Fréttatíminn - 21.02.2014, Blaðsíða 6

Reykjavík | akuReyRi | Reykjavík | akuReyRi | Reykjavík | akuReyRi | Reykjavík | akuReyR
Holtagörðum, Reykjavík ✆ 512 6800
Dalsbraut 1, Akureyri ✆ 558 1100
Húsgagnahöllinni, Reykjavík ✆ 558 1100
OPNUNARTÍMI HOlTAgöRðUM:
Virka daga 1000-1800, Laugardaga 1100–1600
áTTU vON
á gesTUM!
Mikið
úrval svefnsófa
dorma.is
Skoðaðu
úrvalið!
SILO
SVefnSófI
119.900
fullt verð kr.
139.900
Svefnsvæði
140x190 cm
Með rúmfata-
geymslu í tungu
Stærð:
228x162
H: 83 cm
Dökkgrátt
slitsterkt
áklæði.
 Evrópusambandsviðræður FramsóknarmEnn vilja lEggja Fram þingsályktunartillögu um slit aðildarviðræðna
Reyna að sannfæra Bjarna um viðræðuslit
Framsóknarmenn reyna nú að fá sjálf-
stæðismenn til að samþykkja að leggja fram
þingsályktunartillögu í næstu viku um slit á
aðildarviðræðum við Evrópusambandið. Stór
hluti þingflokks Sjálfstæðisflokksins er á sömu
skoðun og framsóknarmenn en formaðurinn er
enn óákveðinn. Sjálfstæðismenn íhuga að láta
fara fram þjóðaratkvæðagreiðslu um aðild.
Gunnar Bragi Sveinsson utanríkisráðherra og Štefan Füle, stækkunarstjóri ESB, á fundi þeirra í Brussel í júní síðastliðnum
þegar Íslendingar tilkynntu um hlé á viðræðum við Evrópusambandið.
F ramsóknarflokkurinn rær nú öllum árum að því að fá Sjálfstæðisflokkinn til
þess að samþykkja að leggja fram
þingsályktunartillögu um að slíta
aðildarviðræðum við Evrópusam-
bandið og vill utanríkisráðherra,
Gunnar Bragi Sveinsson, leggja
hana fyrir Alþingi á þriðjudag.
Stærsti hluti þingflokks Sjálf-
stæðisflokksins vill gera hið sama
en heimildir Fréttatímans herma
að Bjarni Benediktsson, for-
maður flokksins, hafi ekki tekið
endanlega ákvörðun. Tvö sjónar-
mið takist á. Annars vegar gangi
ákvörðun um viðræðuslit í berhögg
við stefnu Sjálfstæðisflokksins
sem samþykkt var á síðasta lands-
fundi þar sem segir að „aðildar-
viðræðum við ESB verði hætt og
þær ekki teknar upp aftur nema
að undangenginni þjóðaratkvæða-
greiðslu“. Sú ályktun var keyrð í
gegn á landsfundi af miklu harð-
fylgi til þess að reyna að sætta ólík
sjónarmið innan flokksins. Auk
þess geri stjórnarsáttmálinn ekki
ráð fyrir viðræðuslitum heldur
sammæltust flokkarnir um að gera
hlé á aðildarviðræðum og halda
þeim ekki áfram nema að undan-
genginni þjóðaratkvæðagreiðslu.
Hitt sjónarmiðið er hávært innan
flokksins, að með því að slíta við-
ræðum séu aðildarviðræður úr
sögunni á kjörtímabilinu og þar
með málið allt. Það þyki vandræða-
legt fyrir ríkisstjórnina að hafa það
svona hangandi yfir og heiðarlegra
hreinlega að slíta viðræðunum.
Ekki þykir ólíklegt að Bjarni muni
fallast á þau rök og samþykkja að
leggja fram þingsályktunartillögu
um viðræðuslit.
Evrópusinnar í þingflokki Sjálf-
stæðisflokksins eru enn á þeirri
skoðun að ljúka eigi við aðildarvið-
ræður. Þeir segja að ákvörðun um
að slíta viðræðum gangi í berhögg
við landsfundarályktun flokksins
og munu greiða atkvæði gegn
þingsályktunartillögu um viðræðu-
slit. Þeir eru þó í minnihluta í þing-
flokki Sjálfstæðisflokks, einungis
tvö af nítján, Ragnheiður Ríkharðs-
dóttir og Vilhjálmur Bjarnason, og
mun þingsályktunartillagan því
hljóta stuðning mikils meirihluta
þingmanna þótt þau greiði atkvæði
gegn henni, því stjórnarþingmenn
eru 38 talsins.
Þjóðin vill kjósa
Til að flækja málið frekar er skýr
þjóðarvilji fyrir því að almenn-
ingur fái að kjósa um það hvort við-
ræðum verði haldið áfram. Þá vill
ríflega helmingur ljúka aðildarvið-
ræðum, samkvæmt skoðanakönn-
unum þó svo að einungis þriðjung-
ur sé hlynntur aðild.
Innan Sjálfstæðisflokksins eru
alvarlegar vangaveltur um það
hvort ríkisstjórnin eigi að láta
fara fram þjóðaratkvæðagreiðslu
um Evrópusambandsaðild. Ekki
verði spurt hvort fólk vilji halda
viðræðum áfram – heldur verði
einfaldlega spurt hvort fólk vilji að
Ísland gangi í Evópusambandið.
Niðurstöður úr slíkri þjóðar-
atkvæðagreiðslu yrðu síðan nýttar
til þess að ákveða hvort slíta skuli
viðræðum eða halda þeim áfram.
Ekki er vilji fyrir því hjá sjálfstæð-
ismönnum að láta slíka þjóðarat-
kvæðagreiðslu fara fram samhliða
sveitarstjórnarkosningum í vor því
sveitarstjórnarmenn yrðu ósáttir
við að fókusinn færi þá allur á ESB
í staðinn fyrir sveitarstjórnarkosn-
ingarnar sjálfar. Þjóðaratkvæða-
greiðslan yrði þá haldin ein og sér
en einungis þarf 8 vikna fyrirvara
til að boða til hennar.
Þá hefur verið rætt um að með
fyrirhuguðum breytingum á
stjórnarskrá muni þjóðin fá heim-
ild til að óska eftir því að þjóðar-
atkvæðagreiðsla fari fram um til-
tekin mál að ákveðnum skilyrðum
uppfylltum. Með því að samþykkja
slíka breytingu á stjórnarskránni
verði þjóðinni þar með færð heim-
ild til að taka til sín aðildarmálið
og krefjast um það þjóðaratkvæða-
greiðslu.
Bæði Bjarni og Sigmundur
Davíð Gunnlaugsson forsætisráð-
herra hafa hins vegar sagt að erfitt
sé fyrir ríkisstjórn að halda áfram
viðræðum um aðild að Evrópusam-
bandinu þegar báðir flokkarnir
telji að Íslandi sé betur komið utan
þess. Þá greinir hins vegar á um
hvernig best sé að leiða málið til
lykta, hvort slíta beri viðræðum –
en til þess þarf þingsályktunartil-
lögu – eða fresta þeim einungis
áfram.
Ósáttir við utanríkisráðherra
Samkvæmt heimildum Frétta-
tímans eru sjálfstæðismenn hins
vegar langt frá því sáttir við mál-
flutning Gunnars Braga Sveinsson-
ar í umræðum á Alþingi um nýút-
komna skýrslu Hagfræðistofnunar
um stöðu aðildarviðræðna, þar
sem hann sagði meðal annars að
ESB væri „í raun ekki í stakk búið
til að taka á móti velmegandi ríki
eins og Íslandi og eiga samninga
um aðild á jafnræðisgrundvelli.“
Þeir segja ljóst af öllum málflutn-
ingi utanríkisráðherra að hann
vilji slíta viðræðum og eru margir
ósáttir við að skýrslan skuli hafa
verið kynnt með þeim hætti sem
raunin varð. Í stað þess að tryggja
málefnalega og fræðilega umræðu
um skýrsluna með því að fá höf-
unda hennar til þess að kynna
hana hafi henni verið lekið til aðila
andsnúnum aðild, samtakanna Nei
Ísland og Morgunblaðsins. Þannig
hafi umræðan mótast að sjónar-
miðum Evrópuandstæðinga strax
frá fyrstu stundu.
Sigríður Dögg Auðunsdóttir
sigridur@frettatiminn.is
Úr stjórnarsáttmála ríkis-
stjórnarinnar:
Gert verður hlé á aðildarviðræðum
Íslands við Evrópusambandið og úttekt
gerð á stöðu viðræðnanna og þróun
mála innan sambandsins. Úttektin verður
lögð fyrir Alþingi til umfjöllunar og kynnt
fyrir þjóðinni. Ekki verður haldið lengra í
aðildarviðræðum við Evrópusambandið
nema að undangenginni þjóðaratkvæða-
greiðslu.
Ályktun landsfundar Sjálf-
stæðisflokksins 2013 um
aðildarviðræður:
Landsfundur telur að hagsmunum Ís-
lands sé betur borgið með því að standa
fyrir utan Evrópusambandið. Áréttað er
að aðildarviðræðum við ESB verði hætt
og þær ekki teknar upp aftur nema að
undangenginni þjóðaratkvæðagreiðslu.
Ályktun flokksþings Fram-
sóknarflokksins 2013 um
aðildarviðræður:
Framsóknarflokkurinn telur hag lands
og þjóðar best borgið utan Evrópu-
sambandsins. Ekki verði haldið lengra í
aðildarviðræðum við Evrópusambandið
nema að undangenginni þjóðaratkvæða-
greiðslu.
6 fréttaskýring Helgin 21.-23. febrúar 2014