Morgunblaðið - 17.01.2012, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 17. JANÚAR 2012
Þorrahlaðborð
GERUM VERÐTILBOÐ FYRIR STÆRRI ÞORRABLÓT
(50-500 MANNA)
UPPLÝSINGAR Í SÍMA 822-7005
EÐA VEISLUR@NOATUN.IS
ÞJÓÐLEG
Á ÞORRA
Sviðasulta
Grísasulta
Lifrarpylsa
Blóðmör
Sviðakjammar
Húsavíkur
hangilæri, úrbeinað
Síld, 2 tegundir
Harðfiskur
Hákarl
Rúgbrauð
Flatkökur
Rófustappa
Smjör
Nýmeti
Hrútspungar
Sviðasulta
Lundabaggar
Bringukollar
Lifrarpylsa
Blóðmör
Súr hvalur af
langreyð
Súrmeti
Valið saltkjöt með
uppstúf og kartöflum
Lambapottréttur
með kartöflumús
Heitir réttir
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti vidsk@mbl.is
Agnes Bragadóttir, fréttastjóri, agnes@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is Víðir Sigurðsson,
vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Marta María Jónasdóttir fréttastjóri dægurmála martamaria@mbl.is Prentun Landsprent ehf.
Rúnar Pálmason
runarp@mbl.is
Hildur Ólafsdóttir, 21 árs starfsmaður á veitinga-
staðnum Austur í Reykjavík, brann illa á hendi og
handlegg á laugardag þegar eldur blossaði upp í et-
anóleldstæði á veitingastaðnum. Þetta var ekki í
fyrsta skipti sem eldur hafði blossað upp úr eld-
stæðinu þegar verið var að kveikja upp í því.
Hildur var í fullu starfi á veitingastaðnum frá
september og til síðastliðinna áramóta. Þá byrjaði
hún í námi og það sem eftir lifði vetrar ætlaði hún að
ganga vaktir, aðra hverja helgi. Hún hafði oft fyllt á
etanóleldstæðin á staðnum, líkt og hún gerði um
sexleytið á laugardag en jafnan er kveikt upp í þeim
um það leyti, áður en kvöldverðargestir koma inn á
staðinn.
Etanólið er sett í raufar á eldstæðunum og síðan
er kveikt í með löngum kveikjara þannig að það
kvikni í efsta lagi etanólsins. Í samtali við Morg-
unblaðið sagði Hildur að um leið og hún bar eld að
eldstæðinu hefði komið „eldblossi og rosalegur
hvellur“.
Við sprenginguna slettist logandi etanól á Hildi
og í skamma stund stóð handarbakið og handlegg-
urinn í ljósum logum. Önnur starfskona á staðnum
hrópaði þá að Hildi að kasta sér í gólfið og velta sér
til að slökkva eldinn og það gerði Hildur. Sam-
starfsmenn hennar hlúðu síðan að henni, bundu sér-
stakan svamp með brunageli utan um handlegginn
og yfirmaður á staðnum ók henni síðan upp á slysa-
deild í Fossvogi.
„Þetta gerðist rosalega hratt, þetta var mikið
sjokk,“ sagði Hildur og tekur fram að læknar á
slysadeildinni hafi hrósað starfsfólkinu fyrir rétt
viðbrögð við brunanum.
Háir henni við námið
Hildur hlaut 1. og 2. stigs brunasár, frá fingur-
gómum og upp að olnboga. Einnig fékk hún bruna-
sár á maga og hár hennar sviðnaði. Hún lá enn inni
á spítalanum í gærkvöldi en fær líklega að fara heim
á næstu dögum. Hildur gerir sér ekki grein fyrir
hvað orsakaði sprenginguna. Enginn eldur var í
eldstæðinu fyrir, því þá hefði eldurinn væntanlega
blossað upp um leið og hún hellti eldsneytinu í rauf-
arnar.
„Þetta hefur gerst áður, að það hafi orðið spreng-
ing. En í hin tvö eða þrjú skiptin hefur eldurinn
blossað upp í hina áttina,“ sagði Hildur. Hún hefði
ekki sjálf séð eldinn blossa upp áður en heyrt hjá
öðru starfsfólki að eldurinn hefði blossað upp þegar
verið var að kveikja upp í eldstæðunum og m.a.
kviknað í vegg af þeim sökum.
Hildur hóf nám í Hússtjórnarskólanum í Reykja-
vík fyrir viku og ætlaði að vinna á Austur til að
greiða skólagjöldin. Brunasárin munu há henni
verulega við námið, a.m.k. næstu 2-3 vikur, enda er
erfitt að baka, elda, prjóna sokka og vefja teppi með
aðra höndina í umbúðum. Hún er þó viss um að hún
geti klárað önnina. „Ég finn örugglega einhverja
leið til þess,“ sagði hún.
Slysið á veitingastaðnum minnir um margt á
sprenginguna sem varð þegar Margrét Sverrisdótt-
ir fyllti á etanóleldstæði á heimili sínu í Kópavogi 12.
desember síðastliðinn. Hún hlaut reyndar áverka
víðar, m.a. í andliti, og þurfti að liggja á sjúkrahúsi í
þrjár vikur. Í samtali við Morgunblaðið í gær sagð-
ist hún óðum vera að ná sér. Hún verður hins vegar
að forðast sól og kulda í tvö ár, að öðrum kosti verði
húðin flekkótt.
Hús hennar stórskemmdist í eldinum sem kvikn-
aði við sprenginguna og etanóleldstæði verður ekki
komið fyrir á nýjan leik. „Nei, þetta fer beint í rusl-
ið,“ sagði hún. Að sögn Margrétar hefur rannsókn
lögreglu ekki leitt orsök sprengingarinnar í ljós.
Eldblossi og rosalegur hvellur
 Hlaut 1. og 2. stigs brunasár á handlegg þegar eldur blossaði upp í etanóleldstæði á veitingastað
 Hafði heyrt frá samstarfsmönnum að slíkt hefði gerst áður eftir að fyllt hafði verið á eldstæðin
Morgunblaðið/Kristinn
Sjúkralega Húð flettist af handlegg Hildar Ólafsdóttur og hún fékk miklar blöðrur.
Umhleypingasamt hefur verið um allt land síðustu daga
og spáð er asahláku á suðvesturhorni landsins um næstu
helgi, hina þriðju í röð. „Lægðirnar hringsóla yfir land-
inu, koma og fara ótt og títt og þannig verður þetta alla
vikuna,“ segir Einar Sveinbjörnsson veðurfræðingur
sem gerir ráð fyrir að í vikunni verði yfir landi lægðir
þar sem mætist kuldi frá Grænlandi og mildara loft
sunnan úr Atlantshafi. Það muni því talsvert ganga á uns
komið er fram að helgi – þegar gert er ráð fyrir rigningu
í Reykjavík og allt að fimm stiga hita. sbs@mbl.is
Umhleypingar og asahláka um helgina
Morgunblaðið/Sigurgeir S.
Lægðirnar hringsóla yfir landinu alla vikuna
Nýr bæjarstjóri í Kópavogi mun ekki koma úr röðum pólitískt kjörinna
fulltrúa. Það var niðurstaða fundar fulltrúa meirihlutans í Kópavogi í gær.
Guðrún Pálsdóttir sem ráðin var bæjarstjóri eftir síðustu sveitar-
stjórnarkosningar nýtur ekki lengur trausts allra fulltrúa meirihlutans.
Guðríður Arnardóttir, oddviti Samfylkingarinnar og formaður bæjarráðs,
kýs að tjá sig ekki um málefni bæjarstjórans fyrr en fulltrúar meirihlutans
hafa náð að funda með Guðrúnu um starfslok hennar sem bæjarstjóra.
Guðrún er enn starfandi bæjarstjóri. Hún vildi ekki tjá sig um málið,
þegar leitað var eftir hennar afstöðu í gærkvöldi.
Bæjarfulltrúar sjálfstæðismanna í bæjarráði segja að bæjarfulltrúar og
bæjarbúar eigi heimtingu á að vita hvað varð til þess að bæjarstjóra var
sagt upp störfum. Hafa þeir óskað eftir aukafundi í bæjarráði í dag til að fá
upplýsingar um málið.
Bæjarstjóri ekki úr röðum bæjarfulltrúa
Slysið á Austur á laugardag er í
það minnsta þriðja slysið af völd-
um etanóleldstæða frá 2010. Þá
varð slys á Selfossi árið 2010 og
síðan í Kópavogi í desember í
fyrra, í öllum tilvikum í kjölfar
þess að bætt var á eldstæðin.
Hugsanleg skýring er að eld-
stæðin hafi verið heit þegar fyllt
var á þau. Við það getur etanólið
gufað upp og myndað gas sem
springur þegar eldur er borinn að.
Guðmundur Gunnarsson, yfir-
verkfræðingur hjá Mannvirkja-
stofnun, segir einnig nokkuð um
að fólk hringi til stofnunarinnar í
kjölfar þess að legið hafi við slysi
af völdum þessara eldstæða.
„Fólk þarf að fara mjög varlega,“
segir hann. Þá bendir hann á að
fólk verði að gæta vel að loftræst-
ingu við eldstæði því eldurinn
brenni súrefni og þá sé hætta á
köfnun. Eldstæði eigi ekki að
nota í rými sem er minna en 50
rúmmetrar, um 20-25 fermetra
herbergi, og gæta að því að hafa
opinn glugga.
Settar hafa verið leiðbeiningar
um notkun etanóleldstæða á vef
Mannvirkjastofnunar og ætlunin
er að gera þær enn ítarlegri. „Því
þetta er farið að gerast óþægi-
lega oft,“ segir Guðmundur.
Óþægilega
algengt
LOFTRÆSTING NAUÐSYN