Fréttatíminn - 14.03.2014, Qupperneq 16

stílnum sem einkennir kvosina og
allir gætu farið um allt gangandi
eða hjólandi. En hann er fljótur að
benda á að þetta séu ekki raun-
hæfir draumórar. „Það koma dagar
í Reykjavík þar sem það eru bara
mestu jaxlarnir sem pakka sér
ekki inn í bíl. En samt sem áður er
mín drauma Reykjavík borg sem
heldur karaktereinkennum sínum.
Við verðum að vernda húsin í mið-
bænum og fara varlega í nýbygg-
ingarnar. Mér finnst að það megi
alveg brúa bilið milli gamalla húsa
með eftirlíkingum í stað nýrra
húsa sem eru ekki í gamla stíln-
um. Ég er mjög hrifinn af gamla
hafnarsvæðinu og er hræddur um
að það sem á að byggja við Vestur-
bugtina verði mikið úr stíl við það
sem er þar núna. Þar að auki finnst
mér mikilvægt að starfsemin við
höfnina fái að halda sér en það
hefur sýnt sig erlendis að hafnar-
starfsemi og íbúabyggð fari ekki
endilega vel saman.“
Þróun húsnæðismála er Halldóri
ofarlega í huga. „Ég finn það að
ungt fólk hefur miklar áhyggjur
af húsnæðismálum í borginni.
Og það virðist líka hafa áhuga á
skipulagsmálum, fólk vill þéttari
borg sem auðvelt er að ferðast um
án þess að eiga endilega bíl. En
þétting byggðar er líka þétting
byggðar í úthverfum. Það er nú
þegar búið að opna Úlfarsárdalinn
svo ég tel okkur geta byggt upp
enn stærra hverfi þar en nú stend-
ur til. Það er líka ákveðinn hópur
fólks sem vill frekar búa utan við
miðbæinn og auk þess er miðbær-
inn mjög dýr kostur. Það er auð-
vitað eitt það sem þig dreymir um
að gera og svo er það hitt sem þú
getur gert. Ég vil leggja áherslu á
að veita ungu fólki sem er að byrja
að búa báða valkostina. Að hafa val
er mjög mikilvægt.“
Fjölskyldubíllinn
Sjálfur er Halldór mikill fjöl-
skyldumaður. Býr í Holtunum,
er giftur með þrjú uppkominn
börn, en yngsti sonur hans er 17
ára. Sem þýðir að hann er löngu
hættur að skutla í leikskólann. „Ég
er samt ekkert búinn að gleyma
stússinu í kringum börnin og
þess vegna legg ég áherslu á að
tala um „fjölskyldubíl“ frekar en
„einkabíl“. Reykvíkingar eru að
nota bílinn fyrir fjölskylduna, þú
þarft að koma börnunum í skólann,
á æfingar, versla og allt það sem
þarf að gera þegar maður rekur
fjölskyldu. Auðvitað er draumur
að geta gengið allt en það eru bara
mjög fáir sem hafa kost á því. Sjálf-
ur geng ég mjög mikið og væri
alveg til í að þurfa ekki að nota bíl,
en raunveruleikinn er annar.“
Halldór er talsmaður fjölbreytt-
ara skólakerfis og finnst að það
ætti að auðvelda rekstrarumhverfi
sjálfstætt starfandi skóla. Hann
telur í sjálfu sér ekki óraunhæfan
kost að lækka eða afnema gjöld
leikskólanna, eins og Vinstri
græn leggja til, en er ekki sam-
mála stefnunni. „Borgin má eiga
það að leikskólagjöldin eru með
því lægsta sem þekkist. En viljum
við lækka það frekar? Ég myndi
frekar lækka útsvarið í áföngum
því þannig spannar lækkunin mun
lengri tíma heldur bara þann sem
börnin eru í leikskóla og gagnast
þá þar að auki öllum.“
Hægri eða vinstri
Ein ástæða þess að Halldór telur
sig góðan kost fyrir Reykvíkinga
er vegna reynslunnar sem hann
hefur úr sveitarstjórnun. „Það
er mikið um skurðgröft í sveitar-
stjórnarmálum, svo ég er vanur
þeim. Það er ekki hægri eða
vinstri skoðun á því hvernig maður
grefur skurð. En það er hægri eða
vinstri skoðun á því hver grefur
skurðinn. Ætlar þú að kaupa
gröfurnar og ráða mannskap í
vinnu eða býður þú verkið bara út?
Að mínu mati væri hægt að gera
miklu meira af því að bjóða verk
út. Reykjavík er svo aftarlega á
merinni miðað við önnur sveitarfé-
lög þegar kemur að því að innleiða
nýjungar í rekstri. Reykjavík reynir
að gera allt sjálf í stað þess að nýta
kosti einkamarkaðarins. Það vantar
allan drifkraft, hagræðingu og
nýsköpun. Borgin hirðir meira að
segja sorpið sitt sjálf og ég hugsa
að Reykjavík sé eina sveitarfélagið
sem gerir það. Það liggur við að
borgin reki sjoppur.“
Það er auðvitað ekki hægt að tala
við Halldór án þess að spyrja hann
út í lista flokksins og þá staðreynd
að þrjú efstu sætin skipa karlar.
Saknar hann ekki kvennanna?
„Mér finnst umræðan mjög skiljan-
leg. Þegar ég var spurður út í upp-
röðun þá sagðist ég bara vilja vera í
fyrsta sæti og bað svo viðkomandi
um að hafa jafna kynjaskiptingu
í huga. Sjálfur hef ég alltaf unnið
fyrst og fremst með konum í póli-
tík. Í Sambandi íslenskra sveitarfé-
laga tók ég strax upp þá vinnureglu
að allar nefndir væru kynjaskiptar.
Mér finnst jöfn kynjaskipting skipta
mjög miklu máli, en ég réð ekki
niðurstöðum prófkjörsins. Flokkur-
inn vill jafna kynjaskiptingu en að-
ferðafræðin við prófkjörið er bara
ekki þannig.“
Endurnýjunin
Halldór hafði verið bæjarstjóri
Ísafjarðar í 12 ár haustið 2010
þegar hann flutti til Reykjavíkur.
Auk þess að fara í mastersnám
stofnaði hann ferðaþjónustufyrir-
tæki fyrir vestan sem sérhæfir sig
í kajakferðum um Ísafjarðardjúp
og veitingahús með systkinum sín-
um sex. Allt þetta segir hann hafa
verið hluta af nauðsynlegri sjálfs-
endurnýjun. „Ég var bara búinn
með ákveðið tímabil í lífi mínu. Ég
þurfti að takast á við eitthvað nýtt.
Við systkinin ákváðum að nýta
jörðina í Ögri, sem við erfðum eftir
foreldra okkar, og opnuðum þar
lítinn „slow food“ veitingastað sem
er opinn yfir hásumarið. Hafliði
bróðir er frábær kokkur svo það
eru hæg heimatökin. Við eldum
úr hráefni nánasta nágrennis og
tínum jurtir á svæðinu. Ég get sagt
þér að lambalærið sem við eldum
það er engu líkt,“ segir Halldór
með nostalgíu í augum. Saknar
hann Vestfjarða? „Ef það er eitt-
hvað sem ég sakna þá er það fólkið
og svo sakna ég foreldra minna.
Ég hugsa til þeirra hvern einasta
dag en þau féllu bæði frá þegar ég
bjó fyrir vestan. Mamma og pabbi
stefndu alltaf á að búa í Reykjavík.
Þau voru bæði fædd og uppalin
við Ísafjarðardjúp en fluttu með
mig nýfæddan til Reykjavíkur og
fyrstu æviár mín bjó fjölskyldan
við Framnesveg. Svo veiktist afi,
við fórum vestur til að aðstoða
hann með búið og í framhaldinu
tóku foreldrar mínir við búinu. Ég
ólst því upp í Ögri í hópi 6 systkina
sem eru miklir vinir mínir í dag.
Ég get alltaf farið þangað ef nos-
talgían er mikil og þá tekið eina
kajakferð í leiðinni.“ Það gæti
reyndar orðið lítið af kajakferðum
fyrir vestan í nánustu framtíð því
Halldórs býður tímafrekt starf í
höfuðborginni. „Jú, það er satt,
en ég get alltaf farið í kajakferðir í
nágrenni Reykjavíkur, hér er nóg
af frábærum svæðum til þess.“
Halla Harðardóttir
halla@frettatiminn.is
É g hef alltaf verið það heppinn að hafa fengið að gera það sem mig langar til að gera, og mér leið vel í bæjarstjórninni á Ísafirði.
Það var bara kominn tími til að hleypa
nýjum að. Hefðir þú spurt mig á þessum
tíma hvort ég færi aftur í pólitík þá hefði
ég þvertekið fyrir það. Ég ætlaði aldrei
aftur í pólitík. Eftir að ég flutti til Reykja-
víkur var skorað á mig að taka slaginn
fyrir alþingiskosningar og ég hafði engan
áhuga. Landspólitíkin hefur bara aldrei
heillað mig. En í framhaldinu var nefnt við
mig að fara í borgarmálin. Þá var áhug-
inn nú ekki lengi að kvikna. Það er þetta
nærumhverfi sem heillar mig og innan
þess eru mörg verkefni sem mig langar að
takast á við,“ segir Halldór sem hafði verið
bæjarstjóri Ísafjarðarbæjar í 12 ár þegar
hann venti kvæði sínu í kross haustið 2010
og flutti til Reykjavíkur.
Eins og Halldór bendir sjálfur á er hann
ekki mjög þekktur meðal ungra kjósenda
í Reykjavík. „Ætli það sé ekki vegna þess
að ég kem úr sveitarstjórnarpólitíkinni
og það er nú kannski ekki það sem unga
fólkið hefur mestan áhuga á. Þar eru
aðrar áherslur en í landspólitíkinni, sem
rata minna í sviðsljósið. Ef ég hefði verðið
öðrum málefnum, eins og til dæmis þeim
sem núverandi borgarstjóri er í, þá væri
ég nú örugglega þekktari.
Draumar og veruleiki
Draumaborgin hans Halldórs væri aðeins
veðursælli en Reykjavík. Hún væri í gamla
Ætlaði aldrei
aftur í pólitík
Halldór Halldórs-
son vill verða
borgarstjóri
Reykjavíkur.
Hann hefur
búið stóran
hluta ævinnar
á Ísafirði svo
margir spyrja
sig hvaða erindi
hann eigi í
borgarstjór-
astólinn. Hann er
viss um að hann
eigi þangað fullt
erindi. Nýbúinn
að endurnýja
sjálfan sig og
tilbúinn í slaginn.
„Borgin má eiga það að leikskólagjöldin
eru með því lægsta sem þekkist. En
viljum við lækka það frekar? Ég myndi
frekar lækka útsvarið í áföngum því
þannig spannar lækkunin mun lengri
tíma heldur bara þann sem börnin eru
í leikskóla og gagnast þá þar að auki
öllum,“ segir Halldór Halldórsson.
Mynd Hari
 halldór halldórsson oddviti sjálfstæðisflokksins í reykjavík
Ljósin skína í
Björtuloftum
Ferming á hæstu
hæðum Hörpu
Fáðu tilboð: veislur@harpa.is eða 528 5070
Við sjáum um að útfæra fermingarveisluna með þér. Hvort sem þú kýst
hádegisveislu, hlaðborð, síðdegiskaffi, kvöldverð eða eitthvað allt annað.
Úrvals aðstaða, glæsilegir salir og hagstætt verð — og útsýnið er innifalið.
Br
an
de
nb
ur
g
16 viðtal Helgin 14.-16. mars 2014