Sveitarstjórnarmál - 21.10.2008, Qupperneq 17

D Síðan settum við á stofn fjóra framkvæmdahópa þar sem hver hópur fór yfir ákveðin
atriði. Einn fjallaði um mannauðsmál. Annar um ímyndar- og kynningarmál. Þriðji
hópurinn fjallaði um umhverfi og öryggi og sá fjórði um menntun og menningu.46
Séð yfir hluta Mosfellsbæjar.
verk sveitarfélagsins eins og það var skil-
greint í upphafi þessarar vinnu. Einnig voru
lagðar stefnuáherslur í fjármálum sveitar-
félagsins."
Fjárhagsáætlun á grunni
nýrrar stefnumótunar
Bæjarstjórn Mosfellsbæjar samþykkti niður-
stöður þessarar vinnu í apríl á þessu ári og
segir Haraldur gaman að geta þess að um
eða yfir 200 manns hafi komið að þessari
vinnu á einhvern hátt. Hann segir að þessa
dagana sé unnið að fjárhagsáætlun Mosfells-
bæjar fyrir næsta ár á grundvelli hinnar nýju
stefnumótunar bæjarfélagsins. Forstöðumenn
sviða og stofnana vinni með hliðsjón af þeim
áherslum sem lagðar hafi verið og það muni
hafa áhrif á hvernig fjármunum verður varið.
„Næstu skref verða að við munum taka aðrar
stefnur sem til eru í bæjarfélaginu, stefnur á
borð við skólastefnu, tómstundastefnu og
fleira, fara yfir þær og aðlaga þeim megin-
markmiðum sem búið er að fastsetja með
stefnumótunarvinnunni," segir Haraldur.
Nefndir og svið bæjarins eiga síðan að vinna
á þessum sama grundvelli.
Verðugt verkefni fyrir aðra
Haraldur bendir á að stefnumótunarvinna á
borð við þá sem bæjaryfirvöld í Mosfellsbæ
hafa unnið geti verið verðugt verkefni fyrir
önnur sveitarfélög. Rekstur sveitarfélaga sé
mjög margbrotinn. „Sveitarfélögin þurfa að
koma að og sinna margvíslegum verkefnum.
Þau taka á mörgum þáttum sem flestir snerta
mannlegt samfélag með einhverju móti,"
segir hann. „Þessi verkefni ná frá einföldustu
framkvæmdum til mjög flókinna mannlegra
samskipta sem geta snert fólk allt að innsta
hjarta. Þar má geta um málefni sem snerta
bæði fjölskyldur og einstaklinga, framfærslu,
uppeldismál, barnavernd og fleira," bendir
hann á.
Hann segir að starfsemi og rekstur sveitar-
félaga komi þannig að mörgum sviðum sem
sveitarfélögum beri lögum samkvæmt að
annast. „Af þeim sökum tel ég gott að hafa
öfluga og heildstæða stefnumótun til þess
að styðjast við. Það er gott að vita hvert
maður vill fara og hvaða leiðir eru heppilegar
til að ná þeim markmiðum sem sveitarfélagið
ætlar sér að ná. Með vinnu okkar vorum við
að leggja ákveðnar llnur fyrir framsækið sam-
félag sem ræktar vilja og virðingu," bætir
hann við.
Samningar við landeigendur
Talið barst frá stefnumótunarmálum til fram-
kvæmda bæjarfélagsins. Haraldur segir margt
á döfinni í Mosfellsbæ um þessar mundir. Nú
er unnið að uppbyggingu þriggja nýrra
íbúðahverfa í bænum, Krikahverfis, Leirvogs-
tungu og Helgafells. „Mosfellsbær er ólíkur
öðrum sveitarfélögum að því leyti að sveitar-
félagið sjálft er ekki eigandi landsins heldur
einstaklingar. Landareignir eigi sér rætur í
gömlum bújörðum og hafa gengið kaupum
og sölum. Við höfum unnið þetta með þeim
hætti að Mosfellsbær hefur gert samninga
við landeigendur um hvernig staðið yrði að
framkvæmdum," bendir Haraldur á. Hann
telur að Mosfellsbær hafi vegna þessara
aðstæðna rutt ákveðna braut að þessu leyti.
„f samningunum er landeigendum falið
að gera landið byggingahæft, að ganga frá
götum og lögnum og öðru sem þarf til þess
að hægt sé að þyggja íbúðahverfi. Að því
búnu selja viðkomandi aðilar bygginga-
réttinn. Bæjarfélagið fær af honum ákveðna
upphæð á hverja íbúð sem rennur til upp-
byggingar þeirrar þjónustu sem verður að

TÖLVUMIÐLUN
www.h3.is
17