Búskapur hins opinbera 1980-1984 - 01.02.1986, Síða 17

15
7. Framleiðslustyrkir:
Hér er átt við styrki til opinberra fyrirtækja og annarra, bæði beina
rekstrarstyrki og niðurgreiðslur á verði landbúnaðarafurða.
8. Ýmsar tekjutilfærslur:
Dæmi um tilfærslur innan opinbera búskaparins eru tilfærslur frá ríkissjóði
og sveitarfélögum til almannatrygginga. Tilfærslur þessar koma ekki fram í
reikningshaldinu, þegar hið opinbera er dregið saman í eina heild, eins og
áður hefur verið getið. Eftir standa þá tilfærslur frá hinu opinbera til
annarra, aðallega frá almannatryggingakerfinu til heimila, s.s. ellilífeyrir.
9. Hreinn sparnaður:
Hreinn sparnaður er hér skilgreindur sem mismunur tekna og gjalda, eins
og þessir tveir liðir koma fram í tekju- og útgjaldareikningi. Mismunur þessi
er, ásamt afskriftum, talinn með fjármagnsstreymi sem :vergur sparnaður:.
10. Fjármagnstilfærslur frá öðrum:
Hér vega þyngst fjármagnstilfærslur til sveitarfélaganna frá ríkissjóði, m.a.
vegna framkvæmda við vegi, grunnskóla, sjúkrahús og hafnir. Fjármagnstil-
færslur eru skilgreindar þannig, að móttakandinn er talinn ráðstafa fjár-
magninu til fjárfestinga, en fjármagnstilfærslur til útlánasjóða falla einnig
hér undir. Tilfærslur, sem í eðli sínu eru bæði fjármagns- og tekjutilfærslur
og hafa engin skýr mörk, eru flokkaðar sem fjármagnstilfærslur. Tilfærslur
frá ríkissjóði vegna hafnaframkvæmda eru, svo dæmi sé tekið, færðar sem
fjármagnstilfærslur til hafna hjá sveitarfélögunum, þar sem hafnir eru
gerðar upp með atvinnuvegunum í þjóðhagsreikningauppgjöri Þjóðhags-
stofnunar. Tilfærslur frá ríkissjóði vegna bygginga sjúkrahúsa eru aftur á
móti færðar undir verga fjármunamyndun hjá sveitarfélögum, að því marki
sem þær hafa ekki verið færðar í reikningum sveitarfélaganna. Reikningar
sjúkrahúsa eru yfirleitt gerðir upp sérstaklega og koma því ekki inn í hina
eiginlegu bæjarsjóðareikninga, sem úrvinnsla þessi byggist á.
11. Verg fjármunamyndun:
Undir verga fjármunamyndun eru færðar byggingar, keyptar fasteignir að
frádregnum seldum, gatna- og holræsagerð, bifreiðar o.fl. Ýmis áhöld og
tæki, sem falla undir gjaldfærðan stofnkostnað hjá sveitarfélögum, færast
ekki í þennan lið, heldur sem samneysla. Sama er að segja um áhöld,
húsgögn, skrifstofuvélar o.þ.h. hjá ríkissjóði, sem fært er með gjaldfærðum
stofnkostnaði.
12. Fjármagnstilfærslur til annarra:
Hér færast bæði tilfærslur milli opinberra aðila og til annarra aðila. í
samandregnu uppgjöri hins opinbera falla fjármagnstilfærslur til annarra
opinberra aðila niður, þar sem þær vega hver aðra upp.
13. Breyting sjóðs, lánareikninga og annarra verðbréfa:
Undir þennan lið eru færðar allar fjármagnshreyfingar, þ.e. breyting á
sjóði, bankareikningum, verðbréfum, lánum, bæði löngum og stuttum, og
breyting á öllum almennum viðskiptakröfum, þar með hækkun á inn-