum kennaranna og
get því lítið annað sagt en að það er
alltaf mikil eftirsjá í góðu fólki,“ segir
Sigurður Valur.
Formaður skólaráðs,
Árný Hafborg Hálf-
dánardóttir, samherji
Óskars forseta bæjar-
stjórnar í lista óháðra
borgara, skilaði sér-
áliti og mælti með
Fanneyju.
Ósáttir kennarar hafa sagt upp störfum við Grunnskólann í Sandgerði í mótmæla-
skyni við þá ákvörðun bæjarstjórnar að ráða fanneyju D. halldórsdóttir sem skóla-
stjóra. Hún er tengdadóttir Óskars Gunnarssonar, forseta bæjarstjórnar. Meirihluti
skólaráðs mælti með Pétri Brynjarssyni, starfandi skólastjóra.
Grunnskólinn í Sandgerði Bæjarstjórn
gekk gegn áliti fjögurra af fimm fulltrúum
í skólaráði og réði tengdadóttur forseta
bæjarstjórnar, í stöðu skólastjóra.