Morgunblaðið - 17.01.2012, Blaðsíða 11

Náttúran Fallegt er á Vestfjörðum og tilvalið að hjóla þar um ýmsar leiðir, sérstaklega á sumrin.
fyrst séð ljósið þegar ég fékk lánað
reiðhjól hjá honum frænda mínum.
Þá rifjaðist upp fyrir mér hvað það
er meiriháttar samgöngutæki og
yndisleg hreyfing sem reynir jafnt á
alla liði og er mátulegt átak. Við
eigum nú bíl en það kemur fyrir að
hann standi vikum eða mánuðum
saman óhreyfður. Enda ekki mikið
við hann að gera hérna í innanbæj-
arsnatti á Ísafirði þó að það sé ótrú-
legt hvað fólk notar bílana í slíkt,“
segir Smári sem nú hefur gengið á
flest fjöll á stór Skutulsfjarð-
arsvæðinu en á mörg eftir á Vest-
fjörðum.
Hetjulegar hjólaleiðir
Í dag fer Smári flestra sinna
ferða hjólandi og hefur nagla undir
hjólinu yfir veturinn. Þannig segir
hann að honum séu flestar leiðir
færar. Hann hefur hjólað allar þær
leiðir sem finna má í bókinni og
sumar oftar en einu sinni.
„Það eru margar býsna góðar
leiðir hér í kring. Þetta eru ekki
endalausar torfærur en þær eru al-
gengar því Vestfirðir eru þannig
hannaðir. Setji maður sér það
markmið að hjóla í hring lendir
maður í torfærum á flestum leið-
unum. Hjá því verður ekki komist
þar sem hringleiðir á Vestfjörðum
eru þannig að annars vegar er þetta
flatlendi með sjó fram og hins vegar
heiðar sem maður paufast yfir til að
komast í næsta fjörð. Það er því
nokkuð um hetjulegar leiðir í þess-
ari bók. Það fer eftir því í hvaða
stemningu ég er hvaða leið er í
uppáhaldi hjá mér. Myndin af mér í
brattanum er t.d. tekin í Árnes-
hreppi og er næsterfiðasta leiðin
því hún er bæði löng og ströng. En
þetta er um leið ofboðslega fallegt
svæði og fjölbreytilegt. Akkúrat á
hinum endanum er svo auðveldasta
leiðin, í Önundarfirði, og þangað
kemst ég daglega ef ég vil. Það tek-
ur rétt rúman klukkutíma að hjóla
þann hring um fallegt svæði. Svo
verður maður að minnast á svokall-
aðan Svalvogahring sem er vett-
vangur Vesturgötunnar. Það er vin-
sælt víðavangshlaup sem haldið er á
sumrin og um leið er haldin þar
hjólreiðakeppni. Þetta er leið sem
hægt er að mæla með fyrir alla,“
segir Smári.
Smakkar á lækjunum
Hjólabókin um Vestfirði er að-
eins sú fyrsta í röð fleiri bóka og
ætlar Smári sér að fara um landið
og gefa út fleiri bækur með dagleið-
um í hring á hjóli. Hann segist því
ekki sjá fram á að njóta náttúru-
paradísar Vestfjarða að neinu ráði
næstu sjö til átta árin enda er heil-
mikið verkefni framundan.
„Þessar bækur eiga að vera
sería leiðarvísa með dagleiðum á
hjóli um landið allt. Ísland er fullt
af möguleikum fyrir hjólreiðafólk.
En til að setja mér viðráðanlegt
markmið lýsi ég þeim leiðum sem
hægt er að fara á einum degi og þá
hringleiðum. Hringleiðin hefur það
fram yfir leiðina fram og til baka að
að jafnaði sér maður helmingi
meira á þannig leið. Þá eru meiri
líkur á einhverju réttlæti hvað veðr-
ið varðar og ekki sífelldur mót-
vindur,“ segir Smári. Í hjólaferðum
segir Smári mikilvægt að hafa með
sér viðgerðarsett og jafnvel auka-
slöngu. Nesti tekur hann líka með
allt eftir því hvað leiðirnar eru lang-
ar og skjólfatnað enda allra veðra
von.
„Vatnsflösku hef ég alltaf en á
ferðum mínum hef ég undantekn-
ingarlítið getað fyllt á hana með
fárra tuga metra millibili. Maður
kemst ekki yfir að smakka á öllum
þessum lækjum með góðu vatni,“
segir Smári.
DAGLEGT LÍF 11
MORGUNBLAÐIÐ ÞRIÐJUDAGUR 17. JANÚAR 2012
Í Hjólabókinni er að finna 14
hjólaleiðir á Vestfjörðum. En auk
þeirra skrifar Smári aukakafla
með ýmiss konar útúrdúrum,
möguleikum til gönguferða, öðr-
um hjólaleiðum og náttúru-
laugum. Þá er kafli í bókinni þar
sem Smári skrifar einhvern fróð-
leik um viðkomandi svæði, sem
samgöngusögu hvers svæðis eða
um einhverja markverða atburði
sem þara hafa átt sér stað. Fékk
hann þar í lið með sér einvala lið
yfirlesara til að tryggja að öll ör-
nefni og staðreyndir væru réttar.
Bókin er gefin út af Vestfirska
forlaginu og fékk Smári styrk hjá
menningarráði Vestfjarða sem
varð honum mikil hvatning og er
hann nú byrjaður að þýða bókina
á ensku.
Flestar myndirnar í bókinni eru
eftir Smára en eiginkona hans,
Nína Ivanova, sá um umbrot.
Saga svæðis
og leiðir
HJÓLABÓKIN
Í tilefni af fimmtu Reykjavíkurleik-
unum og 100 ára afmæli ÍSÍ munu
Íþróttabandalag Reykjavíkur og
Íþrótta- og Ólympíusamband Íslands
standa fyrir ráðstefnu í samstarfi við
Háskólann í Reykjavík. Munu fyrir-
lestrarnir fara fram í Háskólanum í
Reykjavík fimmtudaginn 19. janúar.
En ráðstefnan stendur frá klukkan 18
til 21.
Á ráðstefnunni munu þrír erlendir
fyrirlesarar flytja erindi um afreks-
þjálfun. Þeir eru Hans Söndergaard,
lífeðlisfræðingur hjá „Copenhagen
Muslce Research Centre“. Hann er
hvað þekktastur fyrir rannsókn sem
hann gerði til að greina muninn á afr-
ískum og evrópskum langhlaupurum;
Hvað skýrir yfirburði Kenýa í lang-
hlaupum? Hann hefur einnig unnið
ötullega að því hvernig líkamsþjálfun
hjálpar sykursjúkum. Frjálsíþrótta-
þjálfarinn Agne Bergvall mun meðal
annars fjalla um hversu mikilvæg
styrktarþjálfun er fyrir allar íþrótta-
greinar. Þá mun Didier Seyfried, sér-
fræðingur hjá National Sport and
Physical Education Center“ í Frakk-
landi, flytja erindi um hvernig afreks-
maður nýtir krafta sína best.
Ráðstefnustjórar verða þau Þórdís
Gísladóttir, sviðsstjóri íþróttafræða-
sviðs HR, og Viðar Sigurjónsson,
sviðsstjóri þróunar- og fræðslusviðs
ÍSÍ. Fyrirlestrarnir fara allir fram á
ensku. Nánari upplýsingar um ráð-
stefnuna og fyrirlesarana má finna á
hlaup.is en ráðstefnugjald er 1.500
krónur og skráning fer fram á net-
fanginu linda@isi.is.
Ráðstefna um afreksþjálfun
Fróðleg erindi af ýmsum toga
Reuters
Hlauparar Kenýumenn hafa yfirburði í langhlaupum, Geoffrey Kipsang í mark.
Mikilvægt er að fá nóga orku
þegar farið er í göngu- og hjóla-
ferðir. Á vefsiðunni ivillage.com
er að finna þessa girnilegu upp-
skrift að hafrabitum. Skipta má
út púðursykrinum fyrir hrásyk-
ur ef vill og líka bæta út í þurrk-
uðum ávöxtum. Þessir bitar eru
góðir til að setja í nestisboxið
en uppskriftin ætti að duga í 16
bita.
Hafrabitar
400 g haframjöl
200 g smjör
200 g hunang eða síróp
200 g púðursykur
Aðferð Bræðið smjörið með
hunanginu eða sírópinu og
sykrinum á vægum hita. Bland-
ið haframjölinu saman við og
bakið í ferningslaga formi við
150° hita í um 40 mínútur.
Skerið síðan í hæfilega stóra
bita.
Mataræði
Morgunblaðið/Kristinn Ingvarsson
Nesti Mikilvægt er að hafa nóg með sér til að
fylla vel á tankinn.
Orkumiklir hafrabitar