Morgunblaðið - 30.03.2012, Page 25

UMRÆÐAN 25
MORGUNBLAÐIÐ FÖSTUDAGUR 30. MARS 2012
Grein undirritaðs
um greiðsluþátttöku
heimilismanna hjúkr-
unarheimila í dval-
arkostnaði sem birtist
í Morgunblaðinu sl.
þriðjudag vakti
nokkra athygli. Flestir
sem hafa tjáð sig um
málið eru þeirrar
skoðunar að greiðslu-
fyrirkomulagið sé
óheppilegt. Þar er þó
undantekning á og mér sýnist á
viðbrögðum velferðarráðherra að
hann sé sáttur við núverandi fyr-
irkomulag. Ráðherrann líkir þess-
ari innheimtu við það sem sjúkra-
hús þurfa að rukka sjúklinga sína
um vegna ýmiskonar heilbrigð-
isþjónustu sem þeir fá á sjúkra-
húsum landsins. Veigamikill mun-
ur er á þessu tvennu. Í fyrsta lagi
eru greiðslur sjúklinga fyrir lækn-
isþjónustu á sjúkrahúsum í nær
öllum tilvikum mjög lágar og fáar
og þar af leiðandi mjög lítill hluti
heildartekna viðkomandi sjúklings,
en greiðslur fyrir dvöl á hjúkr-
unarheimili geta numið rúmum 311
þúsund krónum á mánuði.
Sú upphæð getur numið tæplega
83% af heildartekjum viðkomandi
heimilismanns frá því hann flytur á
hjúkrunarheimilið og til æviloka. Í
öðru lagi þá hagar því þannig í
mörgum tilvikum að það eru að-
standendur heimilismannsins sem
sjá um fjármál hans.
Ég veit um mörg tilvik þar sem
þessir aðstandendur kjósa ýmist
að draga þessar greiðslur til hjúkr-
unarheimilanna verulega eða neita
hreinlega að borga og nota þessa
fjármuni að því er virðist í eigin
þágu. Þetta eru því síður en svo
sambærilegir hlutir.
Heiðarleiki
Ég tek hatt minn of-
an fyrir heiðarleika vel-
ferðarráðherra þegar
hann segir núverandi
greiðslufyrirkomulag
vera hið ágætasta. Með
þeirri yfirlýsingu stað-
festir hann með afger-
andi hætti að það hefur
væntanlega aldrei stað-
ið til að standa við þau
orð Jóhönnu Sigurð-
ardóttur sem hún lét
falla í ræðustól Alþing-
is haustið 2007 um að breyta bæri
þessu greiðslufyrirkomulagi: „mun
ég láta skoða hvort ekki sé rétt að
endurmeta greiðslufyrirkomulag
þeirra sem dveljast á hvers kyns
þjónustustofnunum aldraðra þannig
að horfið verði frá fyrirkomulagi
svokallaðra vasapeninga yfir í eðli-
legt greiðslufyrirkomulag. Mér hafa
borist fréttir af því að þar sé víða
pottur brotinn og þetta vil ég skoða
sérstaklega. Við hljótum að geta
endurmetið á hverjum tíma hvort
endilega eigi að halda í úrelt fyr-
irkomulag sem fólkið sjálft er ósátt
við. Ég á einkum við að gerðar verði
ráðstafanir þannig að lífeyrisþegar
sem kjósa að búa á stofnun haldi í
meira mæli fjárhagslegu sjálfstæði
sínu.“
Allt í plati
Eftir Gísla Pál
Pálsson
ȃg tek hatt minn of-
an fyrir heiðarleika
velferðarráðherra þegar
hann segir núverandi
greiðslufyrirkomulag
vera hið ágætasta.
Gísli Páll
Pálsson
Höfundur er forstjóri og formaður
Samtaka fyrirtækja í heilbrigðisþjón-
ustu.
Ég er húsmóðir og
bý í samfélagi sem mér
þykir ákaflega vænt
um, enda hef ég hvergi
annars staðar viljað
búa. Fólkið er gott upp
til hópa og þótt maður
þekki kannski ekki al-
veg alla, þá er það allt í
lagi. Glæpir eru í lág-
marki og hér hjálpast
allir að ef á þarf að
halda. Ég er auðvitað
að tala um Fjarðabyggð, nánar til-
tekið Neskaupstað.
Ég er komin á sextugsaldurinn og
það er eiginlega bara tvennt sem ég
hræðist hér, annarsvegar eru það
tveir litlir chiuauar sem kona ein virt
hér í bæ á (þeir gera heiðarlega til-
raun til þess að taka bita úr lærum
eða leggjum fólks hvenær sem færi
gefst) hinsvegar er það Oddsskarðið.
Það er leið sem ég vildi ekki aka oft,
enda hef ég ekki farið yfir Oddsskarð
síðan í nóvember sl. Þó á ég systur
sem býr á Eskifirði. En hún er þolin-
mæðin uppmáluð í garð systur sinnar
sem betur fer.
Umferðarþunginn er kapítuli út af
fyrir sig. Hlykkjóttir vegir að göng-
um, bannsett blindhæðin inni í göng-
unum, skyldi maður mæta bíl? Fólks-
bíll, jeppi eða vöruflutningabíll með
tengivagn, húsbíll? Þetta eru fyr-
irkvíðanlegir þættir þegar farið er
um á þessari leið. Kemst maður að
útskoti eða þarf maður að bakka inni
í göngum sem eru svo dimm að þegar
þú ert í bíl með litaða afturrúðu þá
sérðu ekkert aftur fyrir þig? Speglar
koma ekki heldur að gagni vegna
dimmu. Svo nánast það sem eftir er
leiðarinnar er snarbratt niður og
hlykkjótti vegurinn endar ofan í
Eskifirðinum. Þá ertu
líka (ef þú ert eitthvað í
líkingu við mig) nánast
búin/n á taugum og með
hjartað uppi í hálsi. Svo
er fólk hissa á að maður
sé ekki að skreppa yfir
Skarðið að gamni sínu.
Við skulum ekki gleyma
því að það er yfir 632 m
háan fjallveg að fara og
oft eru veðravíti þarna
uppi á fjallinu.
En það var dropinn
sem fyllti bikarinn þeg-
ar rúta, sem var að
flytja fólk til vinnu í álverinu í vetur,
fauk hreinlega út af og valt ein-
hverjar veltur niður fyrir veg! Í bíln-
um var fólk sem ég þekki allt mæta
vel, þar á meðal sonur minn og
tengdadóttir. Ég þakka enn öllum
góðum vættum sem vöktu yfir fólk-
inu þennan dag að ekki fór verr.
Hefði rútan farið út af aðeins nokkr-
um metrum neðar, hefði ekki þurft
að spyrja að leikslokum. Rútan hefði
endað niðri í fjöru og úr þeirri ferð
hefði enginn sloppið lifandi. Það er
fall upp á einhver hundruð metra
þarna niður.
Ég var gjörsamlega stjörf af skelf-
ingu við tilhugsunina eina og reiðin
og sárindin vegna svikinna loforða og
seinkana nýrra ganga blossaði upp.
Undanfarin ár hafa menn og konur
mætt austur á land í atkvæða-
veiðiferðum fyrir kosningar. Allir
hafa lofað og lofað. Við erum búin að
bíða áratugum saman eftir nýjum
göngum, búin að fá loforð a.m.k.
þrisvar og nú er verið að svíkja okkur
í fjórða sinn!
Hvað veldur? Jú, furðuleg for-
gangsröðun. Hef ekkert á móti göng-
um fyrir norðan sem slíkum en
furðulegt finnst mér að þau göng séu
sett fram fyrir okkar undir yfirskini
einkaframkvæmdar. Hvað með okk-
ur hér fyrir austan? Við höfum aðeins
þessa einu leið og ef hún lokast erum
við í djúpum skít. Eini munurinn
virðist vera að þetta kallast rík-
isframkvæmd hér fyrir austan en
einkaframkvæmd með ábyrgð rík-
isins fyrir norðan. Hvílíkur skrípa-
leikur.
Framkvæmd Norðfjarðarganga
var seinkað vegna þess að ríkið vill
ekki þurfa að taka lán til verksins.
Hvernig ætla þeir annars að gera
þetta? Ég spyr bara eins og fávís
kona sem ég er líklega, því ég skil
ekki svona spillingu, vegna þess að
Vaðlaheiðargöng eru spilling og ekk-
ert annað.
Það er tími til kominn að fólk átti
sig á því að við erum einskis virði hér
í Fjarðabyggð í augum ríkisvaldsins
og bara hæf til eins og það er að
þræla áfram svo að ríkið fái sínar út-
flutningstekjur sem koma í ómældu
magni héðan úr Fjarðabyggð.
Undir niðri er ég svo sár fyrir hönd
okkar Fjarðabyggðarbúa að það tek-
ur engu tali. Og ég held ég tali fyrir
munn ansi margra hér með þessum
orðum, að spillingin lifir enn!
Góðar stundir.
Eftir Elínu Önnu
Hermannsdóttur
Elín Anna
Hermannsdóttir
Höfundur er húsmóðir.
»Við erum einskis virði
hér í Fjarðabyggð í
augum ríkisvaldsins og
bara hæf til eins og það
er að þræla áfram svo að
ríkið fái sínar útflutn-
ingstekjur sem koma í
ómældu magni héðan úr
Fjarðabyggð.
Nú er verið að
svíkja okkur í fjórða sinn
- nýr auglýsingamiðill
569-1100 Þarabakki 3 ~ 109 Reykjavík ~ sími 566 6161 ~ curves.is
… Heilsurækt fyrir konur
Æfingin hjá okkur
tekur aðeins 30 mínútur
Það eru alltaf þjálfarar þér til aðstoðar.
Hringdu og fáðu frían prufutíma.
OPNUNARTÍMI EFNALAUG
MÁN - FÖS: 8-18 • LAU: 11-13
OPNUNARTÍMI FATALEIGA
MÁN - FÖS: 13-17 • LAU: LOKAÐ
EFNALAUG OG FATALEIGA GARÐABÆJAR | GARÐATORGI 3 | GARÐABÆ | SÍMI 565 6680 | FATALEIGA.IS
Hröð og vönduð þjónusta.
Fjölskyldufyrirtæki til 27 ára.
Persónuleg þjónusta og hagstætt verð.
ALHLIÐA HREINSUN,
DÚKAÞVOTTUR OG
HEIMILISÞVOTTUR
Minnum á
fermingarfötin