Morgunblaðið - 07.06.2012, Síða 17

FRÉTTIR 17Innlent
MORGUNBLAÐIÐ FIMMTUDAGUR 7. JÚNÍ 2012
Námskeið þar sem veiðimönnum
verður veitt tilsögn í að veiða í Ell-
iðaánum verður haldið við árnar
um næstu helgi, laugardaginn 9. og
sunnudaginn 10. júní nk. Gengið
verður með ánum frá Elliðavatns-
stíflu að Elliðaárósum í tveimur
áföngum. Laugardaginn 9. júní
verður farið yfir efri hluta ánna, en
á sunnudaginn verður neðri hlutinn
kynntur. Áætlað er að námskeiðið
taki um 3½ klst. hvorn dag.
Leiðbeinandi verður Ólafur E.
Jóhannsson, formaður Elliðaár-
nefndar Stangaveiðifélags Reykja-
víkur, en hann er gjörkunnugur
Elliðaánum. Skráning er á net-
fangið olafur.johannsson@sinmet-
.is. Námskeiðsgjald er kr. 13.000.
Morgunblaðið/Einar Falur
Veiðitilsögn í Elliðaá
Í tengslum við 2. Landsmót UMFÍ
50+ sem haldið verður um
helgina verður efnt til málþings
Heilsuvinjar sem ber yfirskriftina
„Bætt heilsa, betra líf – hvað þarf
til?“ Málþingið fer fram í hátíð-
arsal Varmárskóla föstudaginn 8.
júní og hefst kl. 13.
Geir Gunnlaugsson landlæknir
mun setja málþingið en fluttir
verða 11 fyrirlestrar og mun
hver og einn standa yfir í 15
mínútur.
Fyrirlestrarnir verða um flest
sem viðkemur heilsu og má í því
sambandi nefna hreyfingu,
næringu og andlega heilsu.
Málþing um bætta
heilsu og betra líf
Föstudaginn 8. júní kl. 14.00 verður
haldinn kynningarfundur í Reykja-
hlíðarskóla í Mývatnssveit á mögu-
leikum á nýtingu varma til þör-
ungaræktunar. Flutt verða fjögur
erindi og umræður verða á eftir.
Á undanförnum árum hafa menn
í vaxandi mæli beint sjónum að
ræktun og hagnýtingu þörunga til
framleiðslu hráefna í ýmsar vörur.
Þörungar framleiða m.a. prótein,
fituefni, fjölsykrunga, litarefni og
þráavarnarefni. Þörungar eru nú
víða ræktaðir í stórum stíl.
Ræða um þörunga
Fimmtudaginn 7.
júní flytur dr.
Regina Morantz-
Sanchez, pró-
fessor í kvenna-
og kynjasögu við
Michigan-
háskóla, erindi
sem ber heitið
„Áhrif kyngervis
á sögu lækn-
isfræðinnar“.
Fyrirlesturinn verður haldinn í
stofu 101 á Háskólatorgi kl. 12.00. Í
erindinu verður fjallað um með
hvaða hætti félagssagan og kvenna-
og kynjasagan, ásamt kvennahreyf-
ingunni, umbreyttu sagnaritun um
læknisfræði og læknavísindi á síð-
ari hluta 20. aldar. Færð verða rök
fyrir því að nýjar aðferðir innan
sagnfræðinnar hafi vakið spurn-
ingar um heilbrigði, sjúkdóma og
líkamann sem höfðu í senn áhrif á
fræðasvið læknavísindanna og klín-
íska starfshætti.
Áhrif kyngervis á
sögu læknisfræði
Regina
Morantz-Sanchez
STUTT
„Ég er algjörlega sannfærður um að nú sé hátíðin
komin til að vera og að hún verði framvegis haldin
á hverju ári“, segir Sigurður Guðmundsson, fram-
kvæmdastjóri Landsmóts ungmennafélags Ís-
lands fyrir 50 ára og eldri.
Landsmót UMFÍ fyrir 50 ára og eldri fer fram
um helgina í Mosfellsbæ og verður þéttsetin dag-
skrá í boði fyrir þá sem hafa áhuga.
Hátíðin byrjar af krafti á föstudeginum með
keppni í botsía og línudansi í íþróttahúsi Mosfells-
bæjar. Hátíðin verður svo sett formlega á föstu-
dagskvöldinu.
Keppt verður í fjölda keppnisgreina og verða
um 20 greinar í boði. Ekki verða einungis keppn-
isgreinar í boði, en ásamt íþróttum verður mikil
áhersla lögð á heilsu á mótinu og mun sérstakt
málþing vera haldið um heilsu á föstudeginum.
Ýmislegt annað verður í boði fyrir þá sem ætla
ekki keppa og verður t.a.m. farið í sögugöngur um
Álafosskvosina.
Aðallega er um íþróttagreinar að ræða, en í
boði eru m.a. frjálsar íþróttir, sund, botsía, línu-
dans, golf og hestaíþróttir, en að sögn Sigurðar er
vinsælast að menn velji að keppa í þríþraut, sundi
og frjálsum íþróttum.
Ekki verða allar greinar lokaðar og á laug-
ardeginum verður keppt í svokölluðu „Álafoss-
hlaupi“, en hlaupið er um 9 km langt og geta allir
tekið þátt. Sérstakt svæði verður svo í boði fyrir
þá sem vilja prófa hinu ýmsu íþróttir, en það
svæði verður einnig opið fyrir alla.
Skráningar ganga vonum framar og á Sigurður
von á því að þegar skráningum lýkur, verði um
800 manns búin að skrá sig, en skráningum lýkur í
dag.
„Það er rosalega gaman að skipuleggja þetta og
við vonumst til að úr þessu skapist árleg hefð,“
segir Sigurður, en þetta er í annað sinn sem hátíð-
in er haldin.
Áhugasamir geta farið inn á vefsíðuna umfi.is
og skráð sig til leiks, en þátttökugjald er 3.500
krónur fyrir alla helgina. pfe@mbl.is
Mikið fjör í Mosfellsbæ um helgina
 Búist er við 800 þátttakendum á Landsmóti UMFÍ fyrir 50 ára og eldri
Árshátíð, haustferð, stórafmæli?
Njótið þess að ferðast saman og vera til. Icelandair
býður hópferðir til fjölmargra áfangastaða austan
hafs og vestan, ferðir sniðnar að þörfum fólks í góðra
vina hópi sem eiga örugglega eftir að hressa upp á
tilveruna.
Hafið samband við hópadeild Icelandair
Skipuleggið ferðina tímanlega. Við getum séð um að
bóka flug, hótel, rútur, skoðunarferðir og kvöldverði.
Leitið tilboða með því að fylla út fyrirspurnarformið á
icelandair.is/hopar.*
HÓPFERÐIR
HEILL HEIMUR FYRIR ÞÁ
SEM LANGAR TIL
AÐ SKEMMTA SÉR SAMAN
+ Nánari upplýsingar hjá hópadeild Icelandair
í síma 50 50 406 eða á hopar@icelandair.is
* Hópur miðaðst við að 10 eða fleiri ferðist saman.
ÍS
L
E
N
S
K
A
S
IA
.I
S
IC
E
59
35
1
04
/1
2