Morgunblaðið - 08.12.2011, Blaðsíða 40

FIMMTUDAGUR 8. DESEMBER 342. DAGUR ÁRSINS 2011
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 2550
1. Alec Baldwin vísað úr flugvél
2. Ekki taka lán fyrir jólunum
3. Hættuástandi aflýst í Ármúla
4. Útlendingar varaðir við Kötlu
»MEST LESIÐ Á mbl.is
FÓLK Í FRÉTTUM
 Gríðarleg aðsókn var í gær í frímiða
á tvenna tónleika Mugisons í Eld-
borgarsal Hörpu 22. desember og
kláruðust allir á innan við tveimur
klukkustundum. Var þriðju tónleik-
unum þá bætt við, miðnæturtón-
leikum, og ruku þeir álíka hratt út,
allir farnir upp úr kl. 14.
Morgunblaðið/Eggert
Miðar ruku út á
þrenna frítónleika
 Skáldsagan
Með heiminn í
vasanum, eftir
Margréti Örnólfs-
dóttur, er tilnefnd
til Barna- og ung-
lingabókaverð-
launa Vestnor-
ræna ráðsins. Auk
hennar eru
tilnefndar Sagan um Kaassali eftir
grænlenska höfundinn Lars-Pele
Berthelsen með myndskreytingum
Pia Falck Pape og Skriva í sandin eftir
færeyska rithöfundinn Marjuna Sy-
derbø Kjelnæs. Verðlaunin verða veitt
í ágúst á næsta ári.
Margrét tilnefnd til
barnabókaverðlauna
 Rússneski píanóleikarinn Arcadi
Volodos mun halda einleikstónleika á
Listahátíð í Reykjavík á næsta ári, í
Eldborgarsal Hörpu, hinn 20. maí. Um
Volodos segir meðal annars á vef há-
tíðarinnar að hann sé ein-
stakur meðal píanóleik-
ara, að tækni hans og
tjáning þyki óviðjafn-
anleg. Frekari upp-
lýsingar eru á
listahatid.is.
Volodos heldur
tónleika á Listahátíð
Á föstudag Norðan 8-18 m/s, hvassast við A-ströndina. Él N- og
A-til, en annars víða bjartviðri. Frost 4 til 20 stig, kaldast inn til
landsins.
SPÁ KL. 12.00 Í DAG Norðaustan 8-15, hvassast og él N- og A-
lands, en annars bjartviðri að mestu. Frost 1 til 15 stig, mildast við
ströndina en kaldast í innsveitum.
VEÐUR
Ísland sigraði Þýskaland,
26:20, í fjórða leik sínum í
lokakeppni heimsmeist-
aramótsins í handknattleik
kvenna í Brasilíu í gærkvöld.
Þjóðverjar náðu sjö marka
forystu í fyrri hálfleik en ís-
lenska liðið sneri því við fyr-
ir hlé og skoraði svo fimm
síðustu mörk leiksins. Ís-
land mætir Kína í loka-
umferðinni annað kvöld og
nægir jafntefli til að komast
í 16 liða úrslit. »2
Nægir jafntefli
gegn Kínverjum
Embla Grétarsdóttir er einhver sig-
ursælasta knattspyrnukona landsins
en hún hefur unnið 13 stóra titla á 14
árum í fremstu röð með Val og KR.
Nú hefur hún hinsvegar ákveðið að
leggja skóna á hilluna, aðeins 29 ára
gömul, og segir að þrálát
meiðsli í ökkla eigi
stærstan þátt í
þeirri ákvörðun
sinni. »2
Þrettánfaldur meistari
hættir vegna meiðsla
Jón Guðni Fjóluson knatt-
spyrnumaður bíður þolinmóður eft-
ir tækifæri með liði Beerschot í
Belgíu en hann fór þangað frá
Fram í sumar og gerðist atvinnu-
maður. „Ég vissi vel að það gæti
tekið tíma að komast í liðið. Það
hlýtur að styttast í að ég fái tæki-
færi,“ segir Jón Guðni í viðtali við
Morgunblaðið. »4
Jón Guðni bíður þol-
inmóður eftir tækifæri
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Útlit er fyrir að undir helgi dragi verulega úr
frostinu sem hefur verið á landinu í nær hálfan
mánuð. Á sunnudag gerir jafnvel vægan blota,
a.m.k. um sunnan- og austanvert landið, að því
er fram kemur á bloggi Einars Sveinbjörns-
sonar. Hins vegar gæti kólnað aftur í næstu viku.
Aðfaranótt þriðjudagsins varð frostið á Nes-
landatanga við Mývatn 27,3 stig. Það er dags-
hitamet fyrir kulda á landinu frá a.m.k. 1949.
Búist við vægum blota þegar nálgast helgina
Morgunblaðið/Ómar
Met hafa fallið í kuldakastinu sem staðið hefur yfir á landinu
Ingveldur Geirsdóttir
ingveldur@mbl.is
Aldrei hafa fleiri Íslendingar verið
100 ára eða eldri. Þeir eru nú 50 tals-
ins, konurnar eru 43 og karlarnir að-
eins sjö. Kemur þetta fram á vefsíð-
unni Langlífi.net sem Jónas Ragn-
arsson heldur úti. Þeir sem eru nú
100 ára eru tuttugu og tveir talsins,
urðu þeir allir 100 ára á þessu ári og
sá síðasti sem gat náð því á árinu átti
afmæli 6. desember síðastliðinn. Níu
einstaklingar eru 101 árs, ellefu eru
102 ára, fjórir 103 ára, einn er 104
ára og þrír 105 ára. Fyrir ári voru á
lífi 40 Íslendingar sem náð höfðu
hundrað ára aldri, fyrir tíu árum
voru þeir 30 og fyrir 50 árum aðeins
fimm. Ekki er hægt að búast við því
að þetta met verði bætt fljótlega
vegna þess að aðeins 14 eru enn á lífi
af þeim sem fæddust árið 1912 og
eru því 99 ára, en fyrir einu ári voru
helmingi fleiri á þeim aldri, að sögn
Jónasar.
Hins vegar eru nokkrir sterkir ár-
gangar sem geta náð 100 ára aldri á
næstu árum, t.d. þeir sem fæddir
eru 1913, 1916, 1918 og 1920.
Erfitt er að segja til um hvað veld-
ur þessum sveiflum í árgöngum að
sögn Jónasar. Það gæti skipt máli á
hvaða aldri fólk var þegar skæðar
pestir gengu og sumir orðið verr úti
en aðrir. Allur hópurinn sem er nú
yfir 100 ára var t.d. á lífi þegar
spænska veikin gekk haustið 1918.
„Má líta svo á að það sé sterkasti
hlutinn af þeim árgangi sem hélt lífi
og hefur komist í gegnum ýmsar
hremmingar,“ segir Jónas.
Aldrei fleiri hundrað ára
 Fimmtíu Íslendingar hundrað ára eða eldri  Sterkir árgangar að koma upp
Aldursforsetar
» Af þeim sem eru 100 ára
eða eldri á Íslandi í dag eru 43
konur og 7 karlar.
» 22 hafa orðið 100 ára á
árinu 2011.
» Ekki er búist við að þetta
met verið slegið fljótlega því
aðeins 14 eru enn á lífi af þeim
sem fæddust árið 1912.