Fréttatíminn - 14.03.2014, Blaðsíða 66

M inningarsýningin „In Me-morium – Óli G. Jóhanns-son“ opnaði í Tveimur
hröfnum listhúsi, við Baldursgötu
12, á fimmtudaginn.
Óli G. Jóhannsson var fæddur og
uppalinn á Akureyri en átti ættir
sínar að rekja til Húnvetninga.
Hann varð stúdent frá Mennta-
skólanum á Akureyri árið 1966 og
nam síðan viðskiptafræði í eitt ár
við Háskóla Íslands. Eftir það fékkst
hann við ýmis störf, meðal annars;
kennslu, gjaldkerastörf, blaða-
mennsku og sjómennsku.
Óli var mikill aflvaki í myndlistar-
lífi á Akureyri. Hann var einn af
stofnendum Myndlistarfélagsins
sem átti stóran þátt í að Myndlistar-
skólinn komst á legg. Þá stofnaði
Óli ásamt eiginkonu sinni, Lilju
Sigurðardóttur, Gallerý Háhól árið
1974 en það var fyrsta einkarekna
galleríið á Akureyri.
Óli var sjálfmenntaður mynd-
listarmaður og vann árum saman
að myndlist sinni í hjáverkum. Eftir
sjóslys í Barentshafi 1996 lét hann
loks draum sinn rætast, það er að
helga sig alfarið ástríðu sinni sem
var myndlistin. En ásamt myndlist-
inni átti hestamennskan hug hans
allan og sinnti hann því áhugamáli
af krafti alla sína tíð.
Óli átti langan og farsælan mynd-
listarferil. Hann setti upp fjölmarg-
ar einkasýningar og tók þátt í ótal
samsýningum, bæði hér heima og
erlendis. Frá árinu 2006 var Óli
samningsbundinn hjá alþjóðlegu
galleríi, Opera-Gallery, og sýndi á
þess vegum víðs vegar um heiminn.
Fyrsta einkasýning hans á vegum
gallerísins var í London og seldist
sú sýning nánast upp á opnuninni.
Í framhaldinu sýndi Óli á vegum
Opera-gallerísins til að mynda í
New York, Mónakó, Míami, Dúbaí,
Singapúr og Seúl og naut mikillar
velgengni.
Þegar Óli féll frá, langt fyrir aldur
fram, árið 2011 voru framundan
mörg spennandi verkefni tengd
myndlistinni. Meðal annars sýning
í Franciacorta á Ítalíu, New York og
Moskvu. Síðasta sýning Óla á Ís-
landi var nýlega opnuð í Listasafni
Reykjanesbæjar þegar hann kvaddi.
Jónas við flygilinn
Tónleikaröðin Við slaghörpuna í hálfa
öld heldur áfram í Salnum sunnu-
daginn 16. mars klukkan 12. Þá mun
sópransöngkonan Auður Gunnarsdóttir
mæta ásamt leikkonunni Ragnheiði
Steindórsdóttur. Sem fyrr situr Jónas
Ingimundarson við flygilinn.
Tónleikar verða með sérstöku sniði
því auk Auðar flytur Ragnheiður öll
íslensku ljóðin og íslenskar þýðingar á
þeim erlendu ljóðum sem sungin eru í
þýðingu Reynis Axelssonar.
Siðlausir söngvar
Dómkórinn í Reykjavík og Kór Mennta-
skólans í Reykjavík flytja Carmina
Burana eftir Carl Orff á tvennum tón-
leikum í Langholtskirkju á sunnudaginn,
klukkan 17 og 20.
Alls taka yfir 100 manns þátt í
flutningnum í kirkjunni. Með kórunum
syngja einsöngvararnir Hallveig Rún-
arsdóttir sópran, Þorbjörn Rúnarsson
tenór, og Jón Svavar Jósefsson bas-
sabaritón. Einnig koma við sögu nokkrir
drengir úr Skólakór Kársness.
Stjórnandi á tónleikunum er Kári
Þormar dómorganisti en hann er
stjórn andi beggja kóranna.
 Tveir hrafnar MinnasT Óla G.
Aflvaki myndlistar-
lífs á Akureyri
Óli innan um verk sín.
Auður
Gunnars-
dóttir.
 MyndlisT helGa oG helena í TýsGalleríi
Réttar konur á réttum
stað á réttum tíma
Helga og Helena opnuðu Týsgallerí til að auka aðgengi almennings að myndlist og kynna hana
sem fjárfestingarleið. Þær hafði báðar lengi dreymt um að opna gallerí og að starfa saman er
með því skemmtilegra sem þær hafa gert.
h elga Óskarsdóttir og Hel-ena Hansdóttir Aspelund eru báðar menntaðar í
myndlist en hafa sýslað við ýmis-
legt í gegnum tíðina. Listin hefur
þó alltaf verið rauði þráðurinn
í lífi þeirra beggja. „Það eru af-
skaplega fáir sem finna leið til að
lifa einungis af myndlist. En samt
sem áður var sú ákvörðun að fara
í myndlist það besta sem ég gat
gert. Myndlist er svo góður grunn-
ur út í lífið því hún gefur manni
sérstakt viðhorf til lífsins og hæfi-
leika til að komast af,“ segir Helga
sem tekur að sér verkefni tengd
vefsíðugerð auk þess að reka
galleríið. Einnig hafa þær báðar
fengist við kennslu en þær luku
diplómanámi frá LHÍ í kennslu-
fræði, þó ekki á sama tíma. „Já, við
erum mjög svipaðar að þessu leyti.
Fórum sama menntaveg en höfum
tekið alls konar hliðarbeygjur. Það
hefur samt alltaf blundað í mér
að reka gallerí. Ég hef alltaf verið
að reyna að leita að hlutum sem
bjóða upp á nýja sýn á hversdags-
leikann,“ segir Helena sem rekur
ferðaskrifstofuna Helenatravel auk
gallerísins.
Listamenn með mótaða sýn
Leiðir þeirra lágu svo saman í
júní 2013 þegar Helenu vantaði
vefsíður fyrir ferðaskrifstofuna og
leitaði til Helgu. „Við könnuðumst
við hvor aðra úr þessari mynd-
listarsenu en ekkert meira en
það. Svo þegar við byrjuðum að
vinna sama þá var ekkert aftur
snúið. Það var alltaf svo gaman í
vinnunni hjá okkur að við sáum að
við yrðum að halda áfram,“ segir
Helga. Það rennur upp fyrir þeim
ljós þegar þær uppgötva að þær
hafa bara þekkst í tæpt ár, en á
þeim stutta tíma hafa þær fundið
húsnæðið við Týsgötu, opnað dyr
gallerísins, sett upp nýja sýningu
á fimm vikna fresti og orðið nánar
vinkonur. „Jiii, það er rosalegt! Við
verðum eiginlega að halda upp á
eins árs afmælið,“ segir Helena og
þær hlæja saman að hugmyndinni
og því hvað allt hafi gerst hratt.
„Við vorum bara réttar konur á
réttum stað á réttum tíma,“ segir
Helga.
Listamennirnir sem starfa með
Týsgallerí eru jafn misjafnir og
þeir eru margir. Það sem þeir eiga
sameiginlegt er að vera virkir og
auðvitað falla að smekk Helgu og
Helenu. Þar má nefna Ásmund
Ásmundsson, Steingrím Eyfjörð,
Karlottu Blöndal, Söru Riel,
Snorra Ásmundsson og Baldur
Geir Bragason svo nokkrir séu
nefndir. „Það vantaði sýningar-
tækifæri fyrir alla þessa frábæru
starfandi listamenn,“ segir Helga.
„Já,“ segir Helena, stefnan var
strax að velja starfandi myndlistar-
menn með mótaða sýn, fólk sem
sýnir og sannar að það er að búa
til myndlist og er traustsins vert.
Maður sér alveg hverjir eru að
þessu í alvöru og hverjir ekki.“
List fyrir alla
„Núna ætlum við að kynna verk-
efni með verkum eftir frábæra
listamenn á góður verði. Við feng-
um 9 myndlistarmenn til að búa til
fjölfeldi, lítil þrívíð verk í 5 eintök-
um hvert. Þetta er okkar leið til að
auka aðgengi að myndlistarkaup-
um. Við viljum auka kúltúr fyrir
myndlistarkaupum því myndlist
er, ólíkt skrautmunum, góð fjár-
festing til framtíðar,“ segir Helena.
„Einmitt,“ segir Helga, „og okkur
finnst mikilvægt að kaupendur
átti sig á þessum mun. Og svo auð-
vitað því hvað hún er nærandi og
góð viðbót við tilveruna.“
Halla Harðardóttir
halla@frettatiminn.is
Helga og Helena
eru sérstaklega
ánægðar með
staðsetningu
gallerísins við
Týsgötu 2. Þar sé
góður straumur
fólks, Reykvíkinga
og ferðamanna,
þrátt fyrir að vera
í hliðargötu.
Börkur er samstarfsverkefni Ragnars og Siggu Soffíu og er vandað símahulstur úr eðalvið
með útskornum myndum sem verja símann þinn fyrir hnjaski
K
ra
ft
av
er
k
Fæst á iPhone 4, 4S, 5, 5S og Samsung Galaxy S4 • Verð kr. 5.400 • Ótal myndir í boði www. minja.is • facebook: minja • Skólavörðustíg 12
Ragnar Kristjánsson,
hönnuður og teiknari:
„Árangurslaus leit að
vönduðu og fallegu hulstri
á símann minn kveikti
þessa hugmynd.”
Sigga Soffía,
söngkona og teiknari:
“Ég er söngfugl sem elskar
að teikna. Fyrir mér er
myndlist hugleiðsluverkfæri.”
66 menning Helgin 14.-16. mars 2014