Dagblaðið Vísir - DV - 14.09.2007, Blaðsíða 6

Kínverjar sviptu hulunni af stærstu
flugstöð í heimi í gær. Í samanburði
mun Heathrow-flugvöllurinn í Lond-
on blikna í öllu tilliti. Flugvöllurinn
sem um ræðir er í Peking, höfuðborg
Kína, og hefur einungis verið þrjú og
hálft ár í smíðum og verður tekinn í
notkun í febrúar á næsta ári. Gólfflötur
flugstöðvarinnar er níutíu og níu hekt-
ararar, sem svarar til níu hundruð og
níutíu þúsund fermetra. Kínverjar gera
ráð fyrir að flugvöllurinn verði þriðji
annasamasti flugvöllur í heimi þegar
hann verður tekinn í notkun. Áætlanir
varðandi bygginguna virðast standast,
hvort heldur sem er kostnaðar- eða
framkvæmdaáætlun. Reiknað er með
að sextíu og sex milljónir farþega fari
gegnum völlinn á næsta ári, en það
er vel að merkja ár Ólympíuleikanna
2008 í Peking.
Ótrúlegur framkvæmdahraði
Framkvæmdir við byggingu flug-
vallarins hófust þann 7. ágúst árið
2004 og reiknað er með að þeim ljúki
fyrir árslok í ár. Slík afköst er erfitt að
gera sér í hugarlund í flestum öðrum
löndum og ástæðan er einföld. „Það
er svo mikið framboð á vinnuafli.
Ef við segjumst þurfa fimm hundr-
uð verkamenn í viðbót á morgun, þá
fáum við þá. Í Bandaríkjunum þyrftum
við að vara í gegnum verkalýðsfélög og
þetta tæki miklu lengri tíma,“ sagði
Jeff Martin, verkefnisstjóri hjá Siem-
ens, einu aðalverktakafyrirtækinu sem
kemur að framkvæmdunum. Í vikunni
voru ýmsir þættir prufukeyrðir, þar á
meðal færiböndin, en heildarlengd
þeirra er rúmlega þrjátíu og tveir kíló-
metrar og á að anna tuttugu þúsund
töskum á klukkustund.
Fórnarkostnaður
Ekki er loku fyrir það skotið að
þakka megi hinn mikla framkvæmda-
hraða aðferðum kínverskra yfirvalda
við að taka á vandamálum. Ef stjórn-
völd kjósa að flytja tugi þúsunda borg-
ara frá einum stað á annan, þá gera þau
það bara. Og sú varð raunin í þessu til-
felli. Tíu þúsund óbreyttir borgarar
voru neyddir til að flytja búferlum svo
framkvæmdir gætu hafist. Kínversk
stjórnvöld gáfu út myndband þar sem
þau státa af því að engrar óánægju hafi
gætt vegna nauðungarflutninganna
eða þess að land var tekið eignarnámi.
Samkvæmt frétt í breska blaðinu
Guardian er það ekki alveg sannleik-
anum samkvæmt og það ætti ekki að
koma neinum á óvart.
Betur má ef duga skal
Sem dæmi um stærð flugstöðvar-
innar má nefna að í henni verða
fjögur hundruð fjörutíu og fimm
fólkslyftur, færibönd fyrir farang-
ur eru, eins og fyrr sagði, rúmlega
þrjátíu og tveir kílómetrar, þar eru
bílastæði fyrir sjö þúsund bifreiðar
og undir byggingunni er vegakerfi
og lestarkerfi. Þegar mest lét unnu
fimmtíu þúsund manns við fram-
kvæmdirnar. Til samanburðar má
geta þess að Leifsstöð er um fimm-
tíu og fimm þúsund fermetrar. En
þrátt fyrir allt þetta og nauðungar-
flutninga tíu þúsunda borgara telja
stjórnvöld í Peking að nýja flug-
stöðin muni ekki duga til. Nú þeg-
ar er búið að skipa starfshóp sem
á að finna staðsetningu annarrar
stöðvar.
föstudagur 14. september 20076 Fréttir DV
Færri börn deyja
Færri börn undir fimm ára
aldri deyja nú en nokkru sinni
fyrr. Barnahjálp Sameinuðu
þjóðanna þakkar þetta viða-
miklu og áhrifaríku starfi í bólu-
setningum barna. Á síðasta
ári létust færri en tíu milljón-
ir barna í heiminum og er það
í fyrsta skipti sem fjöldinn fer
niður fyrir þá tölu. Talið er að
bólusetning gegn mislingum,
notkun neta gegn moskítóflug-
um og aukin brjóstagjöf hafi haft
veruleg áhrif á árangurinn. Sér-
fræðingar álíta þó að hægt hefði
verið að koma í veg fyrir stóran
hluta dauðsfallanna.
erlendarFréttir
ritstjorn@dv.is
Bann við
útflutningi
Aðeins viku eftir að bresk
stjórnvöld lýstu því yfir að landið
væri laust við gin- og klaufaveiki
skýtur sjúkdómurinn upp kollin-
um aftur. Staðfest er að nautgrip-
ir á bóndabýli í Egham í Surrey
voru sýktir og þeim fargað. Á
nálægu býli var nautgripum og
svínum fargað vegna gruns um
sjúkdóminn. Yfirvöld hafa bann-
að allan flutning gripa í landinu
og Evrópusambandið hefur sett á
útflutningsbann. Gordon Brown
forsætisráðherra var ánægður
með aðgerðir yfirvalda og sagði
þau hafa brugðist skjótt við.
Ekkert kossaflens
Angela Merkel kanslari Þýska-
lands er búin að fá sig fullsadda
af kossa-
flensi forseta
Frakklands,
Nicolas Sark-
ozy. Í kjölfar
stormasams
fundar þeirra
í Berlín á
mánudaginn
lýsti Merkel
því yfir að þessi eilífu faðmlög
hans í hvert sinn sem þau hittust
færu í taugarnar á henni. Angela
Merkel er, að sögn þýskra emb-
ættismanna, mjög hlédræg og
kann ekki að meta þetta tilfinn-
ingaflóð af hans hálfu. Að hennar
mati er nú nóg komið.
Pintinu bjargað
Evrópusambandið hefur
heimilað að Bretar geti áfram not-
ast við sínar hefðbundu mæliein-
ingar til dæmis pund, únsur og
mílur. Undanþágan hefur engin
áhrif á reglur sambandsins ein-
ungis er heimilt að nota hvort
tveggja breskar mælieiningar og
metrakerfið þar í landi. Evrópu-
sambandið var orðið langþreytt
á hve Bretar drógu lappirnar við
að uppfylla reglur sambandsins
og hafa sí og æ framlengt frest
þeim til handa, nú síðast til árs-
ins 2010. Almenn andstaða er í
Bretlandi við reglum Evrópusam-
bandsins í þessu máli enda Bretar
með eindæmum íhaldssöm þjóð.
Bretar geta því áfram fengið sér
pint af bjór í stað 0,567 millilítra
af honum.
Bresku þjóðinni finnst nóg komið af morðum á ungmennum þar í landi:
Barátta gegn byssueign
Bresk lögregluyfirvöld hafa, í
samvinnu við stjórnvöld, ákveðið að
skera upp herör gegn byssuglæpum
á Bretlandi. Til átaksins verður veitt
einni milljón punda og sérsveit verð-
ur stofnuð til að taka á vandamálinu í
helstu borgum landsins, Lundúnum,
Manchester, Birmingham og Liver-
pool. Jacqui Smith innanríkisráð-
herra lýsti áhyggjum sínum af því að
byssuglæpir tengdust í æ ríkari mæli
ungu fólki og lofaði að með viðameiri
aðgerðum sértækra lögregluaðgerða
yrði glæpagengjum komið af götun-
um. Að sögn Smiths er helmingur
byssutengdra glæpa í landinu fram-
inn í þremur lögregluumdæmum.
Þrátt fyrir að líkur á að verða fórn-
arlamb skotárásar séu minni nú en
fyrir tíu árum hafi nýliðnir atburðir
vakið upp þá spurningu hvort nóg
sé gert til að takast á við alvarlega
byssuglæpi og gengi.
Framboð á skotvopnum
Að sögn Jacqui Smith er stærsta
vandamálið að komast fyrir aukið
framboð á skotvopnum. Byssutengd-
ir glæpir í Bretlandi tengjast í æ rík-
ari mæli ungu fólki, sagði Smith. En
bætti við að þó væri alrangt að göt-
urnar væru fullar af ungu fólki veif-
andi skotvopnum. Hún sagði að erf-
itt verk væri fram undan, að sameina
krafta rannsóknarlögreglunnar og
eftirlitsstöðva við strendur landsins
til að koma í veg fyrir að skotvopn
kæmust inn í landið. Morðum þar
sem skotvopn koma við sögu hef-
ur fjölgað á Bretlandi og það sem af
er árinu átta ungmenni látið lífið af
völdum skotárása. Jacqui Smith Innanríkisráðherra bretlands hyggst taka á ólöglegri byssueign.
tíu þúsund óbreyttir
borgarar voru neydd-
ir til að flytja búferlum
svo framkvæmdir gætu
hafist.
KolBeinn þorSteinSSon
blaðamaður skrifar: kolbeinn@dv.is
Í Kína er óþrjótandi vinnuafl og ef kínverskum yfirvöldum dettur í hug að ráðast í
framkvæmdir af einhverjum toga og hvaða stærðargráðu sem er, þá er ráðist í verk-
ið. Nú hafa Kínverjar svipt hulunni af stærstu flugstöð í heimi.
NÆRRI EIN MILLJÓN
FERMETRAR AÐ STÆRÐ
Gríðarlegt gólfflötur Níu
hundruð og níutíu þúsund
fermetrar.
þriðji annasamasti
flugvöllur í heimi reiknað
er með sextíu og sex
milljónum farþega árið 2008.