Sveitarstjórnarmál - 01.10.2003, Blaðsíða 27

Hlustað á öll sjónarmið - litið yfir öxl en ekki um öxl! Sigurður Ijær hér eyra Jakobi Björnssyni, sem þarna
var í minnihluta bæjarstjórnar sem bæjarfulltrúi Framsóknarflokksins en er nú orðinn formaður bæjarráðs
Akureyrarkaupstaðar. Fjær er Ásta Sigurðardóttir, fyrrverandi bæjarfulltrúi, en nær er Kristján Þór júlíusson
bæjarstjóri.
árunum 1992 til 1994. Þetta leiddi eðli-
lega til neikvæðrar umræðu heima fyrir og
hafði að mínum dómi mjög slæm áhrif
vegna þess að menn töluðu kjarkinn hver
úr öðrum." Sigurður nefnir fleiri erfiðleika
og áföll sem steðjuðu að atvinulífinu á
þessum árum. Bruni síldarverksmiðjunnar
í Krossanesi hafi verið einn þeirra og fleira
hafi orðið til þess að skapa umtalsverðan
vanda.
Guðsteinn og bæjarábyrgðin
„En þrátt fyrir mikla erfiðleika í atvinnu-
málum á þessum tíma þá áttu jákvæðir
hlutir sér stað. Einn þeirra var þegar þrír
ungir menn ákváðu að kaupa Guðstein,
gamlan togara, koma með hann til Akur-
eyrar og breyta honum í frystiskip. Til þess
að hægt væri að framkvæma nauðsynleg-
ar breytingar á togaranum í Slippstöðinni
á Akureyri var veitt bæjarábyrgð fyrir verk-
efninu. Þótt bæjarábyrgðir hafi alla tíð
verið umdeilanlegar og séu nú lagðar af
með lögum þá held ég að eitt af ánægju-
legustu verkefnunum sem ég tók þátt í á
ferli mínum í bæjarstjórn hafi verið að
samþykkja þá ákvörðun vegna þess að
hún hefur sannarlega skilað sér með vöxt-
um og vaxtavöxtum. En þótt endurbæturn-
ar á Guðsteini og uppbygging Samherja
hafi heppnast vel þá get ég tekið undir að
það hafi verið skynsamleg ákvörðun að af-
nema þessar ábyrgðir vegna þess að þær
voru að knésetja mörg sveitarfélög."
Þrefaldast að stærð
„Frá því ég hóf störf að bæjar-
málum í Akureyrarkaupstað
hefur það verið eins konar ei-
lífðarmál að efla bæjarfélagið
sem mótvægi við höfuðborgar-
svæðið. Hluti þeirrar vinnu var
mótun og uppbygging Háskól-
ans á Akureyri og einnig Verk-
menntaskólans, sem var reistur
á grunni gamla Iðnskólans á
Akureyri og viðskiptabrautar sem Sverrir
Pálsson, fyrrum skólastjóri, hafði komið á
fót við gamla Gagnfræðaskólann. Mörgum
fannst að í báðum þessum tilvikum væri
farið af stað með mjög stórar hugmyndir.
En reynslan hefur sýnt að þær voru ekki of
stórar. Báðar þessar stofnanir hafa vaxið
og dafnað og styrkt menntunarmöguleika
til muna og þá ekki bara á Akureyri held-
ur á öllu Norðurlandi."
Sigurður segir að með tilkomu þessara
menntastofnana hafi raunverulega skapast
ný stóriðja á Akureyri í stað þeirrar sem
hafi horfið. Þessi stóriðja skili af sér fólki
með góða menntun, sem atvinnulífið kalli
í auknum mæli eftir. „Mín skoðun er að
stöfnun Háskólans á Akureyri sé eitt
merkasta framlagið til byggðamála hér á
landi á undanförnum árum. Það er
kannski of mikið sagt að fullyrða að þetta
sé það eina gagnlega sem gert hefur verið
en það er alveg Ijóst að ekkert átak hefur
skilað þessu svæði eins miklu og háskól-
inn." Sigurður segir að þó sé ekki rétt að
gleyma öðrum hlutum sem þokist áfram
en fari hægar. Hann nefnir Fjórðungs-
sjúkrahúsið á Akureyri sem um dæmi um
uppbyggingu af þeirri gerð. „FSA er mjög
merk stofnun þar sem er unnið metnaðar-
fullt starf þótt mönnum finnst stundum að
meira hefði mátt gera og uppbyggingin
þurft að vera hraðari. Vöxtur Fjórðungs-
sjúkrahússins hefur verið jákvæður og jafn
þótt utanaðkomandi aðilar hafi ekki alltaf
orðið varir við það. FSA er mjög fjöl-
mennur vinnustaður á mælikvarða at-
vinnulífsins á Akureyri með hátt í fimm
hundruð stöðuheimildir og veitir mjög
fjölþætta og góða heilbrigðisþjónustu."
Sigurður segir að þótt íbúafjölgunin hefði
vissulega mátt vera meiri þá hafi bærinn
vaxið mikið á þessum tíma. „Ef við mið-
um við það flatarmál sem hann stendur á
og rúmmetrafjölda húsnæðis þá hefur Ak-
ureyrarkaupstaður nær tvöfaldast að stærð
á undanförnum þremur áratugum."
Hugarfarið þarf að breytast
Þótt Sigurður sé hættur störfum í bæjar-
stjórn fylgist hann vel með bæjarmálunum
og ber metnað í brjósti fyrir framförum
Akureyrar. „í mínum huga er alveg Ijóst
mikilvægi þess fyrir íslenskt þjóðfélag að
til sé öflug þéttbýlismyndun annars staðar
á landinu en á höfuðborgarsvæðinu. Ak-
ureyri og Eyjafjarðarsvæðið skera sig
nokkuð úr með þá aðstöðu og möguleika
sem þar eru til staðar. En til þess að þetta
geti orðið að veruleika þarf íbúaþróunin
að verða umfram landsmeðaltal. Eg tel að
í raun og veru séu til miklu öflugri tæki og
tól til að gera þetta að veru-
leika en menn hafa treyst sér
til þess að beita fram til þessa.
Erfitt er að ná fram þeirri hug-
arfarsbreytingu sem þarf. Þau
sjónarmið að ekki megi gera
neitt fyrir einn landshluta án
þess að gera eitthvað fyrir alla
eru enn of ríkjandi. Á meðan
menn eru fastir í þessu hugar-
fari eru ekki miklar líkur til þess að árang-
ur náist."
„Hér voru um fimm hundruð manns atvinnulaus
á árunum 1992 til 1994. Þetta leiddi eðlilega til
neikvæðrar umræðu heima fyrir og hafði að mín-
um dómi mjög slæm áhrif vegna þess að menn
töluðu kjarkinn hver úr öðrum."
27