Fjárfesting 1945-1989 - 01.06.1991, Síða 34

5.3.1 Landbúnaður.
Fjárfesting í landbúnaði var í hámarki á árunum 1985-1988. Á þessum
árum voru miklar framkvæmdir við fiskeldisstöðvar og loðdýrarækt. Á
árunum 1985-1988 nam fjárfesting í þessum tveimur greinum um helmingi
landbúnaðarfjárfestingarinnar. Hlutfall fjárfestingar í landbúnaði er flest
árin tiltölulega stöðugt. Ræktunarframkvæmdir eru litlar síðustu árin. Hafa
þær dregist mikið saman frá því á sjöunda áratugnum, er þær voru í hámarki.
Landgræðsla var í hámarki árið 1974 og árin þar á eftir, er þjóðargjafarinnar
naut við.
í töflu 7.3 er yfirlit yfir rúmmál fullgerðra útihúsa í sveitum 1945-1989.
Rúmmálið nær hámarki 1974, er það nam rúmum 500 þús. m\ Rúmmál
loðdýrahúsa og fiskeldishúsa er talið með rúmmáli útihúsa, þótt þessi hús séu
talin með fjárfestingu loðdýraræktar og fiskeldisstöðva.
5.3.2 Fiskveiðar.
Hlutfall fiskveiða af heildarfjárfestingu hefur sveiflast mjögmikið frá ári til
árs. Hlutfallið varð lægst árin 1953 og 1969, tæplega 2%, en hæst árin 1947 og
1960, um 19%.
Fjárfestingin hefur komið í bylgjum. Fyrst eftir heimsstyrjöldina, á árinu
1946 kom hingað fjöldi báta, sem smíðaðir voru í Svíþjóð. Á árunum
1947-1949 voru keyptir til landsins m.a. 30 svonefndir nýsköpunartogarar,
sem smíðaðir voru í Bretlandi. Fyrstu skuttogararnir voru keyptir til landsins
á árinu 1970. Nokkrir skuttogarar voru smíðaðir innanlands. í árslok 1980
voru skuttogararnir 86 að tölu samtals 41.917 rúml. Flestir voru togararnir
keyptir 1973, 22 að tölu, 19 togarar voru keyptir árið 1974 og 14 togarar árið
1977. í árslok 1989 voru skuttogararnir 113 að tölu samtals 52.830 br. rúml.
að stærð og 7.019 br. tonn (6 skip). Á árinu 1988 var byrjað að mæla stærð
skipa í br. tonnum í stað br. rúml. Þessi breyting er gerð samkvæmt nýrri
alþjóðasamþykkt. Skip mælast yfirleitt stærri í br. tonnum en í br. rúml..
Á árunum 1986-1988 var fjárfesting í fiskiskipum mikil og árið 1988 meiri
en nokkru sinni fyrr. Endurbætur fiskiskipa voru rniklar á árunum
1986-1988, og námu þær um helmingi fjárfestingar í fiskiskipum þessi ár.
í árslok 1989 voru í íslenska fiskiskipaflotanum, auk skuttogaranna, 854
önnur fiskiskipsamtals að stærð63.181 br. rúml. og4.309 br. tonn (119skip).
Samtals voru því í fiskiskipaflotanum 967 skip, 116.011 br. rúml. og 11.328
br. tonn að stærð. Ef fiskiskipastóll íslands er borinn saman við fiskiskipastól
helstu fiskveiðaþjóða í heiminum (skip 100 br. rúml. og stærri), var ísland í
19. sæti 1989. Fiskiskipastóll Sovétríkjanna var Iangstærstur. í öðru sæti var
Japan og Bandaríkin í þriðja sæti.
5.3.3 Vinnsla sjávarafurða.
Framkvæmdir í fiskiðnaði voru hlutfallslega mestar á árunum 1945-1951.
Hæst varð hlutfall fiskiðnaðar af heildarfjárfestingu árið 1946, er það nam