Morgunblaðið - 17.01.2012, Blaðsíða 6

6 FRÉTTIRInnlent
MORGUNBLAÐIÐ ÞRIÐJUDAGUR 17. JANÚAR 2012
Ingvar Pétur Guðbjörnsson
ipg@mbl.is
Ósk Bandalags íslenskra farfugla
þess efnis að samtökin fái að inn-
rétta 120 ný gistirými á þremur
efstu hæðum hússins í Bankastræti
7 var tekin fyrir á fundi skipulags-
ráðs Reykjavíkur í síðustu viku þar
sem afgreiðslunni var frestað.
Samkvæmt upplýsingum frá
Markúsi Einarssyni, fram-
kvæmdastjóra Farfugla, hafa sam-
tökin fest kaup á umræddu húsnæði
í Bankastræti 7, með fyrirvörum,
m.a. um leyfismál.
Stefnt er á að hefja rekstur í
húsinu í ársbyrjun 2013
Gangi hvorttveggja eftir er reikn-
að með að samtökin fái húsið afhent
um mánaðamótin maí/júní og að
breytingar á því hefjist í
framhaldinu, en fram til
þessa hefur húnæðið verið
nýtt undir skrifstofur og
því þörf á nokkrum endur-
bótum sem taka munu 4-6
mánuði. Markús segir að
samtökin stefni að því að
hefja rekstur farfugla-
heimilisins í byrjun árs
2013.
„Krakkarnir sem starfa í Röskvu
núna buðu mér þetta sæti, þ.e. heið-
urssætið á listanum, og mér fannst
bara vel við hæfi að verma það fyrst
ég er í háskólanum í vetur og sömu-
leiðis fallegt af þeim að bjóða mér
það,“ segir Þórunn Sveinbjarnar-
dóttir, fyrrverandi umhverfisráð-
herra og fyrrverandi þingmaður
Samfylkingarinnar, en hún vermir
nú 18. sæti framboðslista Röskvu til
stúdentaráðs Háskóla Íslands. Að
sögn Þórunnar er hún ekki á leið-
inni aftur í stúdentapólitíkina.
Þórunn var fyrsti formaður
Röskvu, Samtaka félagshyggju-
fólks við Háskóla Íslands, en sam-
tökin voru stofnuð árið 1988 þegar
Félag vinstri manna og Umbóta-
sinnar sameinuðust í eitt stúd-
entaframboð. Þórunn, sem sagði af
sér þingmennsku 5. september síð-
astliðinn, stundar nú nám í siðfræði
við Háskóla Íslands.
„Röskvu hefur gengið vel í gegn-
um tíðina og hún innleiddi eigin-
lega nýtt líf í íslenska stúdenta-
pólitík og hún hefur uppfyllt
drauma okkar sem stofnuðum
hana, þannig að Röskva er gott fé-
lag sem á langa framtíð fyrir sér,“
segir Þórunn aðspurð hvernig
henni þyki Röskva hafi staðið sig í
stúdentapólitíkinni gegnum árin.
Þórunn hvetur Röskvuliða til þess
að halda áfram sinni góðu baráttu
fyrir bættum kjörum stúdenta og
öflugri og sterkari háskóla.
Þórunn í fram-
boði til SHÍ
 Fyrsti formaður Röskvu og fyrrver-
andi ráðherra skipar nú heiðurssæti
Morgunblaðið/Sverrir
Heiðurssæti Þórunnn vermir heið-
urssæti framboðslista Röskvu í ár.
Helgi Bjarnason
helgi@mbl.is
Trúnaðarráð VR samþykkti eftir miklar um-
ræður í gærkvöldi tillögu stjórnar um að nýta
ekki uppsagnarákvæði vegna vanefnda á
kjarasamningum félagsins. Hins vegar var
samþykkt að fela stjórn félagsins að beita sér
fyrir friðsömum mótmælum við Alþingi.
„Við teljum að Samtök atvinnulífsins hafi
staðið við sinn hluta og að mikilvægt sé að okk-
ar fólk fái umsamdar hækkanir í sinn vasa,“
segir Stefán Einar Stefánsson, formaður VR.
„Við teljum að það sé of mikil áhætta að segja
upp samningum þar sem við teljum ólíklegt að
ríkisstjórnin taki sönsum og efni þau loforð
sem enn hefur ekki verið staðið við.“
Tillagan var samþykkt með 36 atkvæðum
gegn 8 en 3 sátu hjá. Þeir sem greiddu atkvæði
á móti vildu láta sverfa til stáls.
Í yfirlýsingu sem trúnaðarráðið samþykkti
segir að það sé óþolandi að fjölmennasta stétt-
arfélag landsins geti ekki treyst yfirlýsingum
sem ríkisstjórnin gefur frá sér. Það lýsi alvar-
legum trúnaðarbresti sem ekki verði við unað.
Trúnaðarráðið krefst þess að ríkisstjórnin
bæti tafarlaust úr vanefndum. Meðal annars er
nefnt loforð um að hækkun bóta almanna-
trygginga haldist í hendur við hækkun lægstu
launa og að horfið verði frá „ósanngjarnri og
vanhugsaðri skattlagningu á lífeyrissjóði fólks-
ins í landinu.“ Telur ráðið að það feli að öllum
líkindum í sér brot á jafnræðisreglu stjórnar-
skrár.
Mótmælastaða við Alþingi
Samþykkt var að hvetja stjórn VR til að efna
til friðsamlegrar mótmælastöðu við Alþingi
einhvern næstu daga vegna svika ríkisstjórn-
arinnar á loforðum. Stefán Einar á von á því að
leitað verði eftir samstöðu meðal stéttarfélaga
og atvinnurekenda um slíkar aðgerðir. Taldi
hann að það gæti gerst í tengslum við lokadag
uppsagnar kjarasamninga sem er á föstudag.
Undirbúa mótmæli við Alþingi
 Trúnaðarráð VR samþykkti að segja ekki upp samningum þótt ríkisstjórnin hafi ekki staðið við sitt
 Segir alvarlegan trúnaðarbrest hafa orðið vegna vanefnda ríkisstjórnarinnar á loforðum
Morgunblaðið/Golli
Fundað Stefán Einar Stefánsson, formaður VR, undirbýr ræðu sína fyrir trúnaðarmannafund.
Athygli vekur sú aukning á gistirýmum sem orðið hefur og er í píp-
unum í miðborginni. Erna Hauksdóttir, framkvæmdastjóri Samtaka
ferðaþjónustunnar, segir að árið 2011 hefðu verið opnuð tvö hótel í
miðborginni, annars vegar City Center-hótel í Austurstræti með 30
herbergi og hinsvegar Hótel Klettur í Mjölnisholti, sem samanstendur
af 86 herbergjum.
100 herbergi tekin í notkun í apríl 2012
Í apríl 2012 mun enn fjölga gistirýmum í miðborginni þegar Ice-
landair-hótel Marina verður opnað með 100 herbergjum.
Erna segir það eina hótelið sem hún viti af sem verði opnað í
miðborginni á árinu 2012. Þessu til viðbótar eru fleiri hótel í
undirbúningi, s.s. við tónlistarhúsið Hörpu og við Ingólfstorg.
Icelandair-hótel opnuð í apríl
STÖÐUG FJÖLGUN GISTIRÝMA Í REYKJAVÍK
Erna
Hauksdóttir
Full þörf á auknu gistirými
Aðspurður segir Markús rekstur-
inn ganga vel og að full þörf sé á við-
bót við þau gistirými sem samtökin
reki í höfuðborginni, en þau eru í
dag á tveimur stöðum, á Vesturgötu
og í Laugardal.
Um ástæður frestunarinnar segir
hann að málið sé í eðlilegum farvegi
og að hann sé bjartsýnn á að það fái
jákvæða afgreiðslu, enda samræmist
áformin stefnu Reykjavíkurborgar í
uppbyggingu ferðaþjónustu. Auk
þess sem húsið sé skilgreint undir
atvinnustarfssemi á aðalskipulagi.
Á vegum Bandalags íslenskra far-
fugla eru rekin 36 gistiheimili hring-
inn í kringum landið, en samtökin
bjóða upp á ódýra gistingu þar sem
lögð er áhersla á „sjálfsþjónustu“ á
sem flestum sviðum.
Morgunblaðið/Ómar
Farfuglaheimili Bankastræti 7, til hægri á myndinni, þar sem Bandalag íslenskra farfugla áformar að hefja rekstur
farfuglaheimilis á efri hæðum hússins í ársbyrjun 2013. Samtökin reka fyrir tvö önnur farfuglaheimili í borginni.
120 gistirými til við-
bótar í miðborginni
 Farfuglar vilja inn á efri hæðir hússins í Bankastræti 7
Sigursteinn Gíslason
knattspyrnumaður lést
á Landspítalanum í
gær eftir erfið veikindi.
Hann var einn sigur-
sælasti knatt-
spyrnumaður þjóðar-
innar.
Sigursteinn fæddist
25. júní 1968. Hann hóf
ungur iðkun knatt-
spyrnu hjá KR. Hann
hóf að leika með meist-
araflokki ÍA 1988 og
lék næsta áratuginn á
Akranesi. Var Sigur-
steinn einn af lykilmönnum í liði
Skagamanna sem vann Íslands-
meistaratitilinn fimm ár í röð og
varð tvívegis bikarmeistari. Lék
hann 335 leiki með ÍA og skoraði í
þeim 41 mark.
Hann flutti til Reykjavíkur árið
1999 og lék með KR til ársins 2003.
Þar bætti hann við fjórum Íslands-
meistaratitlum með meistaraflokki
KR auk bikarameistaratitils. Fyrsta
ár hans vann KR
meistaratitilinn eftir
rúmlega þrjátíu ára
hlé.
Hann vann því alls
níu meistaratitla í
efstu deild og þrjá bik-
armeistaratitla, auk
fjölmargra mótasigra í
öðrum keppnum. Þá
reyndi hann fyrir sér í
atvinnumennsku, hjá
Stoke á Englandi.
Sigursteinn lék 22
landsleiki. Hann var
kjörinn leikmaður árs-
ins í íslenskri knattspyrnu árið
1994.
Sigursteinn var aðstoðarþjálfari
hjá KR og Víkingi þar sem hann
lauk knattspyrnuferlinum. Hann
var aðalþjálfari hjá Leikni í Reykja-
vík á árunum 2009 til 2011.
Eiginkona Sigursteins er Anna
Elín Daníelsdóttir og eiga þau þrjú
börn, Magnús Svein, Unni Elínu og
Teit Leó.
Andlát
Sigursteinn Gíslason