Morgunblaðið - 23.03.2012, Blaðsíða 20

20 FRÉTTIRErlent
MORGUNBLAÐIÐ FÖSTUDAGUR 23. MARS 2012
Molins sagði að Merah hefði tekið
öll morðin upp á myndavél, sem hann
bar á bringunni. Lögregla hefði horft
á upptökurnar og staðfest það.
Að sögn Molins lýsti Merah
ábyrgð á morðunum á hendur sér.
Hefði hann sagst vera að hefna fyrir
dauða Palestínumanna og verið and-
vígur inngripi franska hersins í Afg-
anistan og banni í Frakklandi við því
að hylja andlit sitt með slæðum.
Molins sagði að Merah hefði tvisv-
ar farið til Waziristans, sem nær yfir
landamæri Afganistans og Pakist-
ans, og hlotið þjálfun hjá al-Qaeda.
Hann hefði verið handtekinn í Afgan-
istan og Bandaríkjamenn hefðu sent
hann aftur til Frakklands.
Yfirvöld í Afganistan og Pakistan
sögðu hins vegar við eftirgrennslan
AFP að þau hefðu engin gögn um
ferðir Merahs.
Samtökin Jund al-Kilafah, sem
tengjast al-Qaeda, lýstu í gær yfir
ábyrgð á morðunum í Frakklandi, að
sögn samtakanna SITE, sem vakta
miðla íslamskra öfgasamtaka.
Gagnrýni á yfirvöld
Franska lögreglan og leyniþjón-
ustan voru í gær gagnrýnd fyrir að
hafa brugðist með því að fylgjast
ekki með Merah. Eftir á að hyggja
hefði grunur átt að beinast að hon-
um. Hann hafði minnst 15 sinnum
verið dæmdur fyrir smáglæpi og
beitt ofbeldi í nokkur skipti. Hann
varð að róttækum íslamista og hlaut
þjálfun í Waziristan. Frönsk yfirvöld
þekktu til Merahs og bróður hans
vegna þess að þeir aðhylltust bók-
stafshugmyndir salafista.
Í einni blaðafrétt sagði að árið
2010 hefði Merah þvingað ungling til
að horfa á myndbönd þar sem liðs-
menn al-Qaeda hálshjuggu gísla sína.
Þegar móðir drengsins kvartaði
gekk Merah í skrokk á henni og
þurfti hún að liggja á sjúkrahúsi í
nokkra daga.
Síðar birtist Merah fyrir utan
heimili konunnar klæddur her-
mannafötum með sverð á lofti og
hrópaði: „Ég er liðsmaður al-Qaeda.“
Málið var kært og mun lögregla
hafa yfirheyrt konuna, en því var
ekki fylgt eftir.
Raðmorðingi
féll í áhlaupi
lögreglunnar
 Hóf skothríð að fyrra bragði og var
skotinn þegar hann stökk út um glugga
Reuters
Gerandinn Mynd af Mohamed
Merah tekin úr myndbandi, sem
franska ríkissjónvarpið sýndi.
BAKSVIÐ
Karl Blöndal
kbl@mbl.is
Franska lögreglan skaut í gær til
bana Mohamed Merah, sem á átta
dögum myrti sjö manns, eftir 32
klukkustunda umsátur í borginni
Toulouse. Þrjú fórnarlambanna voru
Frakkar, sem ættir eiga að rekja til
Norður-Afríku, og fjögur voru
franskir gyðingar, þar af þrjú börn.
Morðin hafa skekið Frakkland. Þar
búa fjölmennustu minnihlutahópar
gyðinga og múslíma í Evrópu.
Lögreglan réðst til atlögu seint í
gærmorgun. Merah hafði læst sig
inni á klósetti í íbúð sinni. Að sögn
lögreglu ruddist hann skyndilega
þaðan út og skaut á lögreglumennina
áður en hann stökk út um glugga á
íbúðinni, sem er á fyrstu hæð.
Skyttur sérsveitar lögreglunnar
skutu Merah er hann reyndi að flýja
og var hann látinn þegar hann féll til
jarðar, að sögn heimildarmanns
frönsku fréttastofunnar AFP.
Fyrirskipað að taka Merah á lífi
Francois Molins yfirsaksóknari
sagði í gær að sérsveitarmönnunum
hefði verið fyrirskipað að skjóta ekki
að fyrra bragði og taka Merah á lífi.
Hann hefði hins vegar hafið skothríð
og látist þegar hann fékk byssukúlu í
höfuðið. Lögreglan hefði skotið á
hann í sjálfsvörn. Fimm lögreglu-
menn særðust í aðgerðunum í gær og
fyrradag, einn alvarlega.
Merah ræddi við samningamenn
lögreglunnar meðan á umsátrinu stóð
og hélt því fram að hann hefði framið
morðin samkvæmt fyrirmælum
hryðjuverkasamtakanna al-Qaeda.
Flökkuhundur gengur fram hjá hegrum innan um sorp
og rusl í ánni Brahmaputra í Gauthai á Indlandi. Að
mati Sameinuðu þjóðanna hefur einn maður af hverjum
sex í heiminum ekki aðgang að 20 til 50 lítrum af fersk-
vatni, sem þarf á dag til að tryggja grunnþarfir til
drykkjar, matreiðslu og þrifa. Talið er að fólksfjölgun
og aukin kjötneysla muni enn auka álag á forðabúr
vatns í heiminum.
AP
Milljónir líða fyrir vatnsskort
makes a difference
F A G M E N N S K A A L L A L E I Ð
Skeifan 3 E-F • 108 Reykjavík • Sími 581 2333 • rafver.is
Vatnsdælur
Neysluvatnsdælur, brunndælur, borholudælur
Hentugar á heimilið, í garðinn, sumarhúsið eða bátinn
GP 60
Garðdæla fyrir
aukinn þrýsting
BPP 4500
Dæla með þrýstikút
og þrýstijafnara
SPP 6D Inox
Ryðfrí og öflug
borholu- og
brunndæla
SDP 9500
Dæla -
fyrir óhreint vatn
SCD 12000
Dæla - fyrir ferskvatn.
Stillanlegur vatnshæðarnemi
S
tillanlegur
vatnshæ
ðarnem
i
Bamako. AFP. | Uppreisnarhermenn
héldu því fram í gær að þeir hefðu
tekið völdin af „vanhæfri ríkisstjórn“
Malí og tilkynntu í sjónvarpi að
stjórnarskrá Afríkuríkisins hefði
verið afnumin og stofnanir þess
leystar upp. Kváðust þeir hafa látið
til skarar skríða vegna vanhæfi
stjórnvalda til að taka á uppreisn
þjóðflokks turaega í norðri og
spyrna við hryðjuverkum.
Fram kom að leiðtogi valdaræn-
ingjanna heitir Amadou Sanogo,
yfirmaður úr hernum. Kveðst her-
foringjastjórnin ætla að koma lýð-
ræðislega kjörnum forseta til valda
þegar öryggi landsins hefur verið
tryggt.
Hermennirnir lögðu undir sig for-
setahöllina í Bamako, höfuðborg
Malí, og tóku nokkra ráðherra hönd-
um. Ekki var hins vegar vitað hvar
Amadou Toumani Toure forseti væri
niðurkominn.
Kosningar áttu að fara fram í Malí
í lok apríl og sóttist Toure, sem hefur
setið tvö kjörtímabil, ekki eftir end-
urkjöri. Sjálfur leiddi Toure valda-
rán árið 1991. Hann var kjörinn for-
seti 2002 og endurkjörinn 2007.
Talað hefur verið um að lýðræði hafi
dafnað í Malí undir hans forustu.
Frá því að Malí fékk sjálfstæði frá
Frökkum hafa touaregar oft gert
uppreisn. Upp á síðkastið hafa
stjórnvöld landsins einnig þurft að
kljást við samtök al-Qaeda í Norður-
Afríku, AQIM.
Margir touaregar höfðu flúið
þurrka og óánægju til að vinna fyrir
Moammar Gaddafi í Líbíu. Þaðan
sneru þeir gráir fyrir járnum og
hertir í bardögum eftir að Gaddafi
féll og um miðjan janúar hófu þeir
nýja uppreisn. 200 þúsund manns
hafa flosnað upp vegna átakanna og
stjórn Malí verið harðlega gagnrýnd.
Evrópusambandið skoraði í gær á
uppreisnarhermennina að taka
stjórnarskrána upp á ný sem fyrst
og Frakkar hvöttu þá til að láta kjósa
hið fyrsta í landinu.
Uppreisnarmenn
taka völdin í Malí
 Bera við vanhæfri ríkisstjórn
AFP
Valdarán Valdaræningjar í Malí
lýsa yfir útgöngubanni í Bamako.