Morgunblaðið - 02.06.2012, Blaðsíða 20

STANGVEIÐI
Einar Falur Ingólfsson
efi@mbl.is
„Það hefur aldrei skort bjartsýni hjá
mér,“ segir Bjarni Júlíusson, for-
maður Stangaveiðifélags Reykjavík-
ur, en samkvæmt hefð fer hann fyrir
stjórn félagsins og byrjar að kasta
fyrir laxinn í Norðurá þegar veiðin
hefst á þriðjudaginn kemur. Hann
hikar ekki og spáir því að stjórnin fái
alls 27 laxa í hollinu, en það yrði
„besta opnun á þessari öld“.
Eins og veðurspáin er má búast
við góðri sólbráð í fjöllum, með mik-
illi dægursveiflu í rennsli Norðurár
og Bjarni telur það koma veiðimönn-
um vel. „Brotið gæti verið inni,“ seg-
ir hann um kunnan veiðistað þar
sem formaðurinn hefur oftast veitt.
„Og ef það er þá verður allt fullt af
fiski. Hann verður líka á Eyrinni,
hann verður í Myrkhyl og Myrk-
hylsbroti … já, ég er gríðarlega
bjartsýnn,“ endurtekur hann.
Heldur halli undan
Veiði hefst einig í Straumunum,
ármótum Norðurár og Hvítár, og í
Blöndu á þriðjudaginn kemur. Síðan
verða árnar opnaðar, hver á fætur
annarri út júnímánuð. Laxveiðin
hefur verið afar góð undanfarin ár
en á ársfundi Veiðimálastofnunar í
vor, spáði Guðni Guðbergsson fiski-
fræðingur því að heldur hallaði und-
an, eftir að „gríðarleg veisla“ hafi
verið í mörgum ám á undanförnum
árum.
„Það var metveiði í mörgum ám
2008, metveiði á Norðurlandi vestra
2009, á Norðurlandi eystra 2010 og í
nokkrum ám 2011. Endurheimtur á
löxum úr sjó hafa hinsvegar dalað
heldur og frekar hér á Suður- og
Vesturlandi en fyrir austan. Það hef-
ur gjarnan verið þannig að toppar og
lægðir í sveiflum fylgjast að í ein-
hvern tíma og við erum heldur á nið-
urleið núna. Þær mælingar sem við
höfum á seiðabúskap eru nokkuð
misvísandi en ég myndi telja að
heldur hallaði undan, þó svo að
ástandið sé í flestum tilfellum í mjög
þokkalegu lagi,“ sagði Guðni.
Orri Vigfússon, formaður Vernd-
arsjóðs villtra laxastofna, telur að
laxveiðin verði þokkalega góð í sum-
ar. „Miðað við grásleppuveiðina ætti
það að vera nokkuð gott sums stað-
ar,“ segir hann og bætir við að á suð-
vesturhorninu virðist ætla að verða
meira vatn í ánum en síðustu sumur.
Besti tíminn er seldur
Rætt hefur verið um að sala lax-
veiðileyfa hafi á margan hátt gengið
verr fyrir þetta sumar en undanfarin
ár, og hafa ýmsir leigutakar staðfest
það. Nokkuð hafi verið um óseldar
stangir hér og þar, jafnvel í hollum
sem hafi átt sína daga um árabil í án-
um. Orri segist hafa heyrt þetta en
sú sé ekki raunin í sínum ám, Selá,
Hofsá, Fljótaá og Laxá í Aðaldal.
„Ég held að við höfum hlutfallslega
selt miklu meira en í fyrra.“ Hann
segir erlendum veiðimönnum enn
fara fjölgandi í veiðinni.
Bjarni Júlíusson segir að með
hækkandi sól hafi sala veiðileyfa tek-
ið vel við sér og til mynda séu ein-
ungis til veiðidagar í ágúst og sept-
ember í Norðurá og Langá. „Við
erum því frekar brattir og bjartsýnir
á árið. Laxveiðileyfin eru mjög vel
seld, en við fundum engu að síður í
vetur og vor að það var minni sala til
Íslendinga, félagsmanna okkar, en
oft áður. En besti tíminn er seldur.
Fólk er blankara, en þetta hefur
samt gengið ágætlega,“ segir Bjarni.
„… þá verður allt fullt af fiski“
 Laxveiðitímabilið hefst á þriðjudaginn  Formaður SVFR spáir 27 laxa holli í Norðurá  Orri
Vigfússon telur að laxveiðin verði „þokkalega góð“  Minni sala á veiðileyfum til Íslendinga í vetur
Draumafiskur Björn K. Rúnarsson veiddi draumalax í Hnausastreng í Vatnsdalsá í fyrra, 105 cm langan og veginn 25 pund. Veiðast margir slíkir í sumar?
20 FRÉTTIRInnlent
MORGUNBLAÐIÐ LAUGARDAGUR 2. JÚNÍ 2012
Fiðringur fer um margar veiðimanninn þegar fregnir fara að berast af
fyrstu löxunum sem sjást í hinum ýmsu veiðiám – þeir eru sannkallaðir
sumarboðar. Það hefur eflaust glatt þá sem hefja veiðar í Blöndu á
þriðjudaginn kemur að fyrsti laxinn sást í Damminum að norðanverðu í
vikunni og sá var vænn, talinn 14 til 16 pund. Fyrsti lúsugi nýrenning-
urinn er vitaskuld löngu veiddur, sá tók Black Ghost sem veiðimaður
kastaði með nettri silungsstöng við Bíldsfell í Soginu 18. maí síðastlið-
inn og vonaðist til að silungur tæki. En laxinn virðist farinn að ganga, í
einhverjum mæli. Hjálmar Árnason skyggndi hylji í Flókadalsá í vikunni
og þar var að minnsta kosti einn silfraður og stór, og samkvæmt vef-
miðlinum Vötnogveiði.is sáust einnig nokkrir á Lækjarbreiðu í Laxá í
Kjós og stórlax í Laxfossi. Norðurá hefur verið vatnsmikil undanfarið
og má spyrja sig hvort laxar bíði veiðimanna á Brotinu á þriðjudag.
Lax mættur í Blöndu og Kjós
FREGNIR BERAST AF FYRSTU LÖXUNUM Í ÁNUM
Fyrstu holl sumarsins ljúka í dag
veiðum á urriðasvæðunum í Laxá, í
Mývatnssveit og Laxárdal. Að sögn
Bjarna Höskuldssonar veiðieftir-
litsmanns fer veiðin mjög vel af
stað, enda lífríkið allt mun fyrr á
ferðinni en síðustu tvö ár og sól og
veðurblíða leika við veiðimenn.
„Í Mývatnssveitinni hefur gengið
ágætlega, menn eru ekki í neinu
moki en fiskurinn er góður og allir
sáttir. Fiskur er að taka um alla á
og meira að segja á stöðum þar sem
menn eiga ekki von á þeim nú í vor-
veiðinni, enda var áin komin í tíu
gráður í gær,“ segir Bjarni. Í Mý-
vatnssveitinni gaf fyrsti veiðidag-
urinn, á miðvikudag, yfir hundrað
urriða. Talsverður vatnsþungi er í
ánni og einhverjir eftirlætisstaðir,
eins og Geirastaðaskurður, því ill-
veiðanlegir.
„Í Laxárdal segja menn mér að
fiskurinn sé greinilega búinn að
dreifa sér og liggur ekki lengur í
torfum eins og hann gerir fyrst eft-
ir vorleysingarnar. Fyrir kúlu-
hausakarlana er því erfiðara að
veiða þar niðurfrá, staðirnir eru
margir svo stórir og miklir, en þeir
eru minni og afmarkaðri í Mývatns-
sveitinni. Einn veiðimannanna, Val-
garð Ragnarsson, segir þá vera
með svipaðan fjölda fiska og í
fyrra, allir fá eitthvað og alls stað-
ar. Við Varastaðahólma náði hann
einum ellefu í beit og hefur greini-
lega hitt þar á torfu.“ Um sextíu
urriðar höfðu veiðst fyrstu tvo dag-
ana í Laxárdal. Eins og venjulega
eru fiskarnir heldur vænni þar nið-
urfrá – „upp í 64 cm“ – en í Mý-
vatnssveitinni, þar sem veiðast
hinsvegar fleiri. Þar eru þeir mikið
um 46 til 50 cm.
Bjarni dásamar aðstæðurnar við
ána þessa dagana og rifjar hlæjandi
upp að í fyrra hafi áin ekki verið
orðin tíu gráður „fyrr en í júlí.
Tólfta júní í fyrra stóðum við á
hlaðinu við Rauðhóla í Laxárdal og
sáum ekki yfir ána fyrir snjókomu.“
„Fiskurinn er góð-
ur og allir sáttir“
 Urriðaveiðin í Laxá fer vel af stað
Morgunblaðið/Einar Falur
Urriðadans Fiskurinn hefur tekið
vel við í Varastaðahólma í Laxá.
FRÍMERKI ÓSKAST!
Box 537
SE-201 25 Malmö - SWEDEN
stampauctions@postiljonen.se
www.postiljonen.com
Fulltrúi leiðandi uppboðsfyrirtækis Norðurlanda í frímerkjum,
Postiljonen, mun koma til Íslands á frímerkjasýningu í
Reykjavík. 1 – 3. Júní.
Ef þið hafið frímerki eða
gömul umslög sem þið viljið
setja á uppboð hjá
Okkur, vinsamlegast hafið
samband við okkur. Við
kaupum einnig gegn
staðgreiðslu.
Vinsamlegast hafið samband við fulltrúa okkar á Íslandi
(Magna) í síma 692 33 22 fyrir 1. Júní, og síma 618 82 82 á
tímabilinu 1 – 3. Júní.
Okkur er ánægja að hitta ykkur og ræða málin.