Dagblaðið Vísir - DV - 20.07.2007, Blaðsíða 33

DV Sport FÖSTUDAGUR 20. JÚLÍ 2007 33
Deildin orðin
atvinnumannaleg
Það hefur margt breyst í íslenska
fótboltanum á þessum tíu árum sem
Arnar var úti. „Öll umgjörð og allt
í kringum þetta er orðið mjög flott.
Landsbankinn á stóran þátt í því hvað
er búið að gera deildina skemmtilega.
Svo verður að hæla stuðningsmönn-
um margra félaga. Áður en ég fór út
voru það bara KR og ÍA sem áttu alvöru
stuðningsmenn en í dag eru nánast
öll lið með frábæra stuðningsmenn.
Það gerir náttúrulega leikina miklu
skemmtilegri. Allt í kringum deildina
er orðið miklu atvinnumannalegra
og mér finnst það bara jákvætt,“ segir
Arnar.
„Aðstaða margra félaga er frábær
og þau að verða tilbúin í næsta skref
sem er hálfatvinnumennska yfir sum-
artímann. Það er gríðarlegur munur
að geta einbeitt sér nánast bara að fót-
boltanum í stað þess að vera að hlaupa
úr vinnu til að mæta á æfingu. Menn
eru misvel upplagðir þegar þeir mæta
á æfingar. Hitt er allt öðruvísi og ekki
hægt að bera það saman. Ég þekki ekki
nægilega vel til hjá öðrum félögum en
manni finnst þróunin vera í þessa átt,
að menn geti minnkað vinnu yfir sum-
artímann,“ segir Arnar en hann er sér-
staklega ánægður með breytinguna á
aðstöðunni yfir vetrartímann.
„Þróunin með innihallirnar er al-
veg frábær. Fyrir þetta tímabil var ég
að taka þátt í íslensku undirbúnings-
tímabili í fyrsta sinn í langan tíma og
það var virkilega skemmtilegt. Fótbolti
inni við bestu aðstæður og margir leik-
ir. Það er ekki hægt að kjósa sér betri
undirbúning. Þegar maður var hérna
fyrir einhverjum tíu árum síðan voru
þetta bara lyftingar og útihlaup í snjó
og helvítis leiðindi. Í dag eru menn í
stuttbuxum að spila fótbolta. Ég hef
trú á því að við munum eignast betri
leikmenn með komandi kynslóðum,“
segir Arnar.
„Ég er mjög ánægður með það að
KSÍ sé að leggja áherslu á þjálfara-
málin. Það skiptir rosalega miklu máli
að hafa færa þjálfara í yngri flokkum
og því fleiri leikmenn sem við fáum í
þessa stétt því betra held ég að þetta
verði. Það er alltaf betra ef menn hafa
sjálfir spilað fótbolta og enn betra ef
menn hafa kynnst því hvernig hlut-
irnir eru bæði hér heima og erlendis.
Þessi námskeið sem KSÍ er að standa
fyrir opna líka sjóndeildarhringinn og
eru bara af hinu góða.“
Grikkland og Belgía
Eins og fyrr segir er Arnar upp alinn
hjá Breiðabliki en hann lék með meist-
araflokki félagsins frá 1988 til 1996.
Sumarið 1997 lék hann með Leiftri á
Ólafsfirði en eftir það tímabil fór hann
til Grikklands þar sem hann gekk í rað-
ir AEK.
„Fyrsta árið mitt í Grikklandi var
frábært. Í fyrsta sinn sem maður fór í
atvinnumennskuna af einhverju viti.
Það gekk rosalega vel, AEK er náttúru-
lega eitt af stóru liðunum í Grikklandi
og ég vissi í rauninni ekki í hvað ég var
að fara. Þetta er lið sem er alltaf í Evr-
ópukeppninni og það var í raun bara
frábær tími. Við vorum lengi á toppi
deildarinnar og spiluðum besta bolt-
ann en höfðum ekki nægilega mikla
breidd. Við komumst í átta liða úrslit
í Evrópukeppni félagsliða en áttum í
raun að komast í undanúrslitin, dutt-
um út gegn Lokomotiv Moskvu eft-
ir mark á 96. mínútu. Það var alveg
skelfilegt,“ sagði Arnar.
Honum gekk vel í Grikklandi en
telur sitt fyrsta tímabil þar hafa ver-
ið einn af hápunktum ferils síns. Í því
samhengi nefnir hann einnig þriðja
tímabil sitt með Lokeren í Belgíu.
„Tímabilið 2002-3 var frábært. Þá
náðum við þriðja sætinu og ég skor-
aði átján mörk í deildinni. Það gekk
rosalega vel. Annars átti ég á heildina
litið mikilli velgengni að fagna þar ef
undan er skilið þetta síðasta tímabil
þar sem ég lenti í meiðslunum. Svo
voru margir Íslendingar þarna og það
gerði þetta enn skemmtilegra,“ seg-
ir Arnar sem á flottan feril að baki og
mun ljúka honum á heimavelli með
Breiðabliki.
elvargeir@dv.is
Arnar Grétarsson hefur verið besti leikmaður Landsbanka-
deildarinnar það sem af er sumri, samkvæmt einkunnagjöf
DV. Arnar kom heim úr atvinnumennskunni í fyrra og hefur
spilað frábærlega á miðjunni hjá Breiðabliki. Hann ræddi
við Elvar Geir Magnússon um ferilinn, heimkomuna og
fótboltann hér á landi.
FÓTBOLTINN ER STÓR HLUTI AF LÍFI MÍNU
„Rúnar er fyrst og
fremst fótboltamaður
og þegar lið er fyrst og
fremst að kýla boltan-
um fram, þá gerir hann
voðalega lítið.“
Í Belgíu Arnar lék með Lokeren í Belgíu
áður en hann hélt aftur í Breiðablik.
DV-MYND STEFÁN