Morgunblaðið - 08.12.2011, Blaðsíða 16

Björgunarsveitir landsins eru nú að hefja sölu á
geisladisknum Neyðarlögin 2011. Valinkunnur hóp-
ur tónlistarmanna gefur alla vinnu sína við flutn-
ing á lögum. Söluátakið stendur allan desember.
Björgunarsveitarmenn munu ganga í hús í sínu
byggðarlagi og bjóða diskinn til sölu en hann kost-
ar 2.500 kr. Þegar öll gjöld hafa veið greidd renna
1.500 kr. beint til björgunarsveitanna. Þá verður
diskurinn einnig til sölu í verslunum og á bens-
ínstöðvum.
Meðal flytjenda á geisladisknum eru The Char-
lies, Ómar Ragnarsson, Hemmi Gunn, Á móti sól,
André Backman, Lúdó sextett, Þór Breiðfjörð,
Ragnar Bjarnason og Rúnar Júlíusson.
Neyðarlög fyrir
björgunarsveitirnar
Morgunblaðið/Eggert
Staðið í ströngu Björgunarsveit að störfum í kjölfar
eldgossins í Grímsvötum síðastliðið sumar.
16 FRÉTTIRInnlent
MORGUNBLAÐIÐ FIMMTUDAGUR 8. DESEMBER 2011
Pakki á pakka
Fallegt pakkaskraut hannað af Arca
Design Island. Aðrir sem standa að
þessu eru Lógóflex og Markó- Merki.
Jólatréð verður selt á 500 kr.
hjá Arca design, Grímsbæ við
Bústaðaveg og fer öll upphæðin
óskipt til stuðnings
Fjölskylduhjálpar Íslands.
Þorsteinn Jakobsson göngugarpur
lætur enn á ný til sín taka til að
minna á Ljósið, endurhæfingu fyrir
krabbameinsgreinda. Í ár byrjaði
Þorsteinn á því að ganga á Helga-
fell í Hafnarfirði. Síðan þá hefur
hann gengið 399 tinda og laug-
ardaginn 10. desember nk. mun
hann ljúka markmiði sínu; að ganga
á 400 tinda til styrktar Ljósinu með
því að ganga á Esjuna ásamt hópi
stuðningsmanna og björgunarsveit-
inni Kyndli. Markmiðið er að búa til
„ljósafoss“ niður alla Esjuna og eru
allir hvattir til að mæta með höf-
uðljós. Lagt verður af stað í göng-
una kl. 14.30 og gengið að Steini og
gert er ráð fyrir að kveikt verði á
ljósunum kl. 16.15 og gengið niður
hlíðar Esjunnar.
Þetta er þriðja árið í röð sem
Þorsteinn gengur til að minna á
starfsemi Ljóssins. Árið 2009 gekk
hann sjö sinnum upp og niður Esj-
una. 28. maí árið 2010 gekk hann á
10 tinda á tólf og hálfri klukku-
stund, auk þess að ganga 365 tinda
það árið og endaði gönguna 11. des-
ember sl. á Esjunni þar sem um 400
manns bjuggu til „ljósafoss“.
Gengur 400 tinda til styrktar Ljósinu
Garpur Þorsteinn Jakobsson gengur til
styrktar ljósinu á fleiri hundruð fjöll.
Aðventa og jól eru oft erfiður tími fyrir alla sem hafa
misst með einum hætti eða öðrum. Í allmörg ár hafa
nokkur samtök og stofnanir boðið upp á samveru á
aðventu fyrir syrgjendur í því skyni að auðvelda
þeim sorgargönguna á þessum árstíma.
Að þessu sinni verður samveran fyrir syrgjendur í
Grafarvogskirkju n.k. fimmtudag 8. desember og
hefst kl. 20. Þar verða sungnir jólasálmar, sr. Ingi-
leif Malmberg flytur hugvekju, Hamrahlíðarkórinn
syngur undir stjórn Þorgerðar Ingólfsdóttur og þá verður minningarstund
þar sem viðstaddir geta tendrað ljós til að minnast látinna ástvina. Sam-
veran verður túlkuð á táknmáli. Á eftir verður boðið upp á léttar veitingar.
Í fyrra voru um 600 manns á sorgarsamveru í Grafarvogskirkju. Að sam-
verunni standa Þjóðkirkjan, Landspítalinn, hjúkrunarþjónustan Karítas og
Ný dögun, samtök um sorg og sorgarviðbrögð.
Samvera fyrir syrgjendur
Grafarvogskirkja
Það er ekki bara kuldaboli sem ger-
ir landsmenn rauðnefjaða nú á að-
ventunni heldur hafa rauðu nefin
Skreppur, Skotta og Skjóða stungið
upp kollinum víða um land. Í tilefni
af degi rauða nefsins sem haldinn
verður föstudaginn 9. desember
stendur UNICEF fyrir sölu á þess-
um grallaralegum systkinum.
Skátafélög víða um land bjóða
nefin til sölu en einnig fást þau í
Bónus, Hagkaupum, útibúum MP
banka og hjá Te & Kaffi.
Með því að kaupa rautt nef er
stutt við mikilvæg verkefni UNI-
CEF í þágu bágstaddra barna víðs-
vegar um heim.
Á Degi rauða nefsins, föstudag-
inn 9. desember nk. verður Stöð 2
með skemmti- og söfnunarþátt í op-
inni dagskrá.
Sælleg Þau Skreppur, Skotta og Skjóða
eru rauð og sælleg nef.
Rauðu nefin frá
UNICEF bæta líf
bágstaddra barna
Fyrsti fundur í fundaröð innanrík-
isráðuneytisins um mannréttinda-
mál verður haldinn í Hörpunni í
Reykjavík föstudaginn 9. desember
klukkan 11.30 til 14.15. Tilefni
fundarins er alþjóðlegi mannrétt-
indadagurinn, 10. desember. Á
fundinum verður fjallað um fyr-
irtöku hjá mannréttindaráði SÞ á
stöðu mannréttindamála á Íslandi
og um samning Evrópuráðsins um
bann við kynbundnu ofbeldi og
heimilisofbeldi en Ísland var eitt 11
ríkja sem fyrst skrifuðu undir
samninginn í apríl sl., en hefur ekki
fullgilt hann. Fundurinn er öllum
opinn og aðgangur ókeypis.
Fundaröð um mann-
réttindamál
Pósturinn hvetur fólk til að moka
tröppur og hreinsa aðgengi að hús-
um svo koma megi í veg fyrir
hálkubletti. Þetta auðveldar störf
bréfbera til muna en burðurinn
þyngist nú dag frá degi vegna
jólanna. Einnig er mikilvægt að það
sé góð lýsing við útidyr. Mesta
slysatíðni á meðal bréfbera og út-
keyrslufólks Póstsins er vegna
hálku á einkalóðum.
Fólk moki tröppur
STUTT
Ágúst Ingi Jónsson
aij@mbl.is
Mikil notkun hefur verið á heitu
vatni á höfuðborgarsvæðinu í kuld-
unum undanfarið og nálgaðist
mánudagskvöldið toppinn frá árinu
2008. Um kvöldmatarleytið á mánu-
dag var notkunin 15.100 tonn á
klukkustund. Mesta notkun sem
sést hefur á mælum Orkuveitunnar
er hins vegar 15.750 tonn á klukku-
stund á milli klukkan 10 og 11 á
þeim kalda laugardagsmorgni 2.
febrúar 2008.
Þegar notkunin er komin yfir
fimmtán þúsund tonn lætur nærri að
straumurinn um heitavatnsleiðsl-
urnar nálgist rennsli Elliðaánna.
Meðalrennsli þeirra er um 4,7 rúm-
metrar á sekúndu.
Aukin notkun í kulda og roki
Yfirstandandi kuldakafli er orðinn
óvenjulangur og útlit er fyrir að
hann standi enn um sinn. Stillt veður
hefur yfirleitt verið í þessum frosta-
kafla, en sé vindasamt eykst kæl-
ingin og orkunotkun að sama skapi.
Eiríkur Hjálmarsson, upplýsinga-
fulltrúi Orkuveitu Reykjavíkur,
bendir á að sé orkan í heita vatninu
færð yfir í vött sé 15 þúsund tonna
notkun af heitu vatni á klukkustund
um 890 megavött, sem er talsvert
meiri orka heldur en Kára-
hnjúkavirkjun framleiðir.
Mismunandi toppar í notkun
Notkun á heitu vatni tengist fyrst
og fremst upphitun húsnæðis, en
þegar mikil önnur notkun, eins og
böð, matseld og þvottar, bætist við
koma toppar fram á mælum Orku-
veitunnar. Algengt er að morg-
untoppur komi milli klukkan 7 og 8
þegar fólk fer í sturtu. Um helgar
tekur fólk hins vegar lífinu með ró
og þá er þessi morguntoppur síðar
og jafnvel ekki fyrr en undir hádegi
þegar kalt er í veðri. Virka daga eru
topparnir oft síðdegis eða um kvöld-
mat og þá tengdir þvottum, matseld
og líkamsrækt.
Síðustu daga í yfirstandandi
kuldakasti hafa dagstopparnir hins
vegar komið á mismunandi tímum. Í
gær var til dæmis meiri notkun í há-
deginu en um morguninn. Ekki hafði
Eiríkur skýringu á því, en benti á að
hugsanlega tengdist það sjálfvirkum
hitunarkerfum, sem auka inn-
streymi ef kæling eykst.
Mest í desember og janúar
Svo talað sé um orkunotkun aðra
daga þá er ævinlega mikil notkun
síðdegis á aðfangadag. Ef hlýtt er í
veðri miðað við árstíma þarf hún
hins vegar ekki að verða miklu meiri
en notkun á venjulegum köldum jan-
úardegi. Mest af heitu vatni er notað
í desember og janúar.
Langmest af heitu vatni sem not-
að er hjá viðskiptavinum Orkuveit-
unnar í Reykjavík, Mosfellsbæ,
Kópavogi, Garðabæ, Álftanesi og
Hafnarfirði kemur frá Nesjavöllum
og úr Reykjadal.
Meiri orka í heita vatn-
inu en frá Kárahnjúkum
 Notkun á mánudagskvöld nálægt toppnum frá 2008
 Morguntopparnir undir hádegi á köldum helgardegi
Heitavatnsnotkun á höfuðborgarsvæðinu eftir mánuðum
(í þúsundum rúmmetra)
Des. Janúar Febrúar Mars Apríl Maí Júní Júlí Ágúst Sept. Okt. Nóv.
2010 2011 2011 2011 2011 2011 2011 2011 2011 2011 2011 2011
8.341 8.580 7.508 8.646 6.633 5.197 4.113 3.415 3.616 4.247 6.228 6.722
Hvaðan kom vatnið
í nóvember 2011?
Laugarnessvæði 6%
Elliðaárdalur 3%
Reykjadalur í Mosfellssveit 38%
Nesjavallavirkjun 39%
Hellisheiðarvirkjun 14%
6% 3%
38%39%
14%
Nokkrir „toppar“ í
heitavatnsnotkun (m3/sek.)
Aðfangadagur 2010
Reykjavík og nágrenni
16.000
14.000
12.000
10.000
8.000
6.000
4.000
2.000
0
1.600
1.400
1.200
1.000
800
600
400
200
0
kl. 16.40
00.01 23.59
Kalt vatn (l/sek.)
Heitt vatn (m3/sek.)
16.000
14.000
12.000
10.000
8.000
6.000
4.000
2.000
0
2008 2010 2011
15.750
14.716 15.100
2.
fe
br
úa
r
m
ill
ik
l.
10
og
11
að
m
or
gn
i
24
.d
es
em
be
r
kl
.1
6.
40
5.
de
se
m
be
r
m
es
ta
no
tk
un
að
kv
öl
di
da
gs
Morgunblaðið/Sverrir
Orka Nesjavellir og Reykjadalur í Mosfellssveit skaffa íbúum höfuðborg-
arsvæðisins mest af því heita vatni sem yljar á köldum vetrardögum.