Dagblaðið Vísir - DV - 14.09.2007, Blaðsíða 36

Þá hefst enska deildina að nýju eftir
landsleikjahlé. Þeir sem eru svo
lélegir að vera ekki valdir í landslið
eða þeir sem eru svo uppteknir
af sjálfum sér að þeir gefa ekki
kost á sér í landslið koma því
úthvíldir til leiks gegn örþreyttum
landsliðsmönnum. Stórleikir um-
ferðarinnar eru án vafa á Goodison
Park og White Hart Lane en
þar munu mætast annars vegar
Everton og Manchester United og
hins vegar Tottenham og Arsenal.
Everton hefur í gegnum árin ekki
riðið feitum hesti frá viðureignum
sínum við Manchester United og
búast má við því að endurkoma
Christiano Ronaldo komi til með
að styrkja Manchester United.
Aykgeni Yakubu, leikmaður Ev-
erton, hefur gefið það út að hann
ætli sér að opna markareikning
sinn fyrir áhorfendur á Goodison
Park gegn meisturunum. Spurning
er hvort það dugi til í þessum leik.
Ráðist var á Alex Ferguson í vikunni
á lestarstöð og hlaut hann af því
nokkrar skrámur en hann mætir
þó galvaskur til leiks enda harðjaxl
mikill.
Borgarslagur á White hart lane
Tottenham mætir til leiks gegn
Arsenal eftir að hafa endurheimt
nokkra úr meiðslum. Darren
Bent snýr til baka auk Antony
Gardners og Benoit Assou-Ekotto.
„Endurkoma þessara leikmanna er
mjög jákvæð fyrir okkur. Þetta gefur
okkur fleiri möguleika hvað varðar
uppstillingu á liðinu,“ segir Martin
Jol, stjóri Tottenham. Jafnvel er
búist við því að Neil Lennon mæti
til leiks en hann hefur ekki enn
spilað á tímabilinu vegna meiðsla.
Arsene Wenger, framkvæmda-
stjóri Arsenal, er ánægður með
það hvernig hans lið hefur byrjað
tímabilið og segir að með sigri í
þessum leik gefi Arsenal öðrum
liðum skilaboð. „Sigurinn á móti
Fulham í fyrstu umferðinni var
sálfræðilega mikilvægur fyrir
okkur. Oft lentum við í því á síðasta
tímabili að skora ekki þrátt fyrir
yfirburði. En leikurinn gegn þeim
sýndi hversu góður keppnisandi
ríkir í liðinu. Ef við höldum honum
áfram er ég viss um að við getum
unnið deildina,“ segir Wenger.
Leikur Portsmouth og Liverpool
er athyglisverður fyrir margar sakir.
Þarna reynir á Liverpool á erfiðum
útivelli en þeir unnu Aston Villa
naumlega í fyrstu umferðinni. Hér
kemur í ljós hvor „Rauði herinn“
er tilbúinn til þess gera alvarlega
atlögu að titlinum. Allt bendir til
þess og liðið líti vel út. Portsmouth
er þekkt fyrir að vera erfitt heim að
sækja á Fratton Park.
Rafa Benitez, framkvæmdastjóri
Liverpool, er ekki ánægður
með að þurfa spila leikinn
snemma á laugardegi eftir
landsleikjahlé og gagnrýnir enska
knattspyrnusambandið fyrir
leikjaniðurröðunina fyrir þennan
leik. „Við þurfum að spila snemma á
laugardegi og það er nær ógjörningur
að undirbúa liðið almennilega
svo stuttu eftir landsleikjahlé.
Leikmennirnir koma aftur á
fimmtudegi og það eina sem hægt er
að gera er að láta leikmennina skokka
og senda þá svo heim. Á föstudegi
er létt æfing og síðan ferðumst við
til Portsmouth og undir slíkum
kringumstæðum er mjög erftitt að
undirbúa leikmenn líkamlega og
andlega,“ segir Benitez.
Harry Redknapp tekur í sama
streng. „Við töpuðum 3–1 fyrir Arsenal
í síðustu viku og maður hefur ekki
einu sinni tíma til þess að fara yfir
myndbönd með leikmönnum til þess
að sýna þeim hvað við gerðum rangt.
Einnig hefur maður varla tíma til
þess að fara með þeim yfir leikaðferð
Liverpool fyrir leikinn,“ segir Harry
Redknapp framkvæmdastjóri
Portsmouth.
Aðrir leikir
Fleiri athyglisverðir leikir eru á
dagskrá um helgina. Chelsea mætir
þrautseigu Blackburn-liði á Stamford
Bridge. Chelsea á enn eftir að vinna
sannfærandi sigur það sem af er
leiktíðar. Spurningin er hvort Didier
Drogba hrekkur í gang í þessum leik.
Mark Hughes stjórnar Blackburn-
liði sem er hart í horn að taka. Roque
Santa Cruz er búinn að vera frábær
það sem af er leiktíðar.
West Ham þarf á sigri að halda
á heimavelli gegn Middlesbrough.
Scott Parker nálgast endurkomu
og búist er við því að hann muni
taka einhvern þátt í leiknum þó
ekki sé ljóst hvort hann verði í
byrjunarliðinu. West Ham verður
án Kierons Dyer næstu mánuðina
vegna fótbrots. Craig Bellamy var
frábær í liði Wales gegn Slóvakíu í
vikunni og er í feiknaformi nú um
stundir
Egyptinn Mido verður í liði
Middlesbrough en hann hefur
skorað í báðum leikjum sínum með
Middlesbrough eftir að hann kom
frá Tottenham. Sunderland mætir
Reading í leik sem gæti sett tóninn
fyrir tímabilið hjá liðunum. Reading
hefur hikstað að undanförnu og þarf
á sigri að halda ef það á ekki að sogast
í botnbaráttu. Sunderland vann fyrsta
leikinn en hefur gengið brösulega
síðan. Líklega verður fallbarátta þeirra
örlög en þeir þurfa að sigra í leikjum
sem þessum til þess að forðast fall.
Aston Villa og Manchester City
telja sig bæði geta velgt toppliðunum
undir uggum á þessu tímabili.
Geovanni, leikmaður Manchester
City, segir liðið stefna á Evrópukeppni.
„Ég hef spilað í Meistaradeildinni
og Uefa-keppninni og mig langar að
spila þar með Manchester City,“ segir
Geovanni ,leikmaður Manchester
City, en hann spilaði áður meðal
annars með Barcelona og Benfica.
föstudagur 14. september 200736 Sport DV
Nokkrar athyglisverðar rimmur eru á dagskrá um helgina. Everton mætir Manchester
United, Tottenham spilar við Arsenal og Portsmouth og Liverpool eigast við:
ViðAr Guðjónsson
blaðamaður skrifar: vidar@dv.is
Á sigurbraut Liverpool spilar vel í upphafi tímabils.
í dAG
19:10 LiVerpooL - CheLseA
ÚtsendinG frÁ stórLeik
LiVerpooL oG CheLseA í
3.umferð.
20:50
heimur ÚrVALsdeiLdArinnAr
21:20
Leikir heLGArinnAr
21:50
Bestu Leikir
ÚrVALsdeiLdArinnAr
22:20
Bestu Leikir
ÚrVALsdeiLdArinnAr
22:50
hÁpunktAr LeiktíðAnnA
23:50
Leikir heLGArinnAr
LAuGArdAGur
08:25
heimur ÚrVALsdeiLdArinnAr
08:55
Bestu Leikir
ÚrVALsdeiLdArinnAr
09:25
Bestu Leikir
ÚrVALsdeiLdArinnAr
09:55 hÁpunktAr LeiktíðAnnA
10:55
Leikir heLGArinnAr
11:25
portsmouth - LiVerpooL
Bein ÚtsendinG frÁ frAtton
pArk þAr sem hermAnn
hreiðArsson oG féLAGAr hAns
í portsmouth tAkA Á móti
LiVerpooL.
13:45
West - middLesBrouGh
Beint ÚtsendinG frÁ upton pArk
þAr sem eGGert oG féLAGAr fÁ
middLesBrouGh í heimsókn.
16:00
CheLseA - BLACkBurn
jose mourinho oG hAns menn fÁ
BLACkBurn í heimsókn Á BrÚnnA.
18:10
4 4 2
þÁttur sem er ekkert minnA en
ByLtinG í umfjöLLun um enskA
BoLtAnn Á ísLAndi
19:30
4 4 2
20:50
4 4 2
22:10
4 4 2
23:30
4 4 2
sunnudAGur
09:10
sunderLAnd - reAdinG
10:50
4 4 2
þÁttur sem er ekkert minnA en
ByLtinG í umfjöLLun um enskA
BoLtAnn Á ísLAndi.
12:10
CoCA-CoLA deiLdin
14:15
Bestu Leikir
ÚrVALsdeiLdArinnAr
14:50
mAn. City - Aston ViLLA
17:15
tottenhAm - ArsenAL
18:55
eVerton - mAn. utd
20:35
4 4 2
22:00
BirminGhAm - BoLton
Vertu nú góður strákur ronaldo kemur úr þriggja leikja banni gegn everton.