Morgunblaðið - 05.05.2012, Qupperneq 4

4 FRÉTTIRInnlent
MORGUNBLAÐIÐ LAUGARDAGUR 5. MAÍ 2012
Ingveldur Geirsdóttir
Björn Jóhann Björnsson
Kínverjar hafa lýst yfir áhuga á því
að kaupa minkakjöt frá íslenskum
loðdýrabændum. Minkakjöt er eftir-
sóttur matur í Kína og hefur kjöt-
afurðastöð KS á Sauðárkróki fengið
fyrirspurnir um minkakjöt til út-
flutnings.
Heilbrigðisvottun þarf að fara
fram á kjöti sem er ætlað til mann-
eldis. Þegar kjöt er flutt út er það
innflutningslandið sem setur fram
ákveðnar heilbrigðis- og vott-
unarkröfur og yrði það svo með
minkakjötið samkvæmt Halldóri
Runólfssyni yfirdýralækni.
„Þetta færi eftir því hvaða vottorð
Kínverjar myndu vilja með vörunni.
Við verðum að bíða og sjá hvaða
kröfur þeir gera ef af þessu verður,“
segir Halldór spurður hvaða heil-
brigðisleyfi þyrftu að fylgja minka-
kjötinu til Kína.
Kröfurnar til innflutts kjöts í Kína
eru líklega sambærilegar þeim kröf-
um sem eru gerðar í ESB-lönd-
unum, segir Halldór. „Það er verið
að flytja hefðbundið kjöt frá Íslandi
til Hong Kong. Vegna þess útflutn-
ings þurftum við að ganga í gegnum
heilmikið ferli til að sýna fram á okk-
ar eftirlitskerfi með kjötinu. Ég á
von á því að þeir muni stilla upp ein-
hverjum kröfum í líkingu við það
vegna minkakjötsins.“
Öðruvísi uppeldi til manneldis
Minkaslátrunin yrði að fara fram í
vottuðum sláturhúsum en Halldór
sér ekki fram á að hún fengi að fara
fram á sama stað og hefðbundin
slátrun. „Ég held að það yrði að
byggja sérstakt sláturhús fyrir þetta
eða nýta úrelt sláturhús. Líklega
mættu venjuleg sláturhús ekki taka
við þessu. Þau eru skráð fyrir því að
mega slátra ákveðnum dýrateg-
undum.“
Spurður hvort uppeldi minka til
manneldis sé öðruvísi en þegar þeir
eru ræktaðir fyrir skinnið segir
Halldór það líklega vera. „Meðferðin
á minkum fyrir skinnið lýtur ekki
sömu reglugerðum og til manneldis.
Það er hugsanlegt að það kæmu
kröfur þar að lútandi að það þyrfti að
breyta fóðruninni á minkunum sem
fara til manneldis,“ segir Halldór.
Miðað við framleiðslu minka-
skinna hér á landi falla 150-200 tonn
af kjöti til árlega. Nú í maí er von á
áhugasömum kaupendum frá Kína í
Skagafjörðinn þar sem þeir ætla að
skoða minkaræktun.
Þyrfti sérstakt
minkasláturhús
Morgunblaðið/Kristinn
Minkur Minkakjöt þykir lostæti í Kína. Kínverjar hafa sýnt áhuga á því að
flytja inn minkakjöt frá Íslandi. Verið er að skoða þann möguleika.
 Kínverjar setja heilbrigðiskröfur
varðandi minkakjötið  Minkum mætti
ekki slátra í hefðbundnu sláturhúsi
Stjórnvöld hafa ákveðið að taka á
móti allt að átta afgönskum flótta-
mönnum sem búsettir eru í Íran.
Ríkisstjórnin samþykkti það á fundi
sínum í gær að tillögu velferðar-
ráðherra og utanríkisráðherra.
Stefnt er að því að flóttamennirnir
komi hingað til lands í sumar.
Tillagan um móttöku flóttamann-
anna er byggð á tilmælum Flótta-
mannastofnunar Sameinuðu þjóð-
anna sem lagði áherslu á stöðu
afganskra flóttamanna í Íran auk
þess sem stofnunin lagði áherslu á
aðstoð við konur sem taldar eru í
hættu.
Flóttamannanefnd sem hér starf-
ar bendir á, að því er fram kemur í
tilkynningu velferðarráðuneytisins,
að samhliða versnandi efnahags-
ástandi í Íran hafi fordómar í garð
flóttafólks og kerfislæg mismunun
gagnvart þeim aukist. Staða afg-
anskra kvenna í Íran sé sérstaklega
slæm.
Flóttamannanefnd og Útlendinga-
stofnun vinna að framkvæmd máls-
ins en Flóttamannastofnun SÞ mun
veita aðstoð við val flóttamanna sem
boðið verður til Íslands.
Boðið hæli
á Íslandi
 Átta flóttamenn
frá Afganistan
„Ég geri eitthvað
skemmtilegt fyrir
mínar Aukakrónur“
Mánudagur » ÓB Laugardagur Fimmtudagur » Caruso
Næstum 30 þúsund manns nota Aukakrónur til að kaupa allt frá matvælum til trygginga
hjá tæplega 300 fyrirtækjum um land allt. Byrjaðu að safna Aukakrónum strax í dag.