Dagblaðið Vísir - DV - 08.06.2007, Blaðsíða 35
DV Sport föstudagur 8. júní 2007 35
Íslenska karlalandsliðið í hand-
bolta leikur umspilsleiki gegn Serb-
um tvær næstu helgar. Sigurvegar-
inn úr þessum viðureignum tryggir
sér þátttökurétt á EM í Noregi í jan-
úar á næsta ári. Fyrri leikur liðanna
fer fram í borginni Nis í Serbíu
á laugardag og seinni leikurinn í
Laugardalshöll á sjálfan þjóðhátíð-
ardaginn 17. júní. Margir muna eftir
leikjunum gegn Svíum í umspili fyrir
HM í Þýskalandi sem fram fóru fyr-
ir ári. Þar náðu Íslendingar frábær-
um úrslitum í fyrri leiknum í Svíþjóð
og fylgdu því svo eftir í seinni leikn-
um sem einmitt fór fram á 17. júní.
Stemningin í höllinni þann dag var
frábær, troðfullt hús og allt ætlaði að
verða vitlaust þegar ljóst var að Ís-
land hafði tryggt sér rétt til þátttöku
á HM í Þýskalandi.
Núna er ætlunin að endurtaka
leikinn gegn Serbum og koma Ís-
landi á níunda stórmótið í röð.
Landsliðið kom saman í byrjun vik-
unnar og lék tvo æfingaleiki gegn
Tékkum þar í landi. Liðið held-
ur svo þaðan til Nis, sem er þriðja
stærsta borg Serbíu, og leikur á móti
heimamönnum þar. Alfreð Gísla-
son landsliðsþjálfari segir að mögu-
leikar Íslands í leiknum séu ágætir.
Hann telur að helmingslíkur séu á
því að Ísland sigri í viðureignunum
og komist áfram.
„Ég myndi telja svona 50/50 lík-
ur á því að við sigrum og komumst
áfram á EM eða kannski örlítið meiri
líkur okkar megin ef til vill 51/49. Ég
hef fengið myndbandsupptökur af
serbneska liðinu frá því þegar það
lék í Tékklandi um páskana og skoð-
að þær vel. Þeir eru með gríðarlega
öflugt lið í dag og eru með marga
góða leikmenn sem þarf að gæta vel
í leikjunum. Til dæmis eru í liðinu
leikmenn hjá mér í Gummersbach,
Momor Ilic, sem er gríðarlega öflug-
ur leikmaður sem hefur tekið mikl-
um framförum í vetur, og Aleksand-
er Stanojevic. Ilic er aðalskyttan í
serbneska liðinu og mjög mikilvægt
fyrir okkur að ná að stöðva hann. Þar
fyrir utan eru þeir með marga mjög
öfluga leikmenn sem þarf að huga
vel að í leikjunum.“ sagði Alfreð sem
þekkir serbneska liðið vel þar sem
margir leikmenn liðsins leika með
þýskum liðum.
Þurfum að keyra upp hraðann
Alfreð segir það lykilinn að góð-
um úrslitum gegn Serbum að keyra
hratt á liðið. Það má því búast við því
að liðið leiki hraðar miðjur og komi
til með að bjóða upp á hraða og
skemmtilega leiki gegn Serbunum.
„Það er mikilvægt fyrir okkur að
keyra hraðann vel upp í leikjunum.
Serbarnir eru margir hverjir frekar
þungir og eiga erfitt með að leika á
háu tempói lengi og við þurfum að
reyna að nýta okkur það. Ég tel mik-
ilvægt að reyna að halda sama háa
tempóinu út alla leikina og hvergi
hægja á. Þeir serbnesku eru fæstir
vanir hröðum bolta og ég tel ekki lík-
legt að þeir nái að halda út til lengd-
ar ef við spilum þannig. Við þurfum
þó að hafa eitthvað vit í því hvernig
við gerum það og halda tæknimis-
tökum í lágmarki hjá okkur. Það er
mikilvægt að við séum með stjórn á
boltanum þegar við erum að keyra
á þá og missum ekki hraðann úr
böndunum. Við þurfum að stjórna
því dálítið hvernig við gerum þetta.
Það fer algjörlega eftir úrslitunum
í fyrri leiknum hversu mikla áhættu
við þurfum að taka í þeim síðari hér
heima. Ef við töpum stórt, sem er að
sjálfsögðu ekki stefnan, þá þurfum
við að keyra enn meira á þá til að
eiga möguleika á að komast áfram.
Ef við hins vegar náum góðum úr-
slitum í leiknum úti, segjum jafn-
tefli, þá verðum við að halda þeirri
línu sem gaf góðan árangur. Það er
gott að eiga seinni leikinn heima og
geta því séð stöðuna eftir fyrri leik-
inn. Það gefur okkur í raun smá for-
skot en það fer náttúrulega eftir því
hvernig fyrri leikurinn fer hvort það
nýtist okkur eitthvað.
Hef áhyggjur af breiddinni
Varnarleikur íslenska liðsins
var töluvert gagnrýndur eftir HM í
Þýskalandi í janúar. Hann þótti ekki
nægjanlega öflugur og voru sumir
ekki sáttir með þau varnarafbrigði
sem leikin voru. Alfreð segir að ekki
sé mikill tími til að vinna í varnar-
leiknum fyrir leikina gegn Serbum
en notar æfingaleikina í aðdraganda
leikjanna til að vinna eins mikið í
honum og hægt er.
„Það er ljóst að við komum til
með að beita nokkrum varnaraf-
brigðum í leikjunum. 6-0 vörnin
gekk vel í æfingaleikjunum gegn
Tékkum. Aftur á móti vorum við að
æfa nokkur afbrigði af framliggjandi
vörn og hún gekk ekki nógu vel að
mínu mati. Þó skánaði hún þegar
líða tók á leikina en við vorum að
missa mennina alltof mikið í þeirri
vörn. Sóknarleikinn höfum við ekki
tíma í að breyta mikið. Ég ætlaði mér
þó að bæta við nokkrum sóknarat-
riðum sem við höfum verið að nota
í Gummersbach í vetur. Ég get ekki
sagt að ég hafi verið ánægður með
það hvernig þau atriði gengu upp í
Tékkaleikjunum og í raun og veru
gengu þau engan veginn.
Ég hef ákveðnar áhyggjur af
breiddinni í liðinu þar sem Arnór
Atlason og Ragnar Óskarsson eru
ekki með vegna meiðsla. Það veikir
liðið óneitanlega og það má ekki ger-
ast mikið meira hjá liðinu fyrir leik-
ina. Það er of lítil breidd í hópnum
til þess. Guðjón Valur hefur verið að
leika í stöðu leikstjórnanda bæði í
æfingaleikjunum og hjá mér í Gum-
mersbach. Hann hefur staðið sig
mjög vel í þeirri stöðu á báðum víg-
stöðvum og er í raun leikstjórnandi
númer tvö hjá liðinu á eftir Snorra
Steini Guðjónssyni. Alexander Pett-
ersson lék líka í stöðu leikstjórnanda
í æfingaleikjunum gegn Tékkum og
stóð sig vel, hann kemur ábyggilega
til með að leika þá stöðu eitthvað
gegn Serbunum.
Markús Máni Michaelsson og
Logi Geirsson koma til með að bera
hitann og þungann af vinstri bak-
varðarstöðunni. Þeir náðu sér ekki
á strik í æfingaleikjunum gegn Tékk-
um og hef ég ákveðnar áhyggjur af
því. Þeir koma vonandi til með að
bæta sinn leik og skila sínu hlutverki
frá sér með sóma.“
Er hræddur við dómgæsluna
í Serbíu
Heimavöllur Serba er gríðar-
lega öflugur en leikið er í Nis sem
er þriðja stærsta borg Serbíu. Þar
er handboltaáhugi mikill og ljóst að
höll þeirra Serba verður troðfull í
leiknum, hún tekur um 7.000 áhorf-
endur. Alfreð hefur ekki áhyggjur af
því að íslensku leikmennirnir þoli
ekki pressuna í leiknum en hefur
meiri áhyggjur af því að dómararnir
guggni á pressunni.
„Fyrst voru settir þýskir dómar-
ar á leikinn en því var nýlega breytt
í pólskt dómarapar. Þeir pólsku eru
mjög reyndir og ég vona það besta
en þó veit ég að þýskir dómarar láta
áhorfendur aldrei hafa áhrif á sig í
leikjum. Ég hef mun meiri áhyggjur
af því að áhorfendur í Serbíu nái að
hafa áhrif á dómarana en leikmenn
Íslands. Það eru oft mikil áhrif sem
áhorfendur geta haft á dómarana,
sérstaklega í þessum austantjalds-
löndum. Þeir svífast einskis þegar
þeir mæta á völlinn og geta oft látið
ansi illa. Þetta er stór höll og áhorf-
endur alveg upp við leikmenn og
dómara.
Serbarnir líta á fyrri leikinn sem
stærsta möguleika sinn á því að
komast áfram. Þeir leggja upp með
að troðfylla höllina sína og láta öll-
um illum látum. Það má í raun búast
við öllu af serbnesku áhorfendun-
um í leiknum. Íslensku leikmenn-
irnir mega búast við því að það verði
stanslaust hrækt á þá í leiknum og
að smámynt sé fleygt í þá og allur sá
pakki. Það er hægt að ganga út frá
því að það gerist. Áhorfendur gætu
því orðið stærsti þátturinn í því að
Serbarnir nái góðum úrslitum í fyrri
leiknum.“
Alfreð hættir nú sem landsliðs-
þjálfari eftir leikina gegn Serbum
en hann tók við af Viggó Sigurðssyni
sem þjálfari liðsins í mars á síðasta
ári. Samningurinn sem HSÍ gerði við
Alfreð rennur út 1. júlí næstkomandi
en samkvæmt heimildum DV hafa
farið fram viðræður milli Alfreðs og
HSÍ um að hann haldi áfram þjálfun
liðsins. Þær viðræður hafa engum
árangri skilað og mun nýr þjálfari
verða ráðinn í kjölfar leikjanna gegn
Serbum. Alfreð segir að tíminn sem
landsliðsþjálfari hafi verið frábær
og að hann eigi eftir að sakna leik-
mannahópsins og fólksins í kring-
um liðið.
„Þetta er búinn að vera frábær
tími með landsliðið og gaman að
þjálfa þessa stráka. Þetta er náttúru-
lega dálítið öðruvísi en það sem ég
geri dags daglega með Gummers-
bach. Þetta starf tekur hins vegar
mikinn tíma og erfitt að vera í eld-
línunni á tveimur vígstöðvum í einu.
Þetta getur gengið í smátíma en til
lengdar er þetta alltof mikið. Tím-
inn með landsliðið hefur verið mjög
skemmtilegur og oft á tímum erfið-
ur en fyrst og fremst hafa þetta verið
skemmtilegir tímar.
Þurfum að fylla höllina
17. júní í fyrra var ólýsanleg
stemning í leiknum gegn Svíþjóð í
Laugardalshöllinni. Troðfull höll og
uppselt á leikinn löngu fyrir hann.
Alfreð segir mikilvægi þess að Ís-
lendingar fylli höllina aftur vera
síður minna en fyrir ári síðan.
„Eins og ég sagði áðan þá líta
Serbar á það sem sinn stærsta
möguleika að fylla höllina úti í Ser-
bíu. Það er jafnvel enn mikilvæg-
ara fyrir okkur að fá troðfulla höll á
þjóðhátíðardaginn núna en það var
fyrir ári síðan. Við þurfum virkilega
á því að halda að fólk mæti og styðji
liðið til sigurs sama hvernig úrslit-
in þurfa í raun að vera svo við kom-
umst áfram á EM í Noregi. Ég vona
því sannarlega að fólk taki daginn
frá og mæti í höllina og styðji okkur
í leiknum.“
Leikurinn gegn Serbum fer fram
eins og áður sagði á þjóðhátíð-
ardag okkar Íslendinga, 17. júní,
kl. 20. Miðasala á leikinn er hafin
á heimasíðunni midi.is og hefur
miðasala farið vel af stað að sögn
forráðamanna HSÍ. Landsmenn
eru því hvattir til þess að tryggja sér
miða sem fyrst.
Kári Garðarsson
ÞURFUM AÐ KEYRA UPP
HRAÐANN GEGN SERBUM
Óli skorar gegn Serbum Hér
sést Ólafur stefánsson skora
gegn serbum á EM í sviss í fyrra.