Sveitarstjórnarmál - 21.10.2008, Síða 23

Ríki og sveitarfélög
Aukið samstarf og lánasjóðurinn styrktur
Vemdun velferðarþjónustunnar er grund-
völlur að yfirlýsingu sem Halldór Halldórs-
son, formaður Sambands íslenskra sveitar-
félaga, og Kristján Möller, samgönguráð-
herra og ráðherra sveitarstjórnarmála, und-
irrituðu nýlega. Yfirlýsingin er gerð í kjölfar
þess umróts og þeirra þrenginga sem nú
steðja að íslensku efnahagslífi.
í yfirlýsingunni kemur fram að i þeim efna-
hagsþrengingum, sem landsmenn standi nú
frammi fyrir, sé brýnt að ríki og sveitarfélög
standi þétt saman. Tryggja verði að grunn-
þjónusta hins opinbera skerðist ekki, þrátt
fyrir tekjusamdrátt og kostnaðarhækkanir.
Sveitarfélögin gegni afar mikilvægu hlutverki
í velferðarþjónustunni á sviði fræðslu- og
félagsþjónustu, sem á tímum sem þessum sé
nauðsynlegt að njóti forgangs. Mörg sveitar-
félög hafi gert ráð fyrir ýmsum framkvæmd-
um á þessu ári og hafi þær að hluta verið
fjármagnaðar með erlendum lánum. Vegna
þess hversu erfitt er um erlendar lántökur nú
um sinn sé nauðsynlegt að efla Lánasjóð
sveitarfélaga með það fyrir augum að sveitar-
félögin geti staðið undir skuldbindingum
sinum og að velferðarþjónustan skerðist
ekki.
Til að efla lánasjóðinn er ætlunin að gefa
út veðhæf skuldabréf að fengnu samþykki
Seðlabanka (slands. Vonir standa til að lífeyr-
issjóðir sjái sér fært að kaupa skuldabréfin og
hefur þessi hugmynd þegar verið kynnt fyrir
Landssambandi lífeyrissjóða. Með því er þess
vænst að tryggja megi að þau sveitarfélög,
Halldór Halldórsson, Kristján L. Möller
formaður Sambands félagsmálaráðherra.
íslenskra sveitarfélaga.
sem á þurfa að halda, geti lokið umsömdum
framkvæmdum, endurskipulagt fjárhag sinn
og styrkt lausafjárstöðuna.
Fjárhagsáætlanir verði
endurskoðaðar
(yfirlýsingu ríkis og sveitarfélaga segir að nú
ríði á að einhugur og samheldni riki innan
sveitarstjórna. Styrkur sveitarfélaga til að tak-
ast á við þann efnahagsvanda, sem nú er við
að glima, sé mismikill. Sveitarfélögin eru því
hvött til þess að endurskoða fjárhagsáætlanir
sinar og gera aðgerðaáætlanir þar sem for-
gangsröðun verkefna miði að því að treysta
stoðir grunnþjónustunnar.
Samband íslenskra sveitarfélaga og
ráðuneyti sveitarstjórnarmála munu beita sér
fyrir auknu og nánara samráði ríkis og sveitar-
félaga um efnahagsmál og framkvæmd opin-
berrar þjónustu. ( því skyni munu ráðherra
sveitarstjórnarmála og forysta sambandsins
eiga tíða samráðsfundi og auka gagnkvæmt
upplýsingaflæði um fjármál ríkis og sveitarfé-
laga. Meginmarkmiðið er að vinna sameigin-
lega að því að treysta velferð landsmanna til
framtíðar.
SSH
Mikilvægt að
sveitarfélögin
verði samstillt
Stjóm Samtaka sveitarfélaga á höfuðborg-
arsvæðinu kom saman til aukafundar
8. október sl. en f stjórninni eiga sæti
bæjarstjórar á höfuðborgarsvæðinu. Efni
fundarins var að ræða og fara yfir þá
alvarlegu stöðu sem upp er komin í efna-
hagslífi þjóðarinnar og áhrif þeirrar stöðu
á rekstur og afkomu sveitarfélaganna.
(frétt frá samtökunum segir að þrátt
fyrir þá stöðu, sem komin sé upp og hafi
nú þegar leitt til versnandi fjárhags sveit-
arfélaganna, stöðu sem að óbreyttu eigi
enn eftir að versna, verði lögð áhersla á
að tryggja rekstur aðildarsveitarfélaga SSH
með óbreyttum hætti á komandi mán-
uðum. Þar segir að grunn- og velferð-
arþjónusta sem þau veita íbúunum muni
ekki skerðast.
(fréttinni kemur fram að sveitarfélögin
munu í sameiningu leita allra þeirra leiða
sem færar eru til að fjármagna rekstur og
framkvæmdir á komandi ári til að tryggja
að ekki komi til skerðingar á þjónustu og
til að unnt verði að fjármagna nauðsyn-
legar framkvæmdir og vinna þannig svo
sem kostur er gegn neikvæðum éhrifum
núverandi ástands á atvinnustig höfuð-
borgarsvæðisins.
Stjórn SSH telur afar mikilvægt að
sveitarfélögin gangi samstillt til þeirra
verkefna sem nauðsynleg eru til að bregð-
ast við núverandi ástandi og telur ekki
síður mikilvægt að náið samráð verði milli
sveitarfélaganna og ríkisvaldsins um lausn-
ir og leiðir sem fara þarf til að ná þessum
markmiðum.
Miklar framkvæmdir hafa verið í mörgum sveitarfélögum að undanförnu. Nú er útlit fyrir að einhverju af fram-
kvæmdum verði frestað og jafnvel hætt við sumar. Akureyrarkaupstaður hefur t.d. ákveðið að fresta fram-
kvæmdum sem hafnar voru við íþróttavöll KA. - Mynd: Haraldur Bjarnason.
Grant Thornton S