SunnudagsMogginn - 27.11.2011, Síða 35

27. nóvember 2011 35
J ólabjórinn hefur verið í boði á nokkrum krám og veitingastöðum und-anfarnar vikur og er nú kominn í vínbúðirnar líka. Við félagarnir erum alltafjafnspenntir og leggjum mikinn metnað í að smakka sem flestar tegundir, égþarf kannski ekki að taka það fram að íslenskar tegundir eru í miklu uppá-
haldi. Þetta er nú sennilega vinsælt hjá fleirum en okkur félögunum, því und-
anfarin ár hafa flestar tegundir jólabjórs verið uppseldar í byrjun desember.
Þarna er yfirleitt í boði allur skalinn; allt frá því að vera frábær bjór niður í að
vera ég ætla ekki að segja vondur en vægast
sagt stórskrýtinn bjór. Það er gaman að því
hvað bjórmenning er að verða mikil eftir að-
eins rétt rúmlega tuttugu ára sögu bjórsins hér
á landi.
Við félagarnir rifjum reglulega upp daginn
sem bjórinn var lögleiddur en þá urðum við
okkur úti um kippu af öllum sex tegundunum
af bjór sem þá voru í boði ef ég man rétt. Verk-
efni dagsins var að setja saman rúm í lítilli íbúð
sem við hjónin leigðum í Þorpinu á Akureyri og
að sjálfsögðu að smakka og bera saman bjór-
inn. Ekki man ég niðurstöðurnar úr sam-
anburðarprófinu en eitt er víst að rúmsam-
ansetningin var kláruð seinnipartinn daginn
eftir! Við hjónin höfum upplifað bjórmenningu í nokkrum löndum á ferðalögum
okkar, ég var sérstaklega hrifinn þegar við vorum í Slóveníu, þar brugga menn
mikið af bjór sem hentar vel með mat. Við kynntumst mjög metnaðarfullum bjór-
framleiðendum í Lasko, sem í dag eru orðnir miklir Íslandsvinir, en þeir eiga einn-
ig handboltalið á heimsmælikvarða sem heitir eftir verksmiðjunni og hefur spilað
hér á landi í Evrópukeppni. Þar uppgötvaði ég frábæran bjór sem var bruggaður á
litlum bar sem einnig seldi mat, þetta var ógerilsneyddur bjór sem hægt var að
kaupa á áfyllingu á lítraflöskuna þegar manni hentaði eða átti leið hjá.
Í fyrra vorum við stödd í Færeyjum með vinum okkar og smökkuðum alls kyns
mjög góðan bjór, þar á meðal rabarbarabjór, sem ég hef séð hér í Vínbúðinni. Einu
sinni fengum við belgískan gestakokk sem setti saman fyrir okkur bjórmatseðil, en
þar var um að ræða forrétti, fiskrétti, kjötrétti og eftirrétti sem allir áttu það sam-
eiginlegt að einhvers konar belgískur bjór var notaður í matseldina og hentaði vel
sem drykkur með matnum. Belgar eiga fjöldann allan af veitingastöðum sem gera
út á þetta og við erum líka aðeins byrjuð hér á Íslandi.
Í fyrra fannst mér Jóla-Kaldinn og Víking-Jóla-Bock skara fram úr, Jóla-Tuborg
er líka alltaf góður, ég bíð spenntur eftir að smakka nýjungarnar í ár, s.s. mal-
tjólabjór, Stekkjarstaurs-brúnöl og Jólagæðing úr Skagafirðinum, en hér langar
mig að nota tækifærið og hrósa Agnesi og Óla og öllu þeirra frábæra fólki í Kalda á
Árskógssandi fyrir það brautryðjandastarf sem þau hafa unnið í bjórframleiðslu
sem hefur haft góð áhrif á aðra sem á eftir hafa komið og að mínu mati einnig á
stóru fyrirtækin sem í dag eru metnaðarfyllri.
Gleðilegan
jólabjór!
’
Við félagarnir
rifjum reglulega
upp daginn sem
bjórinn var lögleiddur
en þá urðum við okk-
ur úti um kippu af öll-
um sex tegundunum
af bjór sem þá voru í
boði ef ég man rétt.
Matarþankar
Friðrik V
Jólabjórinn verður vinsælli með hverju árinu sem líður.
Morgunblaðið/Eggert
150 g glænýr lax
½ appelsína
1 límóna
3-4 msk steinselja, söxuð
pipar
salt
Skerðu fiskinn í mjög þunnar sneiðar,
gjarna á ská, og raðaðu þeim á disk eða
bakka. Rífðu börkinn af appelsínunni yfir.
Kreistu safann úr appelsínunni og lím-
ónunni í skál og dreyptu honum jafnt yfir
laxinn. Stráðu saxaðri steinselju yfir og
kryddaðu með pipar og salti. Láttu standa í
kæli í um eina klst.
Gott er að bera fram sítrónumajónes
með fiskinum.
Sítrónumajónes
2 eggjarauður
1 sítróna
1 tsk Dijon-sinnep
pipar
salt
300-400 ml sólblómaolía eða önnur
bragðmild olía
Það er leikur einn að laga majónes í mat-
vinnsluvél og reyndar ekkert mál að gera
það í höndunum heldur. Svo má stytta sér
leið, kaupa majónes í búð og blanda sí-
trónusafa saman við. En þetta heimagerða
er miklu betra.
Settu eggjarauður, 1 msk af sítrónusafa,
sinnep, pipar og salt í matvinnsluvél eða
blandara og þeyttu saman. Helltu olíunni út
í, fyrst í dropatali en svo smátt og smátt í
mjóum taum, og láttu vélina ganga stöð-
ugt. Hættu að bæta við olíu þegar þér
finnst majónesið hæfilega þykkt. Smakk-
aðu það og bragðbættu eftir þörfum.
Laxa-ceviche
Fyrir 6
½ l rjómi
4 msk sykur
½ vanillustöng
3 matarlímsblöð
100 g hvítt súkkulaði
Settu rjóma og sykur í pott. Kljúfðu van-
illustöngina eftir endilöngu, skafðu kornin
úr henni og settu bæði þau og stöngina út í.
Hitaðu rólega að suðu og láttu malla í um
10 mínútur. Leggðu á meðan matarlímið í
bleyti í kalt vatn.
Brjóttu súkkulaðið í bita og settu þá í
skál. Taktu pottinn af hitanum, kreistu
vatnið úr matarlíminu og hrærðu því saman
við, og helltu svo öllu saman í gegnum sigti
yfir súkkulaðið. Hrærðu þar til súkkulaðið
er bráðið.
Helltu blöndunni í sex lítil form eða bolla
og kældu í nokkrar klukkustundir, eða þar
til búðingarnir hafa stífnað alveg. Losaðu
þá úr formunum og hvolfdu á diska. Dreifðu
berjum í kring og hafðu e.t.v. berjasósu
með.
Berjasósa
200 g ber, t.d. hrútaber
eða bláber
75 ml hvítvín eða eplasíder
2 msk sykur, eða eftir smekk
1 msk ljóst síróp
Settu allt saman í pott og hitaðu það.
Hrærðu öðru hverju þar til berin eru orðin
mjúk. Settu sósuna í matvinnsluvél eða
blandara og maukaðu hana. Láttu hana svo
kólna.
Panna cotta með
hvítu súkkulaði
Ljósmyndir/Gísli Egill Hrafnsson