Morgunblaðið - 10.04.2012, Side 18

18 FRÉTTIRErlent
MORGUNBLAÐIÐ ÞRIÐJUDAGUR 10. APRÍL 2012
www.s i ggaog t imo . i s
Kjartan Kjartansson
kjartan@mbl.is
Friðaráætlun Sameinuðu þjóðanna í
Sýrlandi virðist dæmd til þess að mis-
takast eftir hrinu árása sem kostuðu
tugi mannslífa í landinu í gær. Áætl-
unin sem sýrlensk stjórnvöld höfðu
gengist undir átti að taka gildi í dag
með því að stjórnarherinn drægi sig
út úr borgum og bæjum til þess að
hægt væri að hefja viðræður á milli
stríðandi fylkinga.
Bashar al-Assad, forseti Sýrlands,
hafði þegar dregið úr líkum á því að
samkomulagið myndi halda með því
að setja skyndilega fram nýjar kröfur
á sunnudag. Krafðist hann skriflegra
heita frá uppreisnarmönnum um að
þeir létu af árásum og loforða frá er-
lendum ríkjum um að veita þeim ekki
fjárhagslegan stuðning.
Mikið mannfall
Að minnsta kosti 35 óbreyttir borg-
arar eru taldir hafa fallið í fallbyssu-
árás stjórnarhersins í þorpinu
Latmna í Hama-héraði. Þar á meðal
voru fimmtán börn undir 18 ára aldri
og átta konur að sögn mannréttinda-
samtaka í London sem fylgjast með
ástandinu í Sýrlandi. Auk þess segja
samtökin að tólf hermenn hafi fallið í
átökum við uppreisnarmenn nærri
landamærunum við Tyrkland.
Fyrr um daginn höfðu sýrlenskir
hermenn skotið tvo menn til bana
sem voru á leið yfir landamærin til
Tyrklands. Átján aðrir eru sagðir
hafa særst í árásinni.
Síðar skaut sýrlenski herinn yfir
landamærin á flóttamannabúðir í suð-
vesturhluta Tyrklands þar sem sýr-
lenskir flóttamenn hafa hafst við frá
því síðasta sumar. Fimm manns
særðust í skotárásinni, þrír Sýrlend-
ingar og tveir Tyrkir.
Kofi Annan, sérlegur sendifulltrúi
SÞ og Arababandalagsins í málefnum
Sýrlands, er væntanlegur til Tyrk-
lands í dag þar sem hann ætlar að
heimsækja flóttamannabúðir. Talið er
að um 24 þúsund Sýrlendingar hafist
við í slíkum búðum í Tyrklandi.
Þá var líbanskur myndatökumaður
á vegum þarlendrar sjónvarpsstöðvar
skotinn til bana af sýrlenskum her-
mönnum á landamærum landanna
tveggja. Forsvarsmenn sjónvarps-
stöðvarinnar segja að myndatökuliðið
hafi verið sín megin við landamærin
þegar hermennirnir skutu á það.
Standi við samkomulag
Naci Koru, aðstoðarutanríkisráð-
herra Tyrklands, lét hafa eftir sér í
gær að frestur SÞ sem rann út í dag
væri orðinn þýðingarlaus eftir ofbeldi
dagsins. Þá hvöttu kínversk stjórn-
völd bæði stjórn Assads og uppreisn-
armenn til að standa við samkomulag-
ið og vinna með Kofi Annan til að ná
pólitískri lausn til að binda enda á
átökin.
Hverfandi friðarvonir í Sýrlandi
 Sýrlenski stjórnarherinn skaut á flóttamannabúðir í Tyrklandi  Tugir óbreyttra borgara féllu í
árásum hersins í gær  Frestur sem SÞ gáfu stjórnvöldum til að koma á vopnahléi rennur út í dag
AFP
Fórnarlamb Sýrlenskur flóttamaður liggur særður á sjúkrahúsi eftir að
stjórnarherinn skaut yfir landamærin á flóttamannabúðir í Tyrklandi.
Sex skrefa áætlun
» Sýrlensk stjórnvöld sam-
þykktu sex skrefa friðaráætlun
Kofi Annans 2. apríl.
» Hún gerir m.a. ráð fyrir að
öllum vopnuðum átökum verði
hætt, pólitískum föngum verði
sleppt og að fólki verði tryggð-
ur réttur til friðsamra mót-
mæla.
» Skv. áætluninni átti stjórn-
arherinn að hverfa frá borgum
fyrir daginn í dag og uppreisn-
armenn að leggja niður vopn
fyrir fimmtudag.
Sinn er siðurinn í landi hverju og á það við um hátíð-
arhöld í tilefni páskanna eins og svo margt annað.
Þannig fara sumir í messu á meðan aðrir láta sér nægja
að borða súkkulaðipáskaegg.
Á myndinni má hins vegar sjá slóvakísk ungmenni
hella úr fullri fötu af vatni yfir stúlku sem klædd er í
hefðbundinn búning til að fagna páskunum í bænum
Trencianska Tepla, norður af höfuðborginni Brat-
islava, í gær.
Þar mega stúlkur árlega þola það að fá vatn hellt yfir
sig á þennan hátt og vera hýddar samkvæmt ákveðinni
hefð sem talin er tryggja frjósemi þeirra og fegurð.
Reuters
Ísköld páskahefð í Slóvakíu
Kjartan Kjartansson
kjartan@mbl.is
Mæður sem þjást af offitu eða syk-
ursýki á meðgöngu gætu verið lík-
legri til þess að eignast einhverf
börn samkvæmt nýrri bandarískri
rannsókn sem birtist í tímaritinu
Pediatrics í gær.
Vísindamenn rannsökuðu 1.004
pör af mæðrum og börnum þeirra
sem komu úr ýmsum þjóðfélagsað-
stæðum í Kaliforníu. Um helmingur
barnanna var einhverfur, 172 þjáð-
ust af öðrum þroskahömlunum en
315 voru talin heilbrigð.
Sterk fylgni við einhverfu
Rannsóknin leiddi ekki í ljós
hvort þyngd eða sykursýki móður
ylli þroskahömlun barns en í ljós
kom sterk fylgni á milli líkanna á að
það fengi slíka hömlun og heilsu
móðurinnar á meðgöngu.
Þannig voru mæður sem voru of
feitar 67% líklegri til þess að eign-
ast einhverft barn en mæður í eðli-
legri þyngd sem þjást ekki af syk-
ursýki og meira en tvisvar sinnum
líklegri til þess að eignast barn sem
þjáist af einhverri annarri röskun.
Þá kom í ljós að tuttugu prósent
mæðra einhverfra barna eða barna
með þroskahamlanir þjáðust af of-
fitu. Aðeins fjórtán prósent mæðr-
anna sem áttu heilbrigt barn voru of
feitar þegar þær gengu með það.
Ógn við lýðheilsu
Niðurstöður rannsóknarinnar
eru alvarlegar að mati höfunda
hennar enda er yfir þriðjungur
bandarískra kvenna á barneignar-
aldri of feitur og nærri því tíunda
hver þeirra þjáist af sykursýki á
meðgöngunni.
„Þessar niðurstöður okkar um að
heilsufar móður á meðgöngu geti
tengst vandamálum með taugaþró-
un barna vekur áhyggjur og gæti
þess vegna haft alvarlegar lýð-
heilsulegar afleiðingar í för með
sér,“ segir Paula Krakowiak við
Kaliforníuháskóla sem er aðalhöf-
undur rannsóknarinnar.
Fyrri rannsóknir hafa bent til
tengsla á milli sykursýki og þroska-
raskana barna en hingað til hefur
illa tekist að sýna fram á tengsl ein-
hverfu og sykursýki móður.
Tengja offitu
við einhverfu
 Heilsa móður tengist þroska barna