Morgunblaðið - 08.12.2011, Blaðsíða 36

36 MENNING
MORGUNBLAÐIÐ FIMMTUDAGUR 8. DESEMBER 2011
 Úrvalslisti
Kraumsverð-
launanna,
eða Kraums-
listans, hefur
verið birtur
en markmið
verð-
launanna er
að styðja við
plötuútgáfu
íslenskra
hljómsveita og listamanna með
sérstöku tilliti til þeirra sem
yngri eru, eins og fram kemur í
tilkynningu. Sex manna dóm-
nefnd hefur valið úr 20 hljóm-
plötur á Úrvalslistann og mun
svo 20 manna dómnefnd fara yfir
hann og velja úr 5 eða 6 verð-
launaplötur.
Hljómplöturnar 20 á Úrvalslist-
anum eru eftirfarandi (flytjendur
nefndir fyrst): ADHD - ADHD2,
Anna Þorvalds - Rhízoma, Ben
Frost og Daníel Bjarnason - Sól-
aris, Dead Skeleton - Dead Ma-
gick, FM Belfast - Don’t want to
sleep, For a Minor Reflection -
EP, Helgi Hrafn Jónsson - Big
Spring, Hljómsveitin Ég - Ímynd
Fíflsins, Lay Low - Brostinn
Strengur, Nolo - Nology, Of
Monster & men - My Head is an
Animal, Ofvitarnir - Stephen
Hawking/Steven Tyler, Ragga
Gröndal - Astrocat Lullaby,
Reykjavík! - Locust Sounds, Sam-
aris - Hljóma Þú (ep), Sin Fang -
Summer Echoes, Skurken - Gils-
bakki, Snorri Helga - Winter Sun,
Sóley - We Sink og Sólstafir -
Svartir Sandar.
Aðstandandi Kraumslistans er
Kraumur tónlistarsjóður sem er
sjálfstætt starfandi sjóður á veg-
um Auroru velgerðarsjóðs.
Kraumur hefur það að meg-
inhlutverki að efla íslenskt tón-
listarlíf, fyrst og fremst með
stuðningi við unga listamenn.
Úrvalslisti Kraums-
verðlaunanna 2011
kynntur til sögunnar
Geiturnar þrjár
bbbnn
Jens Ívar Jóhönnuson Albertsson.
Myndir Elvar Ingi Helgason.
Geitur ehf 2011. 20 blaðsíður.
Geiturnar þrjár er vel-
þekkt norskt ævintýri,
þar sem geitafjölskyldu
tekst að leika á tröll
nokkurt, sem liggur í
leyni undir brú og bíður
færis á að hremma þær.
Á bókarkápu segir að hér
sé ævintýrið fært í „glæ-
nýjan og alíslenskan bún-
ing“ og að bókin sé ætluð
til upplestrar fyrir börn
tveggja ára og eldri.
Hinn nýi búningur felst aðallega í breyttu
orðfæri geitanna, sem nú nota orð eins og
„Svakalega“ og „Ótrúlega“ og svo eru við-
skipti geitapabba og tröllsins með nokkuð
öðru móti en í frumútgáfunni. Að öðru leyti er
hér fátt nýtt á ferð, en það er ánægjulegt að
áhugi sé fyrir því að gefa gömul og velþekkt
ævintýri út með breyttu sniði. Myndirnar eru
skemmtilegar og hið ófrýnilega tröll mun án
efa skjóta ungum lesendum skelk í bringu.
Prakkarasögur
bbbnn
Ævar Guðmundsson.
Myndir Gunnar Snæland.
Bókaútgáfan Krydd í tilveruna. 2011. 26 síður.
Hér segir Ævar
Guðmundsson
nokkrar stuttar
sögur úr barnæsku
sinni á Akureyri,
„þegar bærinn var
miklu fámennari en
núna og börn voru
frjáls,“ eins og seg-
ir á bókarkápu. Hér er sagt frá prakkaraskap
og ýmsum hremmingum sem hinn uppá-
tækjasami Ævar lenti í á uppvaxtarárum og
eru margar sögurnar bráðskemmtilegar. Þar
er t.d. sagt frá hrútnum Hillary, síldveiðum
og laumureykingum. Líklega hafa mörg börn
gaman af sögunum og kannski ekki síður afar
og ömmur sem muna þá tíð sem Ævar lýsir.
Auður og gamla tréð
bbbbm
Eva Rún Þorgeirsdóttir og Stella Sigurgeirsdóttir.
Salka. 2011. 35 síður.
Fjölmargar metn-
aðarfullar og frumlegar
barnabækur koma út
þessi jólin, sem hlýtur
að kæta alla þá, sem
láta sér annt um börn
og að þeim sé boðið upp
á sómasamlegt lesefni
til að kætast. Ein þess-
ara bóka er Auður og
gamla tréð, jógabók
fyrir börn. Hér segir
frá Auði fimm ára, sem „getur svo margt og
er alltaf að læra eitthvað nýtt“. Dag nokkurn
kynnist Auður gömlu tré og í gegnum
skemmtilegt samtal þeirra eru nokkrar jóga-
stöður sýndar og kenndar. Þessi hugmynd
gengur alveg fullkomnlega upp, en auk þess
að hafa að geyma skemmtilega sögu, er bókin
líka tilvalin æfing í jóga, bæði fyrir börn og
fullorðna. Myndir Stellu Sigurgeirsdóttur
spila vel saman við textann, þær eru lifandi
og litríkar eins og barnabókamyndum ber, en
algerlega lausar við allan ofhlaðinn „krútt-
skap“ eins og stundum vill brenna við í barna-
bókum.
Íslensku húsdýrin og Trölli
bbbmn
Bergljót Arnalds. Teikningar
Jón Hámundur Marinósson.
JPV. 2011. 33 síður.
Íslensku húsdýrin eru
nýjasta viðfangsefni
Bergljótar Arnalds, sem
hefur skrifað fjölmargar
barnabækur og hlotið
ýmsa viðurkenningu fyr-
ir. Hér segir frá trölla-
dreng nokkrum sem vill-
ist og fær aðstoð frá
hópi íslenskra húsdýra til að rata heim til sín.
Inn í ljúfa sögu um vináttu og samvinnu er
fléttað ýmsum fróðleik um íslensku húsdýrin,
sem líklega er ekki vanþörf á að koma á fram-
færi.
Aftast eru svo ýmsar spurningar sem ættu
að auka enn á gleði ungra lesenda.
Rikka og töfrahringurinn í Japan
bbbmn
Hendrikka Waage. Myndir Inga María Brynj-
arsdóttir. Salka. 2011. 40 síður.
Hér segir frá ferðalang-
inum Rikku, en með
hjálp töfrahringsins síns
hefur hún áður ferðast
til Íslands og Indlands.
Í þessari bók liggur leið
Rikku til Japans, þar
sem hún skoðar helstu
einkenni landsins, ásamt
vinum sínum þeim Miyu og Hiroshi. Meðal
þess sem fyrir augu þeirra ber eru súmó-
glíma, geishur og ýmis náttúrundur. Þetta er
skemmtileg hugmynd og gengur ágætlega
upp, en bókin hefði verið skemmtilegri ef
fjallað hefði verið um færri staði og þeim þá
gerð betri skil. Bókin er léttilega skrifuð,
myndirnar fjörlegar og fallegar og Rikka á án
efa eftir að vekja Japansáhuga hjá fjölmörg-
um ungum lesendum.
Barnabækur
Anna Lilja Þórisdóttir
annalilja@mbl.is
Yfirlit yfir nýútkomnar
íslenskar barnabækur
Stangað Myndskreyting eftir Elvar Inga
Helgason úr Geitunum þremur.
Helgi Snær Sigurðsson
helgisnaer@mbl.is
Árið 2006 sendu Stebbi og Eyfi frá
sér plötu með ábreiðum svo-
nefndum, þ.e. „cover“-lögum, lögum
eftir aðra sem þeir sungu með sínum
nefjum og nú hafa þeir sent frá sér
aðra slíka plötu, Fleiri notalegar
ábreiður. Á umslagi plötunnar sitja
félagarnir að snæðingi við kertaljós
á veitingastaðnum Horninu, með
rauðvín í glösum og báðir hlæjandi.
Ljósmyndin sem prýðir umslagið
sést hér til hliðar en hún var tekin
snemma morguns og segir Eyfi kím-
inn að þeir hafi klárað heila rauð-
vínsflösku fyrir kl. 10. „Maður fær
náttúrlega ekki svona veitingastaði
lánaða nema á jaðartímum,“ segir
hann. Hornið sé einn af þeirra uppá-
haldsveitingastöðum og því hafi ver-
ið auðsótt mál að fá staðinn lánaðan.
Mikilvægt að syngja á íslensku
– Myndin er í takt við titil plöt-
unnar, greinilega notaleg stund?
„Já, þetta er mjög notalegt,“ segir
Eyfi, notalegri röddu. Hann segir
svipað konsept vera á nýju plötunni
og þeirri fyrri. Þeir Stebbi hafi spil-
að saman í tuttugu ár, hlustað á alls
konar tónlist á sínum ferðalögum og
fengið þá hugmynd að snara yfir á
íslensku mörgum þeirra erlendu
laga sem væru í uppáhaldi hjá þeim
og syngja inn á plötu, auk þess að
syngja nokkur íslensk. „Það er mjög
mikið atriði fyrir okkur að syngja á
íslensku fyrir Íslendinga. Við höfum
nú gert það í gegnum tíðina, báðir
tveir,“ segir Eyfi. Þeir hafi samið
fjölda lagatexta í áranna rás og þá
sérstaklega Stebbi en hann samdi
texta við rúman helming laganna á
plötunni nýju.
– Er einhver rauður þráður í laga-
valinu fyrir þessa plötu?
„Nei, í raun og veru ekki nema
náttúrlega að þetta er ákaflega létt
fyrir eyrað,“ svarar Eyfi „Eigum við
ekki að segja að þetta sé svona rauð-
vínsplata, hún er nokkurn veginn
sjálfstætt framhald af fyrri plötunni.
Við skautum af fyrri plötunni yfir í
þessa með tengingum, t.d. við lagið
„Góða ferð“ sem var með B.G. og
Ingibjörgu, við tökum þarna annað
lag með þeirri hljómsveit, „Þín
innsta þrá“ sem er mikið spilað núna
í útvarpinu,“ segir Eyfi.
Þeir Stebbi fylgdu fyrstu ábreiðu-
plötu sinni eftir með tónleikaferð um
landið árið 2007 og hyggjast þeir
fylgja þeirri nýju eftir með sama
hætti. Þeir munu hefja tónleikahald
að vori, taka sér svolítið sumarfrí og
halda svo áfram að hausti.
Notaleg rauðvínsplata
 Nokkrar notalegar ábreiður hét fyrsta plata félaganna Stefáns Hilmarssonar
og Eyjólfs Kristjánssonar og nú hafa þeir bætt við Fleiri notalegum ábreiðum
Kósí Stebbi og Eyfi kunna að meta góðan mat og rauðvín. Með kræsingunum er gott að hlusta á notalegar ábreiður.