Morgunblaðið - 02.12.2011, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 2. DESEMBER 2011
OSTABÚÐIN
SKÓLAVÖRÐUSTÍG
Opið: Mán - Fim 11:00 - 18:00
Fös 10:00 - 18:30 & Lau 11:00 - 16:00
Gjafavörur
Ostabúðarinnar
f yr ir sælkerann
FRÉTTASKÝRING
Sigrún Rósa Björnsdóttir
sigrunrosa@mbl.is
Mjög skiptar skoðanir virðast meðal þingmanna
stjórnar og stjórnarandstöðu um frumvarp sem
fjármálaráðherra, Steingrímur J. Sigfússon, hefur
lagt fram og veitir þeim sem hljóta svokallaða IPA
styrki, undanþágu frá greiðslu skatta og opin-
berra gjalda. Samhliða var lögð fram þingsálykt-
un um samþykkt rammasamnings, svokallaðs
IPA-samnings við framkvæmdastjórn Evrópu-
sambandsins sem stjórnvöld undirrituðu í sumar,
þar sem kveðið er á um reglur um fjárhagsaðstoð
ESB við Ísland með IPA-styrkjum.
Mælt fyrir um skattleysi í samningi
Í umsögn fjárlagaskrifstofu við frumvarpið seg-
ir að markmið IPA-styrkja sé að styrkja innviði
umsóknarríkja. Vísað er til þess að rammasamn-
ingurinn geri kröfu um að öll IPA-aðstoð fari beint
til stuðningsverkefna og kveðið á um að slík aðstoð
sé undanþegin sköttum og opinberum gjöldum.
Í frumvarpinu er mælt fyrir um skattleysi svo-
kallaðra ESB-verktaka og ESB-samninga. Skil-
greining hugtakanna er sögð byggjast á 12. gr.
samningsins.
Hugtakið ESB-verktakar er skýrt þannig að
með því sé átt við einstakling eða lögaðila sem
veiti þjónustu, afhendi vörur, og/eða vinni verk
með tilstilli styrks samkvæmt ESB-samningi.
Hugtakið ESB-samningur er síðan skilgreint
þannig að hann nái til starfsemi sem sé fjármögn-
uð eftir reglum IPA-sjóðsins og sé undirritaður af
ríkinu eða ESB. Þó mun undanþágan ekki taka til
þeirra sem eru heimilisfastir hér á landi og tekju-
skatts og útsvars sem skapast af slíkum samningi.
Sambærilegt við aðra rannsóknarstyrki
Þegar rætt er við stjórnarþingmenn er vísað til
þess að með frumvarpinu sé meðferð IPA-styrkja
gerð sambærileg við aðra rannsóknarstyrki.
„Eins og ég hef skilið málið er þetta sambæri-
legt og er með alla alþjóða- og milliríkjasamninga,
þegar menn eru að fá styrki og annað slíkt þá eru
þeir skattlausir,“ segir Árni Þór Sigurðsson, þing-
maður Vinstri grænna, um frumvarpið. Í dag fái
íslenskir aðilar heilmikið af styrkjum í alls konar
verkefni, rannsóknarstyrki og slíkt, til dæmis í
gegnum EES-samninginn. Þeir séu skattlausir.
Þetta sé sambærileg meðferð og á öðrum slíkum
styrkjum.
Helgi Hjörvar, þingmaður Samfylkingar, for-
maður efnahags- og viðskiptanefndar, segir
nefndina eiga eftir að fara yfir frumvarpið og kalla
eftir viðbrögðum við því. „En fyrstu viðbrögð eru
almennt jákvæð í garð þessara ívilnana.“ Þessir
styrkir gangi til ýmissa mikilvægra verkefna sem
gott sé að skapa jákvætt umhverfi fyrir og skatt-
kerfinu sé breytt með ýmsum hætti til að greiða
fyrir því sem menn vilja ýta undir. Þegar spurt er
hvort undanþáguheimildin sé of opin segir Helgi:
„Það getur verið að það þurfi að afmarka það at-
riði betur, en ég lít fremur á það sem tæknilegt
útfærsluatriði heldur en sem meginatriði lag-
anna.“
Vill fá að sjá samninginn
„Þetta er bara galið,“ segir Guðlaugur Þór
Þórðarsons, þingmaður Sjálfstæðisflokks. „Það
má ekkert fyrirtæki sýna lífsmark án þess að rík-
isstjórnin sýni einbeittan vilja til þess að ná öllum
fjármunum af þeim en núna opnast allar flóðgátt-
ir í gegnum skatta.“ Stóra einstaka málið sé felu-
leikur ríkisstjórnarinnar með umsóknina að ESB,
af því að menn geta ekki sagt satt og rétt frá.
Feluleikurinn sé farinn að koma fram í mjög sér-
kennilegum birtingarmyndum og þetta sé bara
ein af þeim.
„Mér finnst þetta algjörlega út í hött að það sé
verið að búa til einhver sérlög um þetta á Íslandi,“
segir Gunnar Bragi Sveinsson, þingflokksformað-
ur Framsóknarflokks. Það sé mjög sérstakt að
semja um að þeir sem njóta markaðsstyrkja frá
Evrópusambandinu þurfi ekki að greiða gjöld eins
og aðrir.
Gunnar Bragi gagnrýnir sérstaklega að utan-
ríkismálanefnd hafi ekki fengið að sjá samninginn.
„Það er algjörlega forkastanlegt að samningurinn
skuli ekki vera kominn fram. Þetta minnir svolítið
á leyndarhyggjuna í Icesave-samningunum.“
Gunnar Bragi segir menn hljóta að velta því fyr-
ir sér hvers vegna í ósköpunum ríkið er að fá fram-
lög til breytinga ef ekki verði svo gengið inn í Evr-
ópusambandið. „Þetta hlýtur bara að undirstrika
að það er aðlögun í gangi. Ekkert annað.“
Reuters
Mjög skiptar skoðanir um
skattleysi IPA-styrkja
 Gagnrýnt að ekki sé
búið að kynna samninginn
sem frumvarp um IPA-
skattleysi vísar til
Samtals hafði 644
einstaklingum
verið stefnt fyrir
Héraðsdóm
Reykjavíkur í lok
október sl. vegna
ógreiddra gjalda
fyrir heilbrigðis-
þjónustu á Land-
spítalanum vegna
áranna 2007-
2010. Þetta kom
fram í svari Guðbjarts Hannessonar,
velferðarráðherra, á Alþingi í gær
við fyrirspurn Birgittu Jónsdóttur,
þingmanns Hreyfingarinnar.
Ennfremur kom fram í svarinu að
kröfur sem farið hefðu í innheimtu
hjá lögmannsstofu á umræddu tíma-
bili hefðu numið samtals 108 millj-
ónum króna. Þar af fóru 38,4 millj-
ónir króna í innheimtu á árinu 2009
þegar mest var. hjorturjg@mbl.is
644 stefnt
fyrir hér-
aðsdóm
 108 milljónir
króna í innheimtu
Guðbjartur
Hannesson
Reykjavíkurborg hefur ákveðið að
bæta merkingar sem sýna að hjóla-
stígur er á Suðurgötu, milli Skot-
húsvegar og Kirkjugarðsstígs. Lög-
reglan á höfuðborgarsvæðinu hafði
frá því í byrjun janúar á þessu ári
gert ítrekaðar athugasemdir við
merkingarnar en án árangurs, þar
til nú. Athugasemdirnar lutu að
merkingunum, ekki því að götunni
hafði verið breytt í einstefnu.
Í tilkynningu frá borginni segir að
umferðareyjum verði komið fyrir á
Suðurgötu, við Kirkjugarðsstíg ann-
ars vegar og Skothúsveg hins vegar
og bætt úr merkingum. Þá verður
hjólreiðastígsskilti sett við gang-
stéttina og annað um að innakstur sé
bannaður á eyjuna við Skothúsveg.
Lögregla kveðst fagna fyrirhug-
uðum framkvæmdum og bíður form-
legs erindis. runarp@mbl.is
Borgin fellst
á að breyta
merkingum
Morgunblaðið/Júlíus
Stopp Tekur ekki mark á merkjum.
Nýliðinn mánuður er í hópi hlýjustu
nóvembermánaða frá upphafi mæl-
inga. Kuldinn síðustu daga mánaðar-
ins kom í veg fyrir að met væru sleg-
in að þessu sinni.
Samkvæmt yfirliti Trausta Jóns-
sonar var hlýjast að tiltölu austan-
lands en heldur svalara um landið
norðvestanvert. Úrkoma var í meira
lagi um land allt, mest suðaustan-
lands. Lengst af var snjólítið.
Meðalhiti í Reykjavík mældist 4,3
stig og er það 3,2 stigum ofan með-
allags. Þetta er áttundi hlýjasti nóv-
ember í Reykjavík frá upphafi sam-
felldra mælinga frá 1870. Á Akureyri
var meðalhitinn 2,9 stig, 3,2 stigum
ofan meðallags. Í Stykkishólmi var
meðalhitinn 3,5 stig, 2,6 stigum ofan
meðaltals og á Egilsstöðum 3,4 stig,
4,1 stigi ofan meðaltals. Er þetta
fjórði hlýjasti nóvember þar frá upp-
hafi mælinga.
Sem fyrr segir var mánuðurinn
úrkomusamur. Í Reykjavík mældist
úrkoman 89,9 millimetrar og er það
24% umfram meðallag. Á Akureyri
mældist úrkoman 82,2 mm og er það
um 50% umfram meðallag. Í Stykk-
ishólmi var úrkoman 90% umfram
meðallag og 47% umfram á Stór-
höfða í Vestmannaeyjum.
Haustið, þ.e. október og nóvem-
ber, var mjög hlýtt. Haustið var hið
10. hlýjasta frá upphafi samfelldra
mælinga í Reykjavík 1870, það 16.
hlýjasta frá upphafi í Stykkishólmi
(frá og með 1846) og það 15. hlýjasta
á Akureyri (frá 1881). Mjög úrkomu-
samt var á landinu þessa tvo mánuði.
sisi@mbl.is
Lokaspretturinn
var nóvember erfiður
 Telst þó í hópi þeirra hlýjustu frá upphafi mælinga
Morgunblaðið/RAX
Nóvember Kvaddi með kuldakasti.
Hvað er IPA-styrkur?
IPA er skammstöfun fyrir „Instrument for Pre-
Accession Assistance“ sem gæti útlagst sem
„Styrkur vegna vinnu við aðildarumsókn.“ IPA-
styrkir eru veittir ríkjum sem sótt hafa um aðild
að Evrópusambandinu, eða lýst áhuga á því og er
þeim ætlað að standa undir kostnaði við stjórn-
sýslubreytingar hjá umsóknarríki eða mögulegu
umsóknarríki. Ráðherraráð ESB ákvað í júlí á síð-
asta ári að Ísland gæti einnig sótt um slíkan styrk
eftir að samþykkt var að hefja aðildarviðræður 17.
júní sama ár.
ESB skiptir þeim verkefnum sem geta notið
styrkja í fimm þætti, skv. minnisblaði utanrík-
ismálanefndar frá ágúst á síðasta ári. Aðlögunar-
aðstoð og stofnanauppbyggingu er ásamt „sam-
starfi yfir landamæri“ sagt miðstýrt frá Brussel.
Þá koma verkefni sem snúa að byggðaþróun,
mannauðsþróun og dreifbýlisþróun og undirbún-
ingi umsóknarríkisins að þátttöku í stefnumiðum
ESB og sjóðum þeim tengdum. Samkvæmt minn-
isblaðinu skyldi mest áhersla lögð á liði eitt og
tvö.
Hverjir fá IPA-styrki?
Þá var samkvæmt minnisblaðinu gert ráð fyrir
að meirihluti þeirra beinu fjármuna sem veittir
verði til Íslands í tengslum við IPA-áætlunina, eða
um 60-70%, fari í að „styrkja stjórnsýsluna í að
takast á við þau verkefni sem aðild að ESB felur í
sér“.
Aðilar á Íslandi geti sótt um styrki til einstakra
verkefna tengdra IPA-áætluninni og er þá í sum-
um tilfellum gert ráð fyrir 10-15% mótframlagi.
Í umsögn fjárlagaskrifstofu um frumvarpið
segir að Ísland geti fengið allt að 5 milljarða króna
fyrir 2011-2013, í verkefni samkvæmt sérstakri
landsáætlun sem stjórnvöld og ESB hafa gert.
Spurt&Svarað
um IPA-styrki