Dagblaðið Vísir - DV - 14.09.2007, Blaðsíða 25

HIN HLIÐIN
Langar að hitta
Jesú og JoLie
haLLóra geirharðsdóttir, Leikkona
n Nafn og kyn?
„Halldóra Geirharðsdóttir, kvenkyn.“
n Atvinna?
„Leikkona.“
n Hjúskaparstaða?
„Gift Nikko.“
n Fjöldi barna?
„Fimm; Stebbi, Steiney, Kolfí, Flóki og Margrét
Vilhelmína.“
n Áttu gæludýr?
„Kött.“
n Ef þú værir bíll, hvaða bíltegund vildir þú vera og hvers
vegna?
„Rússajeppi. Ætli það sé ekki vegna þess að ég er að
æfa leikrit þar sem ég leik Rússa og tala bullrúss-
nesku.“
n Hefurðu komist í kast við lögin?
„Já, fyrir nagladekk og of hraðan akstur.“
n Borðar þú þorramat?
„Ekkert sérstaklega, alveg eins.“
n Hefur þú farið í megrun?
„Já... oft.“
n Grætur þú yfir minningargreinum um ókunnuga?
„Já.“
n Hefur þú tekið þátt í skipulögðum mótmælum?
„Já, það byrjaði með Ísland úr Nató herinn burt.
Síðustu mótmælin sem ég tók þátt í voru í þágu
hálendisbaráttu. Í millitíðinni mótmælti ég svo ýmsu.“
n Lestu blogg?
„Aðallega blogg dóttur minnar sem er skiptinemi í
Ástralíu.“
n Trúir þú á framhaldslíf?
„Já.“
n Er líf á öðrum hnöttum?
„Örugglega.“
n Kanntu dónabrandara?
„Marga.“
n Kanntu þjóðsönginn?
„Já, ætli ég muni hann ekki. Ég hef kunnað hann.“
n Kanntu trúarjátninguna?
„Hana hef ég aldrei alveg lært. Ég kann hana svona
nokkurn veginn.“
n Spilar þú á hljóðfæri?
„Ég spila á þverflautu, saxófón og blokkflautu.“
n Styður þú ríkisstjórnina?
„Atkvæði mitt studdi ekki þessa ríkisstjórn. En ég er
samt spennt að sjá hverju Samfylkingunni tekst að
hreyfa.“
n Hvað er mikilvægast í lífinu?
„Kærleikurinn.“
n Hvaða fræga einstakling myndir þú helst vilja hitta og af
hverju?
„Ef hann er dáinn, þá er það Jesús. Ég held að hann hafi
verið alveg magnaður og tær kærleikur. Ef það er
einhver sem er á lífi, þá er það Angelina Jolie. Ég skil
alveg að hún vilji ættleiða börn en ég er hissa á því
hvað hún ættleiðir mörg börn á stuttum tíma. Ég á tvö
lítil börn og veit hvað þetta er mikil vinna.“
n Hefur þú eytt peningum í vitleysu – þá hvaða?
„Blái rúskinnsjakkinn með kögrinu sem ég keypti í
London þegar ég var átján ára. Þegar ég fór í honum til
Berlínar voru allar hórurnar í alveg eins jakka. Mér
tókst nú samt að selja hann í Kolaportinu fimm árum
seinna fyrir sex þúsund kall.“
n Heldur þú með einhverju íþróttafélagi?
„Nei, en ég er samt Víkingur.“
n Hefur þú ort ljóð?
„Já, ég hef ort nokkur sem ég skrifaði í iBook-tölvuna
mína en var svo heppin að henni var stolið.“
n Eru fatafellur að þínu mati listamenn?
„Nei.“
n Eru briddsspilarar að þínu mati íþróttamenn?
„Ja, ef skákmenn eru það.“
n Af hverju stafar mannkyninu mest hætta?
„Stórum egóum og hatri; af fólki sem heldur að það viti
betur.“
n Á að leyfa önnur vímuefni en áfengi?
„Nei.“
n Stundar þú íþróttir?
„Nei.“
n Hefur þú látið spá fyrir þér?
„Já, oft. Ég geri það nokkuð reglulega og hef mjög
gaman af. Ég hef nú aðeins batnað en þegar ég var
yngri beið ég alltaf eftir því að spádómurinn rættist.“
DV Helgarblað FöSTudAGur 14. SEpTEmBEr 2007 25
DV-MYND ÁSGEIR