Morgunblaðið - 08.12.2011, Blaðsíða 12

12 FRÉTTIRInnlent
MORGUNBLAÐIÐ FIMMTUDAGUR 8. DESEMBER 2011
MEISTARAVERK!
Magnús Þór mun
kynna bók sína í kvöld
kl. 20 í Eymundsson,
Skólavörðustíg.
Hann mun lesa úr henni
mergjaða kafla og sýna um leið
einstakar kvikmyndir teknar
af Bretum og Þjóðverjum af
skipum í Hvalfirði og bardögum
um skipalest sem fór þaðan til
Norðvestur Rússlands.
Missið ekki af umfjöllun
um atburði í einstökum hluta
Íslandssögunnar, sem fáir
hafa þekkt hingað til.
holabok.is/holar@holabok.is
FRÉTTASKÝRING
Hjörtur J. Guðmundsson
hjorturjg@mbl.is
„Hér er um mikilvægar grundvall-
arreglur að ræða vegna þess að það
er ekki svo að það sé bara Fjármála-
eftirlitið sem búið er um í lögum að
eigi að vera sjálfstætt í sinni starf-
semi. Það gildir um marga aðra aðila
og nærtækt að benda á Hæstarétt og
dómstólana og margar aðrar eftir-
lits- og jafnvel stjórnsýslustofnanir,“
segir Steingrímur J. Sigfússon fjár-
málaráðherra í samtali við Morgun-
blaðið um ágreining á milli ráðuneyt-
is hans og efnahags- og
viðskiptaráðuneytis Árna Páls Árna-
sonar um fyrirkomulag fjármögnun-
ar Fjármálaeftirlitsins.
Hann segir að samkvæmt lögum
eigi slíkar stofnanir að vera sjálf-
stæðar í þeim skilningi að fram-
kvæmdavaldið og löggjafinn blandi
sér ekki í starfsemi þeirra. „En það
hefur aldrei verið lagður sá skilning-
ur í það að það þýddi að þær ættu
jafnframt að ákvarða sjálfar sínar
fjárheimildir og rekstrarumfang,“
segir Steingrímur.
Telur sérlögin hafa forgang
Eins og fjallað hefur verið um í
Morgunblaðinu byggist deila ráðu-
neytanna á því að efnahags- og við-
skiptaráðuneytið telur að Fjármála-
eftirlitið skuli fjármagnað
samkvæmt því sem kveðið sé á um í
sérlögum um stofnunina og að þau
lög gangi að því leyti framar öðrum
lögum og þar með talið fjárlögum.
Samkvæmt sérlögunum ber efna-
hags- og viðskiptaráðherra að leggja
fram frumvarp um fjármögnun Fjár-
málaeftirlitsins árlega sem hann hef-
ur gert og mælir fyrir á Alþingi í dag.
Máli sínu til stuðnings hefur efna-
hags- og viðskiptaráðuneytið einkum
vísað í álit ríkislögmanns þar sem
fram kemur að ekki megi hrófla við
niðurstöðu löggjafans um fjárveit-
ingar til stofnunarinnar eins og hún
liggi fyrir í sérlögunum nema með
því að breyta þeim fyrst.
„Fjárveitingar til Fjármálaeftir-
litsins eru með öðrum hætti en
markaðir tekjustofnar eru til ann-
arra aðila. Það eru sérlög sem gilda
um Fjármálaeftirlitið og það er á
grundvelli þeirra laga sem ríkislög-
maður kemst að þeirri niðurstöðu að
ekki sé hægt að rýra fjárveitingar til
Fjármálaeftirlitsins frá því sem seg-
ir í þeim lögum, jafnvel með fjárlög-
um,“ sagði Árni Páll um ágreining
sinn við fjármálaráðherra í um-
ræðum á Alþingi á þriðjudag við
þriðju umræðu um fjárlagafrumvarp
ríkisstjórnarinnar. Ljóst væri hins
vegar að fjármálaráðuneytið liti mál-
ið öðrum augum og sakaði hann það
um að veikja þar með grundvöll
Fjármálaeftirlitsins.
Um prinsippmál að ræða
„Þetta er prinsippmál og þetta
snýst í grunninn um það hvort í
fyrsta lagi stjórnarskráin og í öðru
lagi fjárreiðulög og fjárveitinga- og
fjárstjórnarvald Alþingis sé til stað-
ar þegar búið sé að fjárreiðum ein-
stakra stofnana með þeim hætti að
það sé byggt á gjaldtöku eins og í
þessu tilviki hinna eftirlitsskyldu að-
ila. Og það er enginn deila um að
Fjármálaeftirlitið eigi að vera sjálf-
stætt í störfum sínum og það þarf að
taka faglegar ákvarðanir um nauð-
synlegt rekstrarumfang þess en við
leggjum auðvitað ekki þann skilning
í það að það upphefji fjárveitingar-
og fjárstjórnarvald Alþingis,“ segir
Steingrímur.
Hann hafnar því alfarið að hann
eða ráðuneyti hans hafi á einhvern
hátt tafið málið eða tekið frumvarp
Árna Páls í gíslingu eins og kom
fram hjá Árna á Alþingi á þriðjudag-
inn. Efnahags- og viðskiptaráðu-
neytið hafi ekki fengið lakari þjón-
ustu hjá fjármálaráðuneytinu en
aðrir. Mikið álag sé hins vegar á
starfsmönnum ráðuneytis hans á
þessum tíma og því geti mál tafist.
Stjórnvöld séu ennfremur að takast
á við erfiðleika í ríkisfjármálum og
hafi sett sér ákveðinn ramma í þeim
efnum sem fjármálaráðuneytið sé að
reyna að tryggja að ríkisreksturinn
falli inn í.
Hafnar alfarið ásökunum Árna
Morgunblaðið/Ómar
Ráðherrar Verulegur ágreiningur hefur verið uppi á milli Steingríms J. Sigfússonar fjármálaráðherra og Árna Páls Árnasonar, efnahags- og við-
skiptaráðherra, að undanförnu um það með hvaða hætti eigi að ákveða fjárframlög til þess að standa straum af rekstri Fjármálaeftirlitsins.
 Fjármálaráðherra segir að þótt Fjármálaeftirlitið sé sjálfstæð stofnun eigi það ekki að ákveða eigin
fjármögnun  Efnahags- og viðskiptaráðherra sakar fjármálaráðuneytið um að veikja stofnunina
„Ég hef ekki séð nein rök fyrir því
að sameina hér efnahagsráðu-
neytið og fjármálaráðuneytið. Ég
þarf þá að fá mjög sterk fagleg
rök fyrir því ef einhverjar breyt-
ingar eiga að vera þar uppi á
borðinu og ítreka aftur að það
hafa ekki verið teknar neinar
ákvarðanir, hvorki fyrr né nú, um
það,“ sagði Jóhanna Sigurð-
ardóttir forsætisráðherra í óund-
irbúnum fyrirspurnartíma á Al-
þingi í gær.
Jóhanna var að svara fyrirspurn
Sigmundar Davíðs Gunnlaugs-
sonar alþingismanns um samein-
ingu ráðuneyta, m.a. sameiningu
efnahags- og viðskiptaráðuneytis
og fjármálaráðuneytis. Bjarni
Benediktsson alþingismaður
spurði forsætisráðherra fyrr í fyr-
irspurnatímanum hvort hún teldi
koma til greina að einn og sami
ráðherrann færi með efnahags-
málin og fjármálaráðuneytið. Bæði
Sigmundur og Bjarni vitnuðu til
orða Steingríms J. Sigfússonar
fjármálaráðherra fyrr í þessari
viku um að hann teldi best að öll
efnahagsmálin væru á einni hendi.
Steingrímur sagði misskilning í
þessu fólginn.
„Ég sagði að ég teldi það hafa
verið hárrétta ákvörðun á sínum
tíma að sameina öll efnahagsmál á
einum stað,“ sagði Steingrímur.
„Það getur eftir atvikum verið í
sjálfstæðu efnahags- og við-
skiptaráðuneyti eða í öðru ráðu-
neyti.“ Hann kvaðst ekki hafa tjáð
sig sérstaklega um að efnahags-
málin ættu að koma í fjár-
málaráðuneytið, þótt slíkt fyr-
irkomulag væri þekkt t.d. í Noregi
og Svíþjóð, þar sem seðlabankar
heyra undir fjármálaráðuneyti.
gudni@mbl.is
Ekki séð rök
fyrir sameiningu
 Efnahagsmálin séu á einum stað
Morgunblaðið/Ómar
Forsætisráðherra Spurt var á Al-
þingi um sameiningu ráðuneyta.
„Þetta er bara
enn ein staðfest-
ingin á því gríð-
arlega for-
ingjaræði sem er
til staðar hjá rík-
isstjórnarflokk-
unum. Það er
ekkert hægt að
túlka ræður Árna
Páls öðruvísi
sem og lýsingu annarra stjórn-
arliða núverandi og fyrrverandi á
vinnubrögum á stjórnarheim-
ilinu,“ segir Guðlaugur Þór Þórð-
arson, þingmaður Sjálfstæð-
isflokksins, um deilur þeirra
Steingríms J. Sigfússonar fjár-
málaráðherra og Árna Páls Árna-
sonar, efnahags- og viðskiptaráð-
herra, um fjármögnun
Fjármálaeftirlitsins.
Guðlaugur segir Árna Pál ein-
ungis vera að sinna sínum emb-
ættisskyldum eins vel og hann
geti og það sama eigi við um Jón
Bjarnason, sjávarútvegs- og land-
búnaðarráðherra. „En þá er þeim
bara ýtt út úr ríkisstjórninni.“
Hann fullyrðir að það sé vilji Stein-
gríms og Jóhönnu Sigurðardóttur
forsætisráðherra að þeir Árni Páll
og Jón hverfi úr ríkisstjórninni.
Guðlaugur segir ástæðuna eink-
um vera þá að Jón hafi beitt sér
sem ráðherra gegn umsókninni
um inngöngu í Evrópusambandið
og Árni Páll hafi að sama skapi
sýnt talsvert sjálfstæði í sínum
embættisfærslum.
Staðfesting á foringjaræði
SEGIR FRÁGENGIÐ AÐ ÁRNI PÁLL OG JÓN SÉU Á ÚTLEIÐ
Guðlaugur Þór
Þórðarson