Sveitarstjórnarmál - 01.06.1948, Side 40

36
SVEITARSTJÓRNARMÁL
Allar greiðslur samkv. þessari grein skulu inntar af höndum i heilum krónum
eða heilum eða hálfum tug króna, eftir ákvörðun sveitarstjórnar. Falli greiðslur
undan samkv. a-lið hér að ofan, er fyrirframgreiðslan öll fallin í gjalddaga og lög-
takskræf 15 dögum eftir greiðslufall. Eftir að niðurjöfnunarskrá hefur verið lögð
fram eru eftirstöðvar útsvars og fyrirframgreiðsla, ef ógoldin er, allar fallnar í
gjalddaga 15 dögum eftir að greiðslufall hefur í eitt skipti orðið á útsvarshluta.
25. gr.
a. Kaupgreiðendur ábyrgjast, að útsvarsgjaldendur, sem þeir greiða kaup, standi
skil á útsvari sínu, álögðu á gjaldárinu, á gjalddögum, sem ákveðnir verða
samkv. 23. og 24. gr., eða þegar kaup fellur til útborgunar eftir gjalddaga, og
er kaupgreiðanda rétt og skylt að halda eftir af kaupinu til útsvarsgreiðslunnar,
enda hafi áður komið fram krafa frá sveitarstjórn til kaupgreiðanda um, að
hann haldi eftir af kaupinu fyrir útsvarsgreiðslunni.
b. Vilji sveitarstjórn haga innheimtunni á þann veg, sem segir í a-lið, skal hún
senda hverjum kaupgreiðanda i tæka tíð tilkynningu um útsvör þeirra gjald-
enda, sem kaupgreiðandi hefur í þjónustu sinni og ætlazt er til, að kaupgreið-
andi greiði, og senda jafnframt tviritaða kvittanaeyðublaðabók, er sýni glöggt,
að um útsvarsgreiðslur sé að ræða. Skal kaupgreiðandi láta útsvarsgreiðanda
i té slíka kvittun í hvert sinn, er hann greiðir upp í útsvar sitt. Samrit af kvitt-
uninni ber kaupgreiðanda að skila, um leið og hann afhendir útsvarsgreiðsluna
til sveitarsjóðs.
c. Orðið „kaup“ tekur til hvers konar kaups, launa, aflahlutar eða annarra þókn-
unar, þ. á.. m. eftirlauna, hvort sem greitt er samkvæmt vinnusamningi, ákvæð-
isvinnusamningi eða öðrum samningum eða ákvörðunum.
d. Kaupgreiðandi telst sérhver sá, sem innir framangreindar greiðslur af hendi,
hvort heldur fyrir sjálfan sig eða aðra, þ. á m. kaupgreiðslustöðvar. Taki hlut-
armaður aflahlut sinn og selji öðrum, telst kaupandinn kaupgreiðandi.
e. Sveitarstjórn getur og gert kröfu um, að kaupgreiðendur haldi eftir af kaupi
launþegar til greiðslu á eldri útsvarsskuldum ásamt dráttarvöxtum og kostnaði.
f. Til lúkningar greiðslum samkv. e-lið skal þó ekki haldið eftir meira en j/g af
því kaupi, sem til útborgunar á að koma hverju sinni, hjá útsvarsgjaldanda,
sem á fyrir heimili að sjá, en ella j/3. Ekki má krefja útsvarshluta af manni
samkvæmt e- og f-liðum, ef kaup hans fullnægir ekki brýnustu lífsþörfum
hans að dómi framfærslunefndar.
g. Allir kaupgreiðendur skulu, þegar sveitarstjórn krefst þess, skyldir til að láta
henni í té skýrslur, munnlegar eða skriflega, eftir því sem sveitarstjórn óskar,
um nöfn starfsmanna, sem taka kaup hjá þeim, stöðu þeirra, fæðingardag og
ár, heimilisfang, launakjör, upphæð kaups, hvernig kaup er greitt, gjalddaga
og önnur atriði, sem sveitarstjórn óskar að fá vitneskju um vegna innheimtu
útsvara af kaupi.
Sveitarstjórn getur krafið um framangreindar skýrslur með munnlegri
kröfu eða skriflegri, svo og með almennri auglýsingu, og setur sveitarstjórn
kaupgreiðendunum frest til að skila skýrslum.
h. Allir, sem hafa með höndum atvinnurekstur með aðkeyptu vinnuafli verkafólks,
skulu að kröfu sveitarstjórnar skyldir til að senda henni kaupskrár sínar eða
afrit af þeim það snemma, að unnt sé að gera kröfur um útsvarsgreiðslur þeirra,
er við kaupi eiga að taka, áður en til útborgunar kemur.