Sveitarstjórnarmál - 21.10.2008, Qupperneq 21

Byltingarkenndur leik- og grunnskóli

Nemendur Krikaskóla í Mosfellsbæ tóku
fyrstu skóflustungurnar að nýjum og bylt-
ingarkenndum skóla í bæjafélaginu föstudag-
inn 26. september sl. Skólinn tók til starfa í
bráðabirgðahúsnæði (sumar en stefnt er að
því að hann hefji göngu sína i nýju húsnæði
haustið 2009. Krikaskóli er frábrugðinn öllum
öðrum skólum á (slandi að því leyti að í
honum verður boðið upp á
nám fyrir eins til niu ára
gömul börn og boðið verður
upp á samfelldan skóladag
frá hálfátta á morgnana til
rúmlega fimm síðdegis. Börn-
in notuðu plastskóflur sínar
til þess að taka fyrstu skóflu-
stungurnar.
Haraldur Sverrisson, bæj-
arstjóri Mosfellsbæjar, segir
að með þessu nýja fyrirkomu-
lagi sé verið að samtvinna
leikskólastigið og grunnskól-
ann og jafnframt að aðlaga
yngsta stig grunnskólans að þörfum nú-
timafjölskyldna. Börn upp í fjórða bekk fái
heilsdagsskóla líkt og tíðkast í leikskólum og
tómstundir verði fléttaðar inn í skóladaginn.
Þá er stefnt að því að flétta sumarstarf og
tómstundir að sumri inn starfsemi skólans og
gera þjónustu sveitarfélagsins heildstæðari
og samfelldari fyrir barnafjölskyldur.
Þrúður Hjelm, skólastjóri Krikaskóla, segir
einstakt tækifæri hafa skapast til að hafa
áhrif á hönnun skólans, byggingu og skólalóð
um leið og unnið hefur verið að hug-
myndafræði skólans. Skólabyggingin styðji
þær aðferðir og leiðir sem farnar verða í
skólastarfinu. Skólalóðin er uppbyggð sem
hluti af náms- og kennslurými auk þess sem
það verður notað sem leik-
svæði barnanna. Hún seg-
ir að miklar væntingar séu
til hins nýja skóla, bæði
frá skólafólki og foreldrum.
Starfsfólkið sé spennt að fá
tækifæri til þess að fara nýjar
leiðir í skólastarfi og finna
megi mikinn áhuga hjé for-
eldrum, sem fagna því mjög
að loks sé í boði úrræði í
Börn og fullorðnir taka fyrstu skóflustungurnar að nýjum skóla í Krikahverfi I Mosfellsbæ.
Haraldur Sverrisson bæjarstjóri er til vinstri á myndinni.
skólamálum yngri barna, sem
henti kröfum nútímaþjóð-
félags.
Mikil aðsókn að íbúagáttinni
Um 1.100 manns höfðu skráð sig sem not-
endur nýrrar rafrænnar íbúagáttar, sem opn-
uð var í síðasta mánuði á heimasíðu Mos-
fellsbæjar, þegar hún hafði verið opin í tvær
vikur. Þetta mun vera með bestu viðtökum
sem þessi nýjung í stjórnsýslu sveitarfélags
hefur hlotið frá því farið var að þróa þessa
tækni og taka hana í notkun.
Haraldur Sverrisson bæjarstjóri segir að
með tilkomu íbúagáttarinnar hafi Mosfells-
bær stigið mikilvægt skref í átt að mark-
miðum sínum um skilvirka og ábyrga stjórn-
sýslu því með íbúagáttinni séu bæjarbúar
komnir í beint samband við bæinn sinn og
nú geti þeir með rafrænum hætti sótt um
þjónustu til sveitarfélagsins, sent inn formleg
erindi, fylgst með framgangi sinna mála,
skoðað greiðslustöðu, komið ábendingum á
framfæri og ýmislegt fleirat íbúagáttinni er
ætlað að auka sjálfvirkni og gagnvirkni i
meðferð mála og erinda fyrir íbúa bæjarins,
sem geta þá fylgst með stöðu á eigin málum
og erindum á rafrænan hátt.
Haraldur segir að viðtökur ibúa við þessari
nýju þjónustu séu með eindæmum góðar og
betri en þekkist í öðrum sveitarfélögum, að
sögn forsvarsmanna fyrirtækisins sem stóð
að uppsetningu kerfisins. „Við lítum á ibúa-
gáttina sem nýja og bætta þjónustu við
íbúana vegna þess hversu rafræn mál eru
orðinn stór þáttur í lífi fólks þar sem fólk
Haraldur Sverrisson bæjarstjóri og Brynhildur
Georgsdóttir, staðgengill bæjarritara. Myndin var
tekin við formlega opnun íbúagáttarinnar.
sinnir sínum málum stöðugt í meiri mæli eftir
rafrænum leiðum. Því er mikilvægt fyrir
bæjarfélag að koma til móts við þessar þarfir
og auðvelda ibúum að eiga samskipti við
bæinn sinn með þessum hætti."
Hugbúnaðarfyrirtækið OneSystems ann-
aðist um kaup og uppsetningu ibúagáttar-
innar. Kerfið kallast OnePortal Citizen og
er um staðlaða lausn frá fyrirtækinu að
ræða.
I íbúagáttinni er hægt að afgreiða margs
konar erindi. Fólk getur sótt um frístundasel
eða mötuneyti fyrir börnin, það getur fylgst
með greiðslustöðu sinni við bæjarfélagið,
fylgst með erindum sem viðkomandi er að
reka hjá bænum, fundið gögn hvað þau mál
varðar og séð hvar þau eru stödd í vinnuferli
á hverjum tíma. Pappírsburður er orðinn
óþarfur og prentarinn í raun líka þótt fólk
geti að sjálfssögðu prentað kvittanir, umsagir
og annað út ef það kærir sig um.
TÖLVUMIÐLUN
www.h3.is
21