Fréttatíminn - 21.02.2014, Blaðsíða 10
Komdu á
háskóladaginn!
Taktu upplýsta ákvörðun!
1. mars kl. 12 – 16
Egilsstaðir, ME
19. mars kl. 11 - 13:30.
Akureyri, VMA
20. mars kl. 11 - 13:30.
Selfoss, FSU 26. mars kl. 10 - 13.
Ísafjörður, MÍ
27. mars kl. 11 - 13.
Háskóladagurinn um allt land
Háskóli Íslands kynnir námsframboð sitt í Aðalbyggingu,
Háskólatorgi, Öskju og Háskólabíói.
Háskólinn á Akureyri, Háskólinn á Hólum og Landbúnaðarháskóli
Íslands verða með námskynningu á Háskólatorgi í Háskóla Íslands.
Listaháskóli Íslands verður með kynningu á námsbrautum sínum
í Þverholti 11.
Háskólinn í Reykjavík og Háskólinn á Bifröst kynna námsframboð
háskólanna í húsakynnum Háskólans í Reykjavík í Nauthólsvík.
Fríar rútuferðir á milli HÍ, HR og LHÍ (Þverholti).
/Háskóladagurinn
#hdagurinn
É g var ekki þessi týpíski tölvunörd. Ég spilaði ekki tölvuleiki og þegar ég
byrjaði hafði aldrei forritað,“ segir
Helga Guðmundsdóttir, meistara-
fræðinemi í tölvunarfræði við
Háskólann í Reykjavík, en Helga
dúxaði þegar hún lauk grunnnám-
inu núna í janúar. „Ég var lengi vel
hikandi við að skrá mig í námið og
fannst eins og þarna væru bara ein-
hverjir strákar með snillingastimpil
á enninu og að ég ætti lítið erindi
með þeim, sem auðvitað var algjör
misskilningur. Fyrst prófaði ég
að vinna á tölvuverkstæði og fór á
námskeið hjá NTV, Nýja tölvu- og
viðskiptaskólanum, til að fá smá
sjálfstraust. Þar gekk mér vel og ég
ákvað að fara í námið,“ segir hún
en alls liðu fimm ár frá því áhug-
inn vaknaði þar til hún lét af verða
að skrá sig í tölvunarfræði. Helga
vinnur nú að meistaraverkefni sínu
í samstarfi við vísindamenn frá
Facebook. Í grunnnáminu stund-
aði hún rannsóknir fyrir NASA
og Google er þegar byrjað að hafa
samband. Helga er einnig ein af
stofnendum /sys/tra, sem er félag
kvenna innan tölvunarfræðideildar
í Háskólanum í Reykjavík.
Ekki alltaf góður nemandi
Helga var ekki alltaf góður nem-
andi, rétt skreið í gegn um mennta-
skólann og fannst námið hund-
leiðinlegt. Þegar kom að því að
velja háskólafag var tölvunarfræði
aðeins eitt þeirra faga sem komu til
greina. „Ég var ekkert fullkomlega
viss um að þetta væri málið en ég
var ágætis notandi og tölvur hafa
legið ágætlega fyrir mér. Ef það
þurfti að gera eitthvað með tölvu
gat ég fundið út úr því. Mér finnst
líka heillandi við tölvunarfræðina
að það er hægt að tengja hana við
hvað sem er. Þó mann langi til
dæmis síðar að læra líffræði þá er
hægt að tengja það saman. Mögu-
leikarnir eru endalausir. Mér gekk
strax vel í náminu enda fannst
mér það skemmtilegt og ég sinnti
því. Það skiptir öllu að maður
hafi áhuga á því sem maður er að
læra. Á þriðju önn skráði ég mig
í mjög erfiðan stærðfræðikúrs,
nánast af slysni, og flestir þar voru
á þriðja ári í stærðfræði en ég hef
lítinn stærðfræðibakgrunn, enda
langt síðan ég var í menntaskóla.
Ég ákvað bara að taka þessari
áskorun, lagði á mig mikla vinnu
og stóð uppi með hæstu einkunn
á öllum verkefnum og á lokapróf-
inu í kúrsinum. Það er svo mikill
persónulegur sigur að halda að
maður eigi ekki erindi en ganga
svo miklu betur en maður þorði að
vona. Sagan hefur síðan endur-
tekið sig. Ég skráði mig til dæmis
í tölvuöryggisáfanga, eina stelpan
sem hingað til hefur verið í þeim
áfanga, og ákvað að vera ekki
hrædd við strákana með snill-
ingastimpilinn sem mér fannst
vita allt fyrirfram. Þar lærði ég að
hakka og hef tvisvar komist í úrslit
í Hakkarakeppni HR,“ segir hún en
tilgangur keppninnar er að kenna
forriturum og yfirmönnum tölvu-
fyrirtækja að fyrirbyggja árásir
tölvuþrjóta með því að þekkja þær
leiðir sem andstæðingurinn notar
til að koma í veg fyrir að hann fái
sínu framgengt.
Alltaf eina stelpan
Eftir að Helga tók þátt í hakkara-
keppninni síðasta haust fór hún
fyrir alvöru að velta fyrir sér stöðu
kvenna í tölvunarfræði. „Þar var
ég eina stelpan annað árið í röð.
Ég hafði líka tekið þátt í forritun-
arkeppnum og sá engar stelpur
þar heldur.“ Hún var einnig ein í
strákahópi þegar hún vann loka-
verkefnið sitt í grunnnáminu en þá
fór hún í starfsnám við hina virtu
Fraunhofer-stofnun í Bandaríkjun-
um. Þar vann hún að rannsóknum
að sjálfvirkum prófunum á kerfum
sem NASA notar til að stjórna
gervihnöttum. „Það var sama hvað
ég tók mér fyrir hendur, ég var
alltaf eina stelpan. Ég hreinlega
vildi ekki trúa því að engar aðrar
stelpur hefðu áhuga á þessu því
mér fannst þetta allt svo skemmti-
legt og spennandi. Mér fannst ég
Ætlar að sigra heiminn
Helga Guðmundsdóttir dúxaði í tölvunarfræði við Háskólann í Reykjavík en lokaverkefnið hennar
voru rannsóknir fyrir NASA. Henni fannst konur í faginu ekki nægjanlega sýnilegar og stofnaði
félag kvenna í tölvunarfræði við skólann. Atvinnutilboðum rignir yfir Helgu en hún vinnur nú að
meistaraverkefni sínu í samstarfi við Facebook.
Helga Guðmundsdóttir segir að til-
gangur félagsins /sys/tur sé „að mynda
tengslanet okkar á milli, hvetja hvor aðra
og læra eitthvað nýtt saman, auk þess
sem við reynum að vera góðar fyrirmyndir
út á við.“ Ljósmynd/Hari
þurfa að gera eitthvað í málunum,
fékk nokkrar stelpur til liðs við mig
og við stofnuðum /sys/tur, félag
kvenna í tölvunarfræði eða tengdu
námi.“ Nafnið /sys/tur er vísun í Li-
nux stýrikerfið svo og póstlistann
Systers sem frumkvöðullinn Anita
Borg stofnaði árið 1987. Póstlist-
inn var hugsaður sem tengslanet
kvenna innan tæknigeirans. Þegar
Anita Borg byrjaði með hann voru
12 konur skráðar en nú er hann
heimsins stærsta póstlistasamfélag
kvenna í tæknigeiranum.
„Það eru 160 konur skráðar í
félagið, þetta eru konur á ýmsum
stigum í náminu, sumar að byrja
og aðrar jafnvel nýlega útskrifaðar,
ýmist í tölvunarfræði, hugbúnaðar-
verkfræði eða stærðfræði,“ segir
Helga sem er formaður félagsins.
Við HR hefur markvisst verið reynt
að fjölga konum í tæknigreinum
en 28% nýnema sem komust inn í
tölvunarfræði í haust voru konur.
Óhræddar við að kafa djúpt í
tæknina
„Tilgangurinn er mynda tengslanet
okkar á milli, hvetja hvor aðra og
læra eitthvað nýtt saman, auk þess
sem við reynum að vera góðar
fyrirmyndir út á við. Við höldum
reglulega fundi, fáum til okkar
flottar konur úr atvinnulífinu og
grúskum saman í tæknilegum
verkefnum. Með þessu viljum við
næla okkur í smá forskot og efla
sjálfstraustið. Við erum tæknilegar
konur og erum óhræddar við að
kafa djúpt í tæknina. Umræðan um
að það séu ekki nógu margar konur
í tæknigreinum felur að einhverju
leyti í sér að þar sé eitthvað fyrir
okkur að óttast eða að við séum í
einhverri undirmannastöðu í þess-
um geira. Það er misskilningur
sem verður að leiðrétta, því að við
erum ekki síður færar.“
Á UT-messunni nú í byrjun
febrúar vöktu /sys/tur athygli
þar sem þær meðal annars sýndu
vélmennið Krúttmund sem þær
bjuggu til úr legókubbum og for-
rituðu í gegnum tölvu. „Á UT-
messunni vorum við að kenna
krökkum að forrita. Við sýndum
líka dæmi um hvernig hægt er að
hakka sig inn á símann hjá fólki.
Það er mikilvægt að fólk sjái kon-
ur gera skemmtilega og töff hluti,
það er ein leið til að leiðrétta þennan
misskilning um hlutverk kynjanna í
tækni.“
Strákarnir stundum of hjálpsamir
Helga segir að stelpum sé heilt yfir
mjög tekið af strákunum í tölvunar-
fræðinni. „Þeir eru upp til hópa ekki
neitt annað en yndislegir. Þegar mað-
ur er í vanda eru þeir ekkert nema
hjálpsamir en eru stundum aðeins of
miklir herramenn. Þeir eiga það til
að grípa inn í og redda, sem er ekki
endilega það sem maður vill. Þeir
vilja samt auðvitað vel og eru líklega
ekki meðvitaðir um þetta.“
Helga er 29 ára, á fyrsta ári í meist-
aranáminu og komin í samstarf við
vísindamenn frá Facebook og banda-
ríska háskólanum Cornell vegna
lokaverkefnisins. „Ég sérhæfi mig í
dreifðum kerfum. Facebook er dæmi
um stórt dreift kerfi með gagnaver
úti um allt og stóran notendahóp um
allan heim. Það er frábær reynsla að
fá, strax í meistaranáminu, að glíma
við alvöru vandamál sem koma upp í
hönnun og rekstri á kerfi af þessari
stærðargráðu sem þarf að ráða við
gríðarlega mikla umferð. Leið-
beinandinn minn, Ýmir Vigfússon
lektor í tölvunarfræði, er duglegur að
koma nemendum sínum á framfæri.
Hann er í samstarfi við ýmsa flotta
vísindamenn víðs vegar um heiminn
og ég sem nemandi hans fæ að njóta
góðs af því. Framhaldsnámið og
rannsóknirnar hér við skólann eru á
heimsmælikvarða og leiðbeinendur
eru með öflugt alþjóðlegt tengslanet.
Þannig fá góðir nemendur tækifæri
til að koma tánum inn á stærri staði,
ýmist í formi beins samstarfs eða
með því að fara á ráðstefnur erlendis
til að kynna það sem við erum að
gera hér.“
Atvinnutilboðunum bókstaflega
rignir yfir Helgu og á undanförnum
mánuðum hafa til að mynda þrír
útsendarar frá Google haft samband
við hana. „Þeir eru duglegir að hafa
samband við nemendur sem vekja at-
hygli á einhvern hátt, til dæmis með
þátttöku í forritunarkeppnum,“ segir
hún. Helga einbeitir sér nú að nám-
inu en er með nokkuð skýrt mark-
mið: „Ég stefni á að sigra heiminn.
Það er fínt að setja markmiðin hátt.“
Erla Hlynsdóttir
erla@frettatiminn.is
10 fréttaviðtal Helgin 21.-23. febrúar 2014