SunnudagsMogginn - 13.11.2011, Qupperneq 11

13. nóvember 2011 11
Enginn gleymir Don Johnson í MiamiVice-þáttunum. Hvít jakkaföt,hlýrabolur og sokkalaus í skónum.Menn verða ekki svalari. En var ekki
annar gaur með honum? Hver var það og hvað
varð eiginlega um hann?
Philip Michael Thomas heitir kappinn sem
fór með hlutverk Ricardos Tubbs, samverka-
manns Sonnys Crocketts í hinum geysi-
vinsælu sjónvarpsþáttum sem sýndir voru
víðsvegar um heim á níunda áratugnum,
meðal annars hér á landi. Hann var allt í senn:
Þjóðverji, índíáni, afrískur Ameríkani og Íri.
Fáum sögum fer af afrekum Thomas áður en
hann var ráðinn til að leika Tubbs, New York-
löggu sem kom á laun til Miami til að freista
þess að upplýsa morðið á bróður sínum. At-
hyglin helltist yfir Thomas sem bjó til
skammstöfunina EGOT utan um áform sín,
það er að vinna Emmy-, Grammy-, Óskars-
og Tony-verðlaunin. Allt hefur það mistekist.
Eftir að Miami Vice lagði upp laupana 1989
hélt Thomas áfram að vinna við sjónvarp – án
þess að vekja sérstaka athygli. Síðast birtist
hann í sjónvarps(ó)mynd fyrir átta árum,
Fate.
Thomas er líka tónlistarmaður og sendi frá
sér plötuna Living the Book of My Life árið
1985. Hún seldist afar illa og ekkert laganna
náði lýðhylli. Thomas var samt ekki af baki
dottinn og hlóð í aðra plötu þremur árum síð-
ar, Somebody. Hún mæltist enn verr fyrir.
Hann er liðtækur saxófónleikari og dró
hljóðfæri sitt reglulega fram í Miami Vice-
þáttunum.
Thomas hefur einnig reynt fyrir sér í leik-
húsi, tók meðal annars þátt í frumuppfærsl-
unni á Hárinu í San Francisco.
orri@mbl.is
Hvað varð um …
Sonny Crockett og Ricardo Tubbs í fullum herklæðum í Miami Vice-þáttunum.
Hinn gaurinn
í Miami Vice?
Thomas bregður á leik með goðsögninni Bud
Spencer. Hvað varð annars um hann?
Ekki verður annað séð en að Philip Michael
Thomas eldist vel. Hann er orðinn 62 ára.
www.forlagid.is – alvöru bókaverslun á netinu
Herdís Egilsdóttir er einstök kona;
kennari, rithöfundur, brautryðjandi
og mannvinur sem markað hefur
spor í líf ótal ungmenna.
Ljúfar sögur
úr lífsins skóla
GUÐRÚN PÉTURSDÓTTIR og
ÓLAFUR HANNIBALSSON færðu í letur