Fréttatíminn - 14.03.2014, Side 31

dikt Sigurðsson, aðstoðarmaður
landbúnaðarráðherra, vildi ekki
kannast við það að það væri slæmt
fyrir íslenska geitastofninn ef 22%
hans færu í slátrun í haust. „Þeir
fræðingar sem fjallað hafa um
málið telja að það sé langur vegur
frá því að stofninum sé búin ein-
hver hætta þó dýrin á Háafelli fari í
sláturhúsið. Eftir því sem mér hefur
verið tjáð hér, er það engan veginn
þannig að stofninn sé í einhverri
hættu. Þetta kemur frá þeim mönn-
um sem þetta best þekkja,“ segir
Benedikt, en vildi að öðru leyti ekki
tjá sig um málefni Jóhönnu á Háa-
felli opinberlega.
Jón Hallsteinn Hallsson, for-
maður erfðanefndar landbúnaðar-
ins, segir erfitt að meta áhrifin af
slíkri blóðtöku fyrirfram. „Hér
liggur helsti vandi þeirra sem
vinna að varðveislu erfðaauð-
linda, að kostnaður við varðveislu
kemur fram strax en verðmæti
þeirra eiginleika sem varðveittir
eru koma e.t.v. ekki í ljós fyrr en
löngu seinna. En það er fleira sem
hangir á spýtunni í þessu dæmi,
það er nefnilega ekki bara breyti-
leiki innan stofnsins sem getur
tapast, ég hef ekki síður áhyggjur
af fordæminu og leyfi mér að efast
um að nokkrum manni detti í hug
að hefja stórfellda geitfjárrækt í
náinni framtíð gangi reksturinn á
Háafelli ekki. Sé ætlunin að vernda
íslenska geitfjárstofninn með sjálf-
bærum hætti verður að byggja
slíkt á nýtingu afurða en ekki gælu-
dýrahaldi og til þess þarf stærri
geitfjárbú en finnast í dag,“ segir
Jón Hallsteinn.
Jóhönnu er ekki brugðið við að
heyra af viðbrögðum ráðuneytisins,
afstaða þess hafi lengi verið ljós.
„Ég hef lagt allt mitt í geiturnar
síðustu 14 árin en ef þetta er niður-
staðan, að það sé ekki vilji til að
vernda og viðhalda dýrastofni
í útrýmingarhættu, og fólk vilji
heldur flytja inn geitaafurðir en fá
þær beint frá íslenskum bændum,
þá verð ég bara að hlíta þeirri
niðurstöðu og falla með stofninum
mínum. Ég stend og fell með geit-
unum mínum.“
Halla Harðardóttir
halla@frettatiminn.is

Plus-Plus kubbar í öllum
stærðum og gerðum
Bernhard ehf • Vatnagörðum 24 - 26 • Sími 520 1100 • www.bernhard.is
Umboðsaðilar: Reykjanesbæ, Bernhard, sími 421 7800 • Akranesi, Bílver, sími 431 1985 Akureyri, Höldur, sími 461 6020 • Vestmannaeyjum, Bragginn, sími 481 1535
NÝR PEUGEOT 2 8
PEUGEOT 2008 KOSTAR FRÁ KR. 3.130.000
Frumsýnum á laugardag
PEUGEOT
Eldsneytiseyðsla í blönduðum akstri frá 3,4 til 4,5L/100km og CO2 útblástur (g/km) frá 87 til 104.
OPIÐ LAUGARDAG MILLI KL. 11:00 OG 16:00
www.peugeot.is
fréttaskýring 31 Helgin 14.-16. mars 2014