Morgunblaðið - 02.06.2012, Blaðsíða 16

SVIÐSLJÓS
Viðar Guðjónsson
vidar@mbl.is
„Hún var að leika við vinkonu sína inni í
íbúðarhverfi í Njarðvík. Úti var sól og blíða.
Hún var að hjóla. Aðvífandi kom bíll inn
íbúðargötuna á 50 km hraða og bílstjórinn
var að horfa eitthvað annað. Dóttir mín sá
það og reyndi að beygja til þess að koma
sér undan. Það tókst ekki betur til en svo
að hún lenti á bílnum. Vitni segja að við
höggið hafi hún henst hátt í tvo metra upp í
loftið. Í kjölfarið skellur höfuðið svo í göt-
una,“ segir Gunnar Stefánsson, faðir Lilju
Rósar Gunnarsdóttur sem lenti í alvarlegu
hjólreiðaslysi í fyrrasumar.
Skólabókardæmi
um mikilvægi hjálmnotkunar
Hún var sjö ára þegar ekið var á hana í
júní á síðasta ári.
Lilja lærbeinsbrotnaði í árekstrinum auk
þess sem stórsá á hjálmi sem varði höfuð
hennar. „Hún slapp við heilahristing en hún
var ansi mikið slösuð og fór í aðgerð um
kvöldið,“ segir Gunnar.
Eftir slysið lá Lilja í átta vikur á sjúkra-
húsi með fætur upp í loft. Atvikið átti sér
stað 15. júní en hún losnaði úr gifsi 20.
ágúst. Eftir það tók við hjólastóll og hækjur
áður en endurhæfing gat hafist. ,,Það var
ekki fyrr en um áramótin sem hún var ról-
fær, um hálfu ári seinna,“ segir Gunnar.
Eðlilega tók slysið mjög á sálarlíf Lilju
Rósar en nú horfir til betri vegar. „Henni
líður betur í dag og er byrjuð að hjóla aft-
ur. En það hefur verið töluvert mál að
koma henni út í umferðina aftur. Þó að
beinin grói þá tekur lengri tíma að jafna sig
á sálinni. Hún er alltaf taugaveikluð í um-
ferðinni,“ segir Gunnar.
Hann er sviðsstjóri björgunar og slysa-
varna hjá Landsbjörg og hefur að und-
anförnu talað við nemendur um mikilvægi
hjálmsins.
,,Ef eitthvað er skólabókardæmi um það
að hjálmurinn bjargi lífi þá er það í þessu
tilviki. Ef hún hefði ekki verið með hjálm í
slysinu efast ég um að ég hefði hana hjá
mér í dag. Hún var með splunkunýjan
hjálm sem Kíwanisklúbburinn og Eimskip
gáfu henni. Því langar mig að koma skýrum
skilaboðum til krakka um að nota hjálm-
inn.“
Bílstjórinn hafði aldrei samband
Í lögregluskýrslu segir eftir ökumanni að
hátt grindverk við innkeyrslu hafi leitt til
þess að ökumaður sá ekki stúlkuna.
,,Ég sá hann aldrei meira eftir atvikið.
Hann fór að sjálfsögðu í skýrslutöku en við
fengum aldrei frá honum kveðju eða neitt.
Það eina sem ég veit um hann er það sem
ég las á lögregluskýrslu,“ segir Gunnar.
Fjölskyldulífið fór á annan endann í
fyrrasumar vegna atviksins. Til stóð að fjöl-
skyldan færi í sumarfrí til útlanda en ferðin
frestaðist vegna slyssins. Nú stendur til að
bæta úr því. „Það breyttust allar áætlanir í
fyrra en nú ætlum við að skella okkur út
saman. Það er mikil tilhlökkun hjá okkur að
fara,“ segir Gunnar að lokum.
Efast um að við hefðum hana
hjá okkur nema vegna hjálmsins
Ljósmynd/Víkurfréttir
Feðgin og hjólið Lilja Rós er kominn aftur á hjólið eftir atvikið í fyrra. Gunnar faðir hennar
segir hjálminn hafa bjargað miklu. Í hönd hans er hjálmurinn sem leiddi til þess að ekki fór verr.
 Ekið var á Lilju Rós Gunnarsdóttur fyrir ári  Beinið gróið en sálin tekur lengri tíma
16 FRÉTTIRInnlent
MORGUNBLAÐIÐ LAUGARDAGUR 2. JÚNÍ 2012
Á vef Umferðar-
stofu má finna
skýrslu um reið-
hjólaslys í umferð-
inni frá árinu 2011.
Þar kemur fram að
90% fjölgun hefur
orðið á reiðhjóla-
slysum frá árinu
2002. Þá urðu 44
reiðhjólaslys og 9
þeirra voru alvarleg.
Árið 2011 voru 84 reiðhjólaslys og þar
af slösuðust 19 alvarlega. Ekkert bana-
slys hefur orðið vegna reiðhjólaslysa
við umferðargötur frá árinu 2002. Síð-
ast urðu tvö banaslys árið 1997 þegar
tveir létust í hjólreiðaslysi.
Þess ber að geta þess að tölur Um-
ferðarstofu ná ekki til slysa á reið-
hjólastígum þar sem í þeim tilvikum er
lögregla ekki kölluð til. Samkvæmt
upplýsingum Morgunblaðsins er
heildarfjöldi reiðhjólaslysa á skrá hjá
heilbrigðisyfirvöldum en þau gögn eru
ekki aðgengileg almenningi.
Hjólreiðamönnum hefur fjölgað úr
tveimur prósentum upp í fimm prósent
og því má setja fjölgun reiðhjólaslysa,
samkvæmt tölum Umferðarstofu, í
samhengi við þá fjölgun.
Árni Davíðsson er formaður Lands-
samtaka reiðhjólamanna. Hann kallar
eftir samgöngubótum á hjólastígum.
,,Stígakerfið er ekki hannað fyrir hjól-
andi umferð. Sumir hjóla greitt á stíg-
unum og eru margir staðir hættulegir
þegar hraðinn er mikill. Ég held ég
geti til dæmis fullyrt að öll undirgöng
hér á landi séu hættuleg. Í þeim er
blint horn þar sem ekki er hægt að sjá
aðra koma á móti þér. Þar geta bæði
verið gangandi og hjólandi vegfar-
endur.“ segir Árni sem notað hefur
hjólið frá 1987. ,,Eins er gróður víða
þannig að erfitt er að sjá hvað er
framundan. Það getur skapað var-
hugaverðar aðstæður,“ segir Árni
Davíðsson.
Aukinn
fjöldi slysa
STÍGAR EKKI HANNAÐIR
FYRIR HJÓLREIÐAFÓLK
Árni Davíðsson
23% FLEIRI GESTIR
FISKMARKAÐURINN
2012
2011
JÁKVÆÐ MERKI
ÚR ATVINNULÍFINU
Það eru jákvæð teikn á lofti í íslensku atvinnulífi. Fjölmörg fyrirtæki
eru að ná eftirtektarverðum árangri þrátt fyrir krefjandi aðstæður.
Fiskmarkaðurinn er dæmi um fyrirtæki sem náði góðum árangri
árið 2011. Gestum veitingahússins fjölgaði um 23% milli ára.
Arion banki fagnar þessum góða árangri.
H
V
ÍT
A
H
Ú
S
IÐ
/S
ÍA
1
2
-1
0
3
9